Accueil
Envoyer à un ami
Version imprimable
Partager

Bluccate a Corsica, cascate in panna

Cumu fà scimisce centinaie di turisti ? Fate u colpu di a panna. L'altru ghjornu una sèmplice 4L hà paralizatu u portu di Bastia.



Bluccate a Corsica, cascate in panna
Cumu paralizà unu di i più impurtanti porti di u Mediterraniu (pè i passageri) un ghjornu di rush d'agostu ?

I militanti naziunalisti anu pruvatu, u 21 d'agostu scorsu, di bluccà u portu di Bastia è l'aeroportu d'Aiacciu pè sensibilizà a ghjente nant'à a quistione di i prigiuneri.

Una 4L hà fattu ancu megliu, una settimana dopu. U 28, a vittura casca in panna in u tunnellu di Bastia.

Risultatu : ingorgu tamantu, tunnellu bluccatu, portu chjosu, battelli impalaficcati, turisti in crisa, baruffe, scambii di cazzotti, quindeci persone à l'urgenze di l'ospidale.

Amichi lettori, sàppiate chì cù una sola vittura, pudete bluccà a Corsica durante parechje ore. Cusì hè fattu u nostru paese cù e so infrastrutture di u Medievu.

È ùn vale a pena d'avè u Cayenne, un C15 o un vechju Lada facenu l'affare.

Marti 31 Aostu 2010
u webmaestru



1.mandatu da chistrega u 2010-08-31 12:01
http://www.dailymotion.com/video/x73iht_endgame-alex-jones-vostfr-partie-1_news

nunda à chi vede cù l'articulu sopra, so d'accordu, mà stu filmu vale u colpu.
D'accordu, l'americani, e so manere di mette u so paese a u centru di u mondu, a so tendenza à pigliassi per prufetti ... Ma andate a fà un girettu e po cume lu dice Jones, un cridité micca, fate e vostre ricerche e scuzzulate e vostre manere di pensà ordinarie.

Persunalmente aghju l'impressione d'esse infumicata dà a mane à la sera : info, pub, ghjunarli, politichi, ecunumisti... L'ultima cacciata per azzecà a ghjente trà di elli : a caccia à i Rom... E cusi i manghjoni manghjanu, i poveri strazzianu e noi, nè ricchi nè poveri durmimu; si cacciemu l'oghji sbagliandusi d'ennemichi...


2.mandatu da anto u 2010-08-31 12:46
Allora un solu "rom" cu u C15 po vince tutti i pulizzeri bastiacci .Eccu chi a da piace a Pichja Focu !
http://www.blog-anto.be

3.mandatu da AXEL EREGHJA u 2010-08-31 13:29
Eccu si po bluccà u paese incu poch'affari, ci hè dà riflette si una carica di TNT indè u tunellu di Bastia ùn sarebbe un aiutu à luttà contr'à u turisimu...??


@ Chistrega I "Rom" !!!...ch'elli i si pigliinu in casa i "ben pinsante" cume Kouchner indè u so Palazzu di Sperone.... so intrata in un paese stranieru senza esse invitati dunque ùn ponu stà che tre mesi.... (traité de Maastricht 1992....una vera disgrazia !!)

4.mandatu da Zitellu u 2010-08-31 14:28
Tamanta risata !
Sapemu chì ci vole à fà per prossime manifestazione, aspettà l'estate è i turisti, ---> direzzione à u tunnellu di Bastia (ancu a strada di a citadella per l'intelligenti chì passeravanu quì ), ci serà l'ingorgu sin'à Ponte leccia !!

5.mandatu da estrimei u 2010-09-02 12:16
ci so troppu battelli , ci so troppu vitture.
e strae so strette , a costa he piena di battellucci e vulete ch'ellu ci ghjunghji di piu ghjente ?

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter