Accueil
Envoyer à un ami
Version imprimable
Partager

Catinu 2008 : And the winner is...

Site stati assai à vutà (è ancu à frodà !) pè l'elezzione di u catinu di l'annu 2008. A scelta hè stata difficiule chì eranu numerosi i candidati catini à essesi scatinati l'annu passatu. Ma un nome ghjunghje in testa : senza surpresa vince Christian Clavier. Felicitazioni !



Catinu 2008 : And the winner is...
A storia ritenerà chì Christian Clavier ùn averà vintu nè Oscar nè César quist'annu, ma solu u premiu di u catinu 2008 di i lettori di A Piazzetta. Più di 20% di i voti ! Ci vole à dì chì l'omettu chì hà ghjucatu i rolli d'Astérix è Napuliò (difficiule di fà peghju...) hè statu forte quist'annu. Tuccatu da a maledizzione di L'Enquête Corse mischjata à una storia di Padduc cù appena di Sarkozy, u Jacquouille ùn hà mancu più a so piazza in e pagine "people" di Corse-Matin. Hè tempu d'andassine o Gristian !

Luntanu in daretu (circa 9.5 % di i voti) truvemu u catinu à a sciarpia rossa, Christophe Barbier. U pseudo-intellettuale chì firmerà cum'è un sìmbulu di a cunneria di a generazione Sarkozy hè sempre prontu à difende a Ripublica. Per quessa, li piace tantu à pichjà nant'à i chjuchi per fà piacè à i conni. Cuntinuveghja puru o Christophe, à noi face un pezzu ch'è tù ci faci ride ! Ma ùn ci saria micca piaciutu di sapè ciò chì un tippu cusì saria diventatu sott'à l'occupazione...

In terza pusizione, u PADDUC (9.3 %). Ci averà rottu l'orechje quist'annu, sta spezia di prugettu mal scrittu è mal pensatu. Assenza di cultura, d'agricultura, d'educazione è di suciale (ciò chì manca u più à a Corsica...) è à botte nant'à u turisimu piaghjincu, e custruzzioni in bor'di mare è i golf pè ricconi. Sempre à l'orringuesciu, cum'è di solitu !

Surpresa in quarta pusizione ! I cusì detti "Obamistes d'Ajaccio" facenu un bellu 9.2 %. D'accordu per felicitacci di l'elezzione d'Obama dopu à l'anni di Bush, ma ùn femuci illusioni : u novu presidente si n'impippa pocu di a sorte di a Francia, allora di a Corsica... Ma ùn face nunda, in Aiacciu una mansa di catini à l'oziu a si ghjocanu bobò bransciati. Li si pare cusì di fà avanzà l'umanità...

Disillusione pè Nicolas Sarkozy chì ùn ghjunghje ch'è in quinta pusizione malgradu tutti i so sforzi. Ferà siguramente megliu quist'annu chì vene !

U primu corsu di a classifica hè una donna : Stéphanie Grimaldi ottene 7.9 % di i voti. Siguramente chì u so rollu in l'elaburazione di u PADDUC è à u peghju esecutivu di l'Assemblea di Corsica ci serà per qualcosa !

Premiu speziale di a ghjuria : Ange Santini è Camille de Rocca Serra. Elli di tutte manere, sò fora di cuncorsu...

Premiu speziale annuale : I servizii di pulizza, di gendarmeria, a ghjustizia antiterrurista, a SDAT, i Thiel, Marion è altri Van Loc, Navarro è altri flicchi tantu tenuti da u putere pariginu. Manipulatori, vigliacchi, falsi, ladri... Avà i cunniscimu bè è face più di 200 anni ch'elli sò assicurati di riceve un premiu tutti l'anni.

2008 ùn hè micca statu l'annu per Alain Orsoni (chì face un bellu 7.8 %) nè per Bernard Casoni (4.5%). Forse u megliu ch'ellu li si puderia pregà saria un andata sèmplice per u cuntinente. Hè ghjuntu easyjet, hè u mumentu di prufittane !

Anu avutu pochi voti... è purtantu : Jacques Séguéla (3.1) digià in cumpetizione per u premiu 2009, Gilbercopter (2.98), Plus Belle la vie (1.9), Ingrid Bétancourt (1.5), Rachida Dati (1.5), Raymond Domenech (1.2), Sarah Palin (0.4), Tony PArler è PPDA (0.2).

Sò stati citati da i lettori : Antoine Nivaggioni, u tempacciu, Jean Sarkozy, Bernard Squarcini, u gruppu Corsica Terra, a tectonica, Jean-Martin Mondoloni, Jean-Christophe Angelini, Bienvenue chez les Chtis, Joseph-Guy Poletti, a canzona francese (Mylène Farmer, Christophe Maé, Julien Doré...), Paul Giacobbi, Pierre Poggioli, Jean-Guy Talamoni, Georges Mela, u gruppu di riflessione "Demain la Corse"...

...è dinù a squadra di A Piazzetta !

Eccu, tuttu quessa s'hè passata in 2008. Cumminciate puru à riflette per u catinu 2009 !


