Accueil
Envoyer à un ami
Version imprimable
Partager

Bona festa à tutti i vicini è ancu à l'altri

U 27 di maghju, hè u ghjornu di l'orrìbile "fête des voisins". Ancu in Corsica...



Bona festa à tutti i vicini è ancu à l'altri
"I vicini sò i cucini" dicia un vechju pruverbiu corsu di u seculu passatu, à l'epica induve a ghjente si parlava sempre. Significava l'impurtanza di e leie è di l'aiutu trà di vicini, cunsiderati cum'è fendu parte di a famiglia.

Ma era à a prestoria. Oghje, ch'ellu sia in paese, in cità o in lotissement, leia suciale ci n'hè pocu è micca.

Ancu di grazia, pè luttà contr'à l'individualisimu hè nata in u 1999 l'idea di a fête des voisins. L'orìgine di sta festa si trova in Parigi, induve pochi sò quelli à scambià duie parolle, è ancu menu un bichjeru. Allora una volta à l'annu, ognunu fala una buttiglia di Banga, un jambon Herta è un pacchettu di Pepitos è si face bomba.

L'idea hè siguramente generosa... ma ùn ci vole micca à inchietassi chì sta festa esistessi ancu ind'è noi ? In Bastia è in Aiacciu, face qualchì annu ch'ella piglia.

Ci vulerà à felicitassi di sta suciabilità nova, ancu s'ella hè artifiziale ? O inchietassi di purtà ind'è noi stu mudellu pariginu ? Hè u segnu di u fiascu maiò di a nostra sucetà, quessa a sapiamu.

Ma si puderia forse truvà altre cose ch'è quessa. E feste tradiziunali corse si morenu, è noi ci lampemu in a "fête des voisins". Ùn ci hè ch'è da vede u riccu prugramma in Bastia (da vede in Corse-Matin) : omancu dece (!) appuntamenti sò previsti.

Ci hè veramente un prublema...

u 27 di Maghju 2011
U Webmaestru



1.mandatu da prisuttu u 27/05/2011 10:06
un peu de pinard, du fromage keurse et un bon barbeuk...

chi serà u primu paese corsu à fà a "fête des voisins" ?

2.mandatu da Michè u fliccu u 27/05/2011 10:14
tuttu stu cumbugliu di malandati si passa in e "résidences"... ci hè dà riflette, no?

3.mandatu da indigesta u 27/05/2011 11:24
Aeee torna robba di pumataghji "y a d'la joie...avec badoua" svegliati o Corsu ghje ora!!!

4.mandatu da Pumata u 27/05/2011 11:37
Usi di francesi, purtati da francesi pe i sutisfà francesi! U veru corsu ùn hà bisognu di feste di i vicini pe ùn crepa solu!

5.mandatu da Grossu panzutu u 27/05/2011 11:39
FETE DES VOISINS = FETE DU BON REPUBLICAIN GAULOIS CITADIN EN MAL DE VIS SOCIALE!!!

6.mandatu da Grossu panzutu u 27/05/2011 11:39
VIE* scusate

7.mandatu da ANTO u 27/05/2011 13:33
U piu chi mi dispiace e ch'ellu ci voglia a aspettà u mèsè di maghju e u 27 pè bèiè un colpu cu i vicini !..parenu folè !

8.mandatu da panzutu premier u 27/05/2011 14:41
La fete des voisins c'est pour les gaulois.... U veru Corsu il aime pas ses voisins...

9.mandatu da MARCUCCIU u 27/05/2011 14:44
Attenti o quéddi ché d'un si né venguessinu é cazzuttatté.Qué vo un' abbiaté a guarda a moglia di un vicinu azzézu,hé techiu di vinaccia.Su beddu mumentu si, po compié in cumbugliu generalizzatu,hé a l'urgenzzé di Falcunaghia o di Castelluciu..

ammé.....

10.mandatu da ranch icone u 27/05/2011 15:36
sta sera femu a festa, i mo vicini in paese sò tutti fresteri. invece, ùn ci hè più nimu pè purtà a statua di u santu... VDM.

11.mandatu da allah Funtana u 29/05/2011 12:06
"I vicini sò cugini", in u chjassu i zitelli eranu tutti parenti à usu di tandu (u chjassu in a parlata corsa hè dinù a stretta di u paese, cù i chjassulani, quelli chì ci stanu). L'affare serà chì ancu i corsi - è i mezi corsi -, preferiscenu di fà e so case "individuale" piuttostu chè di stà in paese. Cusì anu a so tranquillità, i so asgi, è ponu invità anch'elli l'amichi à u "barbecue" ingiru à a "piscine". Vole dì chì l'affari sò in francese, ancu per noi altri corsi... Un ' vale tandu à criticà l'usi furesteri. VUltatevine in paese chì cusì ci seranu abbastanza bracce per purtà a statula di u santu è a cascia di u vechju chì parte...

Novu cumentu :