Accueil
Envoyer à un ami
Version imprimable
Partager

CORSICAN SPEED DATING…

U cunniscite u speed dating ? Aiò! Soca n’avete intesu parlà in qualchì filmu d’Hollywood ? Avete forse vistu unepochi d’affissi ? Mancu ? Allora, v’aghju da spiegà…



U speed dating, di modu literale significheghja u scontru in furia. Site una decina di masci attavulinati in pettu à una decina di femine. Attenti, ùn manghjate micca. Serà megliu cusì per i porchi ! Avete solu qualchì minutu per fà cunniscenza è parlichjulà incù ogni persona di u sessu oppostu.

Ci sunniate à l’amore ? Date vi di rimenu ! Trà e vostre spese è u travagliu, affaccate vi puru à un speed dating, da cunsummà una basgiata in quattru è trè sette ! Hè pocu u risicu! Hè appena cum’è ind’è l’emissione « dite a vostra » di RCFM, sperendu per voi, ch’ellu ci fussi di più ghjuvanette ! Pudete ancu guardà quì i ritratti di a so merendella dating fatta à l’appiattu, in Lozzi… O li brutti!

À sente à Ghjuvan’Carlu Marsily, l’urganizatore ufficiale, à u peghju, dopu un azzicata sgalapata, vi pigliate una speed mancata. Fate casu à u schjaffu ! Altrimente, a mi pensu chì pudete fà vi duie risate o sunnià in una speed frustata… È perchè micca ? Hè cum’è à u supermercatu, s’acconcierà a dumanda incù l’offerta…

Trà a paura di l’impegnu amurosu, a mancanza di u tempu chjappu da a vita prufessiunale è a generalisazione di u cunsumerisimu, u speed dating diventa una suluzione fattiva, adatta à a vita privata oghjinca, accantu à meetic è d’altri siti Internet di sucialisazione.

Serà per quessa ch’elli sò diserti i nostri paesi è ch’elle si sbiotanu e cantine curtinese ? Paisani è studienti si « datanu » oramai à quandu davanti à a webcam di l’urdinatore, à quandu in un speed dating di quelli rumantichi… Aiò o ghjente, siate puru speed ancu voi ! Discitate vi !

Vi prupongu dunque di mette in ballu un speed dating à modu nostru, in lingua corsa… Fate la finita incù u caffè corsu ! Hè anticogna quessa ! Incù u speed dating, tandu sì chì l’avemu da fà campà a nostra lingua ! S’ella s’apria à d’altre tematiche più muderne è pratiche, ci seria di più mutivazione. Ùn hè vera ? Aiò, venite in furia à a frustata corsa…

u 23 di Farraghju 2008
Sbanditu



1.mandatu da Carulu d'Arruvina u 23/02/2008 17:52
ON EST PAS RACISTE

2.mandatu da San Nicula u 23/02/2008 18:34
Anc' eiu voliu un' articulu nanta u scontru Bastia - Libourne SS. Chi ne pensate di tutti st'affare?

3.mandatu da VM u 30/03/2008 01:11
Ghjè una manera per i giovanni di parla a so lingua è in listessu tempu di dragà e donne mà hè forse piu faciule a prima cosa chi a siconda..no?

4.mandatu da Lisandrina u 30/03/2008 16:12
In Corsica, tuttu u mondu si cunnosce, quandu avemu une fulminata, ci hè sempre unu ò duie persone sceme per accuncià un appuntu ! Chì tanti speed dating !

Mi pare chì ghjè contru à l’evuluzione di l’Omu, più i mezi di cumunicazione scuppianu, più a ghjente ùn si parla. Avà ci sò l’email, i texto chì rendenu a ghjente, scema !
Quandu avemu qualcosa à dì, ci sò sti mezi chì trascinanu sbaglii, allora iè ghjè agradèvule, mà duve andavanu ?

U speed dating pò esse piuttostu una manera di mantene a nostra lingua, hè vera, mà ci vole vede ancu chì ci sò pochi giovanni chì parlanu u corsu, hè dunque forse diffìciule di tene una discussione, sopratuttu si ci vole svelasi in cinque minute.

Quale serìa stu mezu per tene in vita a nostra cara lingua ?

A vita permette troppu di cumprumessi, si i giovanni realizzanu effetivamente la posta, ùn serìamu micca qui à parlà di l’avvene.

5.mandatu da Fafalà u 31/03/2008 14:20
In Corsica, tuttu u mondu si cunnosce, quandu avemu une fulminata, ci hè sempre unu ò duie persone sceme per accuncià un appuntu ! Chì tanti speed dating !

Allora, quandu hè chì ci vidimu ?

6.mandatu da mezzu pinzutu mezzu pinzuti u 31/03/2008 18:36
A sucietà di cunsumu tocca anche a Corsica. Paura di l'impegnu amurosu, mancanza di u tempu, generalisazione di u cunsumerismu, tuttu què hà datu a nàscità di u speed dating. Oghji si piglia une donna comu un pruduttu di supermercatu. Bisugna à resistè, ma comu pudemu fà senza cambià di sucietà?

