Accueil
Envoyer à un ami
Version imprimable
Partager

Cahu : "Trà a Marseillaise è u Diu vi salvi Regina, y a pas photo !"

Yannick Cahuzac hà accettatu di risponde à e dumande di A Piazzetta.



Cahu : "Trà a Marseillaise è u Diu vi salvi Regina, y a pas photo !"
Dui anni fà u club falava in National, è dopu era mandatu in CFA. Oghje hè primu di Liga 2 è hè in traccia di fà una prudezza. U vostru parè ?
Hè vera chè no vultemu veramente da luntanu, ma tantu chì matematicamente ùn hè micca fatta, ùn ci vole micca à infiarassi troppu. Ma hè vera chè no simu ben partuti è s’è no ci la femu à cullà in Liga 1, averemu fattu qualcosa d’eccezziunale. Ùn ci vole micca à scurdassi da induve venemu. Saria una prudezza tremenda.

Frédéric Hantz pare ch’ellu ci sia per qualcosa in sta rinascita...
Ci sò parechje cumpunenti chì anu fattu chè no ne simu custì oghje. Frédéric Hantz è u so staff tecnicu anu veramente aiutatu u club à ghjunghje quì.

U stadiu di Furiani dinù hà cambiatu.
Hè qualcosa di tremendu. Avemu l’impressione ch’è no avemu un stadiu novu, cù sta tribuna sud tamanta, chì hè piena è chì canta. In principiu di macciu, quandu ci hè u “uniti vinceremu” hè propiu impressiunante. Ci scalda u core è vi possu dì chè no avemu u trimuleghju nanzu d’entre in u campu.

U vostru parè nant’à e “bombes agricoles” ?
(ride) À mè mi piacenu !

Ghjucate dinù in a Squadra Corsa. Chì hè chì vi face u più effettu ? U Diu vi salvi Regina o a Marseillaise ?
Ùn ci hè micca dubbitu, u Diu vi salvi Regina ! Y a pas photo !

Johan Cavalli, ghjucadore aiaccinu, hà dettu ch’ellu vuleria vede una squadra di Corsica indipendente. È voi ?
Iè, anc’à mè mi piaceria assai ch’è no avessimu a nostra squadra di ballò indipendente !

Per avà in Furiani si sente Sò Elli quandu i ghjucadori entranu in campu. À quandu a musica di a Champion’s League ?
Quessa ùn a sò, ma francamente a spergu ! A spergu forte !

Piglii piacè à mette un "tacle" à un ghjucadore ch’ùn ti piace micca ?
Ùn diceraghju quantunque micca ch’o ci pigliu piacè, ma face prò. Quandu un ghjucadore m’hà messu i colpi, face veramente prò !

Bon avà a pudemu dì. Chimbonda, era un mytho ?
Sigura, di pettu à ciò chì stu ghjucadore avia dettu, sì. Dapoi quellu l’affare, u club hà dimustratu ch’ellu pudia integrà ghjucadori di culore senza prublema, è ci n’hè sempre statu à u Sporting.

È Fabrice Jau ?
(ride) U corciu ! Hè vera chì a ghjente ùn s’identificava micca troppu à Fabrice... Ma à cantu à Chimbonda, ùn hè micca un mytho !

Ùn avete ancu una techja di a canzona di Jo Bonavita ?
Ah nò ! Spergu ch’è no cuntinuveremu à cantalla, serà bon segnu !

U publicu corsu preferisce spessu a grinta è i "tacles" à u bellu ghjocu è à i gesti tecnichi. Ci volenu di più macelli à u Sporting ?
Ghjè bè perchè quist’annu ci l’avemu fatta à avè un bon mischju. Ci sò parechji ghjucadori chì anu u spiritu è a grinta, è ci la femu à pruduce un bellu ghjocu. Ghjè benissimu per i nostri sustenidori. Ghjè impurtante d’avè i dui à tempu, ghjocu è ghjucadori chì incroscianu a maglia.

I Canti lanciati da i sustenidori in tribuna Est, Bastia 1905, sò tutti in corsu. Capisce tuttu Rothen?
Ùn sò micca s’ellu capisce tutte e parolle, ma vi possu dì chì in principiu d’annu, ci hè una spezia di bizutage pè i ghjucadori novi chì devenu cantà una canzona davant’à tutti l’altri. È Jérôme hà cantatu in corsu !

U vostru ricordu u peghju in tantu chè ghjucadore ?
U macciu contr’à Vannes, chì ci face falà in National.

U vostru ricordu u più bonu ?
U macciu di u titulu di campione contr’à Créteil annu. Contr’à Fréjus dinù era bè, quand’è no cullemu ma contr’à Créteil, cù u but à u 93u minutu, era megliu. Era tremendu ! Spergu ch’è no averemu l’occasione di turnà à campà quessa quist’annu.

U ghjucadore u peghju contr’à quale avete ghjucatu.
Ci vole ch’o fessi attenzione à ciò ch’aghju da dì, digià chì ùn so tantu tenutu caru in u mezu di u futbol è mi sò disputatu cun parechji ghjucadori... Ci hè Olivier Guégan chì ghjucava à Brest è chì avà hè intrenore aghjuntu in Reims. Eppo Julien François di u Havre dinù, ci sò stati parechji prublemi cun ellu.

