Accueil
Envoyer à un ami
Version imprimable
Partager

Bettunizazione : in Sardegna dinù



Isule surelle, ancu in u scempiu urbanisticu è in a bettunizazione.

U giurnale La Nuova Sardegna face casu d'un bellu prugettu d'incimentizazione di 120 ettari nant'à a cummuna di Palau, in Gallura.

C'eranu suspetti di scruccuneria in stu prugettu di "maxi-lottizzazione". Dop'à un annu d'inchiesta, 54 persone sò state messe in causa : vinditori, acquistadori, prumutori immubiliari, trafficoni è bettunizadori. Si trattava di fà custruisce nant'à terre distinate à l'agricultura.

Forse, quallà dinù, un passiunatu di parpaing averà dettu chì "on va pas laisser que du maquis à nos enfants".

In Corsica cum'è in Sardegna, a pressione immubiliare hè sempre cusì forte nant'à u liturale. È cum'ella hè longa a cumpagnia di quelli chì preferiscenu u cimentu à a virdura...
Bettunizazione : in Sardegna dinù

u 16 di Maghju 2014



1.mandatu da sardu u 16/05/2014 18:26 (da un teleffuninu)
un avete vistu nunda! Orama i soldi regnanu é u scempiu hé ghja cummessu,ARABI FORA!!!

2.mandatu da Indria u 26/05/2014 00:04
Sò statu in Palau, è nant'à magnifica rena di La Sciumara. Hè un paradisu.
Ghj'hè una vergogna di bettunizà un locu paghjese. I Mela, Rocca-Serra è tutti l'altri, ci n'hè ancu in Sardegna. Chi scumpientu !

Novu cumentu :