Accueil
Envoyer à un ami
Version imprimable
Partager

Benazir Bhutto, Nicolas è Carla

Hè stata tomba à a fine di u 2007 quella chì pudia vince l'elezzione à u Pakistan. Dopu parechji anni d'esiliu, era vultata in u so paese. S'è parechji attentati l'anu accolta subitu, u so assassiniu ci lascia dubbitosi in quantu à a pulitica furestera di i Stati Uniti è di Bush. Al Quaida è Pervez Musharaff, u presidente-dittattore s'accusanu d'avè la tomba.



Carla a civetta è Nico u tappu
Carla a civetta è Nico u tappu
Fatt'è fine chì pianu pianu s'è tuttognunu in u mondu hà cundannatu st'assassiniu (ancu l'assassini l'anu cundannatu), oramai ch'elle sò state ripurtate l'elezzione è ch'ellu hè scapatu u partitu d'uppusizione, si parla sopratuttu di e cundizione di a so morte. Sarà a bomba o sarà a pistola chì l'hà tomba?

Parenu fole! Pocu impreme! U peghju, in quella sturiaccia hè chì st'inchiesta chì secondu u maritu di Benazir Butho ùn ghjove à nunda, ùn ghjove micca à nunda. Invece di circà i culpevuli, a sola funzione di st'inchiesta hè di piattà a quistione a più di primura: Chì avvene per u Pakistan, stu paisone chì pussede a bomba atomica. Formerà in e mani di stu dittattore? Girerà versu l'islamisti? Amparerà pianu pianu à campà in a demucrazia? Puderanu cuntinuà i Stati Uniti à sustene un dittattore in pettu à l'islamisti?

Mi si pare chì tutte ste quistione custì sianu più di primura chè tutte e chjachjarate nant'à e cundizione di a morte di a corcia Benazir Bhutto.

Ma mi dicerete tandu, chì c'entrenu in stu cumbugliu puliticu Nico è Carla? Umbèh, elli, ghjè listessu affare ma, di sicura, à un livellu menu tragicu... Ancu di grazia! À u cuntrariu, serebbe quasi comicu quellu chjucarellu! Invece di passiunà ci di pulitica, ci passiona per u puttachju. À quandu hè Cecila chì scappa à New-York, à quandu volta è pieghje à a televisiò, à quandu ùn và micca à vutà per u so maritu... Eppò, sopratuttu, di l'Elysée, ùn ne vole sente puzza! Quessa pò, ci vulia à falla! Invece, quella anziana bellezza chì oramai pare tuttu un pidochju rifattu, s'infrugna subitu subitu ind'è quellu tappucciu!
À sente à l'ultimi puttachji, s'averiamu à marità...

Eccu! Ci simu! L'averete capita, invece di parlà di pulitica, a trappula hè u [people]i ! Invece di parlà di a situazione pulitica di u Pakistan, si ragiuneghja nant'à e cundizione di a morte di Benazir, invece di parlà di i sbagli di u nannulu, parlemu di a so vita sentimentale.
Ancu di grazia, di sti puttachji, ùn ne parleraghju più, sinu à a prossima volta...
Intantu, s'è vi vulete fà duie risate incù stu tippu, andate puru nant'à :
http://sarkostique.over-blog.com/

u 7 di Ghjenaghju 2008
Sbanditu



1.mandatu da azizume u 08/01/2008 00:09
ma Benazir, hè parente cun Ceccè ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta