Accueil
Envoyer à un ami
Version imprimable
Partager

Carissimu petroliu

U Guvernu vole festighjà u 14 di lugliu à bon’ pattu...



I prezzi di u barile sò cullati è ùn si sà quand’elli rifaleranu. Allora, un numeru criscente di Francesi cambia un pocu i so usi di cunsumazione, esitendu micca à fà u giru di e stazione serviziu, à a ricerca di i carburenti i menu cari, à reduce i spazziamenti o à sceglie a soluzione di u « co-vitturaghju ».

Più chè mai, a vita si face dura, u paese hè in crisa. I nostri conti in banca, purtafoglii, a sentenu passà. Ancu e cascie di u Guvernu sò tufunate. D’altronde, u presidente Niculau Sarkozy è u so primu ministru Francescu Fillon anu decisu l’altr’eri di piglià misure maiò.

« Pruvà di investisce à bon’ pattu », tale hè u scopu miratu da i dui rispunsevuli pulitichi. Quella vuluntà si traducerà, à mumenti, trà, per esempiu, a sfilata di u 14 di lugliu chì risicheghja quist’annu di cunnosce qualche mudificazione, secondu l’Agenzia Furdana di u Puttachju (AFP). A prova in maghjine… Chì ne pensate voi ?

U tank novu chì averebbe da sfilà nant'à i Champs Elysées per a festa di u 14 di lugliu.
U tank novu chì averebbe da sfilà nant'à i Champs Elysées per a festa di u 14 di lugliu.
I novi tanchi di l'armata di terra...

I militari francesi s'approntanu à a lotta!
I militari francesi s'approntanu à a lotta!
L'infanteria eculogica di l'armata francesa.

u 21 di Ghjugnu 2008
L'Alisgianincu



1.mandatu da kifà? u 21/06/2008 01:17
ridimu, ma à mumenti piglià a so vittura hà da diventà un lussu... e noi, pagheremu, chi in Corsica i trasporti in cumunu ùn esistenu micca, o so i listessi che à a Preistoria

da leghje sta settimana u "courrier international" nant'à e cunsequenze di u barile à 200 dollari

2.mandatu da GWM u 21/06/2008 11:05
haha fussi la puru...cusi ancu noi pudemu invadisce a Francia...ma pensu chi u carru falzu sia alemanu perchè hè fiancatu di a "croce travata" (Balkenkreuz), è ancu u suldatu à diritta mi pare bellu alemanu...
infine forse incù u barile à più di 200 dollari tandu, ùn ci serebbenu mai state e guerre...

3.mandatu da estrimei u 21/06/2008 12:56
eu a a piazza di "baril" diceria botte.
sta situazione ha da fà cresce i prezzi di i prudutti chi ghjunghjennu da luntannu ; forse ci vuleria a piantà campi di pattate e di fasgiolli (....) a a piazza di "golfs" et di campi di turisti?

4.mandatu da circinelludiguagnènativupèliguagnesusosanguaversatu u 21/06/2008 19:20
u "barril" o "barrile" hè una misura internaziunale... Di più sta parula esiste in corsu cù u significatu di botte di 100 litri...

5.mandatu da estrimei u 21/06/2008 21:21
mi scusu,o circinelludiguagnènativupèliguagnesusosanguaversatu , ma sta parulla un l'avia mai intesa . aghju intesu spessu di: una botte di tanti litri.
avà, un ti vogliu micca sbugerda , se tu a cunosci he segnu ch'ella si dice.
(fà u piace dimmi in chi rughjone sta parulla he praticata)

6.mandatu da circinelludiguagnènativupèliguagnesusosanguaversatu u 22/06/2008 03:20
a botte hè u francese "tonneau" ma ci hè in Corsica una parula pà ogni grandezza: u caratellu, più chjucu, u burdelesu, più maiò ecc...

7.mandatu da Tony Montana u 22/06/2008 10:38
Site veramente "à botte" o zittè, cù a parulla "barile" !
In fatti, ci sò parechje pussibilità, cume quelle chè vò avete scrittu nanzu, mà site andate quì : http://adecec.net/infcor/ricerca.php?c=&sc=4&f=baril&sf=4&d=&submit=Recherche&perpagina=10&francese=1&definizione=1&sinonimi=1

8.mandatu da estrimei u 25/06/2008 13:58
eccu ,avà a so , l'emmissione "dite a vostra" m'ha datu a risposta e parulle barile e barillottu so , di sicuru, aduprate in certi lochi.
dunque a mio riflessione un he che a prova di a mio 'gnurenza , mea massima culpa .
dice u pruverbiu :- piu ne sà,piu n'adopri - cum'un ne so abbanstanza ,a u mio prussimu sbagliu.

Novu cumentu :