Quelli chì v’anu marcatu ?
Unu chì era di gran’valore era Florent Laville. Ùn hà forse micca marcatu a storia di u Sporting ma à mè m’hà marcatu assai. Quandu hà firmatu quì, eiu era u mo primu annu in prufessiunale. Ellu hè statu ùn sò quantu volte campione di Francia cun l’OL è ùn si muntava manc’appena a sega. Hè un tippettu. Eppo Pierre-Yves André dinù, hè veramente qualchissia di bè.
In avversarii, Giroud è Koscielny quand’elli ghjucavanu in Tours. M’avianu veramente impressiunatu.

u 20 d'Aprile 2012
Intervista fatta è tradutta da u webmaestru



1.mandatu da nazione corsa u 20/04/2012 10:32
FORZA BASTIA!Vinci per noi!forza bastia furiani hè cun tè

2.mandatu da lonzu u 20/04/2012 10:50
aiò, micca Pierre-Yves André !

3.mandatu da Barabbas u 20/04/2012 12:04
U vostru parè nant’à e “bombes agricoles” ?
(ride) À mè mi piacenu !
DEMMU A CORDU A L'IMBECILI CHI E LAMPANU !

Ghjucate dinù in a Squadra Corsa. Chì hè chì vi face u più effettu ? U Diu vi salvi Regina o a Marseillaise ?
Ùn ci hè micca dubbitu, u Diu vi salvi Regina ! Y a pas photo !
IE, BELLA SICURA, MA SE CAHU ERA ABBASTANZA BONU PER GHJUCCA CU A NAZIUNALE FRANCESE A U M AVVISU LI PIACERREBBE ANCU A MARSEILLEAISE, E PO UN CI SCURDEMU CHE U RISPETTU DI U PROPRIU INNU NAZIUNALE CI DEVE PURTA A RISPETTA QUELLU DI L'ALTRI

Johan Cavalli, ghjucadore aiaccinu, hà dettu ch’ellu vuleria vede una squadra di Corsica indipendente. È voi ?
Iè, anc’à mè mi piaceria assai ch’è no avessimu a nostra squadra di ballò indipendente !
SI CAPISCE, PERCHE VISTU U LIVELLU SARIA L'UNICA PUSSIBILITA PER ELLI DI PARTECIPA A UNA CUPA DI U MONDU, UN PO CUME I RASTA ROCKET A I GHJOCI OLIMPICI D'INVERNU.... E PO I MACCI SI PUDERIANU FA ANANT'A PIAZZA SANTYU NICUALU CUME UNA VOLTA QUAND'HU GHJERA CAMPU DI CHJUCU A PALLO....

PER U RESTU, GHJUCATE E PARLATE CU I PIEDI, CHI VI VA MEGLIU !

4.mandatu da Baravin u 20/04/2012 14:55
Buh ! Chi azizume o Barabbas ! mettiti piuttostu à u tennis !

FORZA BASTIA, FORZA CAHU

5.mandatu da Ghjacumu u 20/04/2012 15:14
O barabbas Vai a fa e pipe à Laurent blanc

6.mandatu da Ghjacumu u 20/04/2012 15:14
O barabbas Vai a fa e pipe à Laurent blanc

7.mandatu da nazione corsa u 20/04/2012 15:47
o barabbas so macagne ...un ci vole micca anarbassi cusi! se u veru "rondidon"

8.mandatu da NO FOOT BUSINESS u 20/04/2012 18:09
ECCU A MENTALITÀ CHE NO VULEMU IN FURIANI !!!

9.mandatu da GIACOBBI u 20/04/2012 18:39
oh maestru un c e nunda chi ti face vergogna;sapemu tutti chi stu giuvanotu e Francese e u corsu ne u parla ne u capisce allora basta u MONTAGE DE SEGA chi doppu partimu in coglie

10.mandatu da u webmaestru u 20/04/2012 19:33
à quelli chì ùn sanu micca leghje : l'intervista hè stata fatta in francese è tradutta in corsu, postu ch'è no semu nant'à un situ in lingua corsa.

ancu quessa ci serà stata rimpruverata... ci vole à falla !

11.mandatu da criticone manghjone u 20/04/2012 19:38
a ghjente ùn hè mai cuntenta in stu paese

fate qualcosa per u vostru populu, è vi manderà sempre à cacà !

ai ragio "GIACOBBI". hè faciule di criticà daretu a l'ordinatore, hè più difficiule di fà...

12.mandatu da Pertusatu u 20/04/2012 20:12
Anc'assai chi Cahu scegliesse u so innu prima di quellu francese, ma ghje vera che si u chjamanu in squadra francese, cume l'altri, andarà. Sarià ancu tontu d'un andacci micà. Hè u so mistiere no ? E qual'hè chi hé abbastanza astutu pa' rifiutà una promuzione ? Un l'impediscerà micà di "bagna a so tinuta di u sporting".... E se un parla micà corsu, bastà chi n'abbia u spiritu !! Ci bastarà pà u mumentu parchi sè nò, avemu da aspittà un beddu tempu pà avè una squadra un Bastia !! Forza Bastia !! E spiremu chi qualchisia ci propunesse un iPhone corsu pà un pidassi micà u capu pà scrive due parolle.... À bona serà a tutti.

13.mandatu da Fan di Tancrède u 20/04/2012 20:17
bravu pè ste parolle o Pertusatu. ai dettu tuttu

14.mandatu da uniti vinceremu u 21/04/2012 15:38
Forza cahu!!! Uniti!!!!

15.mandatu da Piatamò u 21/04/2012 19:29
Cahuzac micca corsu?...
...chì hè essa corsu?...
Se corsu tù?...
Pocu sali in zucca ind'è certi chì scrivini cummenti mi pari...

16.mandatu da Talavesu u 21/04/2012 20:57
Forza Cahu e forza Bastia.Barabbas cun noi aio!!!!!!

Novu cumentu :