7.mandatu da 68ard attardé u 31/03/2008 18:38
Pensu che u speed dating ùn sia micca un bon'affare.Perchè?Questu fenomenu traduce l'assenza di relazioni tra a ghjente,è què vene di a mundialisazione è di u fattu che a ghjente ùn ha più cum'obbietivu che di travaglià senza pensà à avè una vita suciale.L'omu hè divenutu una spezia di macchina a travaglià.Ghjè questa mundialisazione chi face che campemu in stu mondu di scemu.A nant'a u puntu di a corsica,perchè micca?A fina giustificheghja i mezzi.Se ùn c'hè più che que per salvà a lingua?

8.mandatu da tatiana u 01/04/2008 11:44
Pensu chì st'articulu hè interessante , Dà una bona idea pà incontrà una personna pà passà bonu tempu in furia.

9.mandatu da Lisandrina u 02/04/2008 20:55
Allora, quandu hè chì ci vidimu ?

Oh Fafalà, fà fallà pianu ...Mi face propiu surride! Palisa chì trovu à to risposta assai fine. Ghjè à to manera di tirà una cunclusione di tuttu què?

10.mandatu da Matteuccia u 02/04/2008 21:04
forse stu modu pè incontrà una personna hè megliu che internet o l'annuzie indè i giurnali cusi si pò vede a personna ma pensu che in corsica tuttu u mondu si cunnosce ghjé facile di truvà u numeru di un omu o una donna. u speed dating in corsica e anchu un bellu mezu pè salvà a lingua piu mudernu e originale chi u caffè corsu ma un'ha so se i giovani parleranu sempre in corsica ci vole a rifletti pè truvà d'altri mezzi pè salvà a lingua!!

ps:attenti ci sò assai parole male scritte indè i mio 4cumenti !!!

11.mandatu da Ballarina u 04/04/2008 14:42
« Speed dating » quessa sì a parolla, face vede chì i neulugisimi sò affaccati pianamente è bè in la lingua corsa!
Ghjè un affarone di parlà corsu cù parolle inglese. Iè! Iè! Ci vole à campà cù u so tempu ! Trapassà i tarmini di a lingua passeista, anticogna. Avanzemu à briglia sciolta !
Tuttu si pò dì in corsu, chì a lingua hè ricca, varia. Basta à oghjincà la cù parolle pigliate in quà è in là, parolle inglese o francese.
Mà certi giovani ùn sanu mancu dì duie parolle francese, allora chì ne sarà di u corsu? Lasciemu corre u pesciu!!!
Mà ghjè quantunque una bon’idea, un « Speed dating » in lingua corsa. O le risate chì no c’emu dà fà!
À riflette bè pensu chì a maiò parte di a giùventù corsa priferisce invià SMS è andà nant’à « Meetic » è altri « fori » duve si parla u francese è si scrive in funetica!


12.mandatu da a balanina u 04/04/2008 23:24
so i cuncetti americani ch'anu da aiutà a sucieta corsa a salvà a so lingua? pensu chi ghjè ghjustu postu chi a Corsica hà datu u piu maio di cuncetti tant'anni fà! Inno micca l'esempiu di a cunstituzione vogliu parlà di u Coca Cola!
U speed dating po esse una soluzione,ancu s'elle ghjè tristu d'avè bisognu di quessu, mà solu pè quelli chi ùn anu a nimu! Pè l'altri ùn avete micca prupusizione?

13.mandatu da Quill'altru u 06/04/2008 18:52
Hè vera ch'avale ne simu à l'ora di u virtuale è chì a leia si face nantu à ciò chì si chjama a "rete". Si facenu ancu i chjami è rispondi nantu à i fori d'internet !
Ma volta è gira 'ssa ghjente ne ghjunghje sempre à u scontru fisicu : quelli o puttachjoni di "dite a vostra" pueti di u web si danu appuntamentu u tempu d'una manghjata.
Eppò, à sente à l'emissione di Ghjvan'Carlu Marsilly ancu i vichjetti di e volte s'azzeccanu à dite a vostra, è in lingua corsa !
Tandu, surfemu, chattemu, postemu, datemu, scuntremuci... ma femula in Corsu !

14.mandatu da filippi u 06/04/2008 21:19
Mi pare chi st'americanade un so micca adattate à a sucietà corsica perchè qui tuttu u mondu si cunnosce!
Tempi fà un ci eranu micca tutti sti medi per incontrà ghjente quantunque i raporti trà l' ommi è e donne eranu piu sinceri.
Sti scontri in furia un mi parenu micca esse u mugliu per cunstrui una vera storia d'amore, s'assumiglianu di piu à un ghjocu, à una macagna!!
Mà, se certi giovanni corsi sceglienu stu novu modu di scontru, fà per fà hè megliu di parlà corsu, seria po esse un mezu di mentene a pena a nostra lingua.....

Novu cumentu :