Articuli ligati :
Vutate per u catinu di u 2008
A ritruspettiva di l'annata


u 25 di Farraghju 2009
A squadra piazzetta.com



1.mandatu da Antò u 25/02/2009 12:47
Chi Furtuna !!

2.mandatu da paulo u 25/02/2009 14:14
sò stumagatu, eiu aghju vutatu pè l'obamiste

3.mandatu da Heliofobu u 25/02/2009 15:44
O Paulo, anc' eiu aghju fattu u forzing pèr sti carnavalli d'Obamistes... E, ghjè quantunque un bellu risultatu, chi accantu c'era dinù catini di prima trinca...

4.mandatu da Piratella u 25/02/2009 18:44
Felicitazione à Glaviot (cum'ellu dice Ghjuvan'Filici), eccu un premiu meritatu, per una volta!!

5.mandatu da starflash u 25/02/2009 18:51
d'altronde saria bè di rimetteli fisicamente u so premiu, à stu connu.

OK cun Paulo, l'obamisti meritanu dinù un bellu premiu ! ma 9%, hè digià benissimu per elli !

6.mandatu da altore u 25/02/2009 21:06
malgradu u colpu di a rolex seguela era troppu luntanu pè richjappà u so ritardu... ma ellu è clavier sò amichi intimi... christian u sperterà vulinteri... barbier micca troppu cunisciutu di a maiò parte di a pupulazione face une grossa elezzione. nurmale pè un catinu di prima trinca cum'è ellu ch'hà a paura di a minima pistulittata à a surtita di un matrimoniu... pè quist'annu chì vene pensu digià à i sindicalisti corsi chì facenu una ceremonia in memoria di u gadaluppeanu (ciò chì ghjè a minima di e cose) ma ch'ùn sò micca capaci di fà move un populu ch'ùn dumanda chè què! spergu chì i mesi à vene mi deranu u tortu...

7.mandatu da sambucacciu u 25/02/2009 21:38
quellu chi dice e cunnerie à RCFM, ben partutu in 2009

8.mandatu da fratellu ficatellu u 25/02/2009 21:43
O Sambucacciu, ghjè ghjustu, ma... Ci sò a pallitate allora ! Pensi a unu in precisu ?

9.mandatu da filidatu u 25/02/2009 21:45
hè vera chì leghjendu u spezia di stracciu chì ghjova di giurnale sta mane mi sò dettu chì bella iniziativa quella di a cgt !
innò ridu, mi sò dettu chì mansa di catini meritanu a so piazza nù u classamentu 2009

10.mandatu da sambucacciu u 25/02/2009 21:48
un certu invitatu di u club de la presse

cummincemu puru à fà u listinu di i catini 2009, a lista risica d'esse longa...... ma longa.............

11.mandatu da filidatu u 25/02/2009 21:51
unu chì hà una bella faccia di catinu dinù hè stéphane usciati u giurnalistu di corsicaser'

12.mandatu da O Bamo u 26/02/2009 00:22

Piantate di parte in tutti i sensi, chì seremu ancu noi i catini di qualchissia! Quì simu bè prutetti, micca nomi nè ritratti ; ci cridimu forti, astuti, nè???

13.mandatu da estrimei u 26/02/2009 08:16
eu prupongu chi , quistanu chi venne , ci sia un cuncorsu di u "catinu di a radio e di a televisiò "

14.mandatu da filidatu u 26/02/2009 15:00
di a radio è a televisiò corsa o francese?

15.mandatu da dark pastizzu u 26/02/2009 15:43
i conni 2009 :

Dany Boon, Wacogne è u fliccu Pellegrini per quessa :

16.mandatu da paulo u 26/02/2009 16:24
si pò fà Dinù u premiu di u conu 2009 : Pè mè ghjè bè intesu Nanar Casoni pè a diversita di i so discorsi di fine di partite :"les gars ont tout donné" le contenu est bon"...

17.mandatu da estrimei u 26/02/2009 19:09
a filidatu ,
n'avemu abbastanza 'ncu quelli di quì !

18.mandatu da filidatu u 27/02/2009 10:34
à estrimei ,
sò d'accunsentu cun tè ma hà da esse difficiule di truvà ne unu più catinu chè l'altri

19.mandatu da ZIU ANTO U PURCAGHIU u 27/02/2009 11:51
CI so toppu catini!!!! a scelta è dificule ;ma u mio preferitu saria quantuquè MILOU......

20.mandatu da yes we canistrelli u 27/02/2009 11:53
hè vera chi emile zuccarelli ùn s'hè micca troppu intesu in 2008... ma ùn ci hè dubitu, vulterà ancu più forte in 2009. eppo avà, ci serà ancu "Jean II"...

21.mandatu da filidatu u 27/02/2009 12:17
in u partitu di i radicali di manca hè longa a lista di catini ma u mo preferitu hè quantunque paul giacobbi si dice chì jacques dutronc si serebbe inspiratu d'ellu per a canzone l'opportuniste

22.mandatu da Kugùrn u 28/02/2009 19:19
principiu strepitosu pè i Catini 2009 di l' "illusionista"

23.mandatu da Piratella u 28/02/2009 22:43

Un "favuritu" per u Catinu 2009 , partutu à cerbellu in bocca, hè senza dubbitu a Sega, ella...

24.mandatu da gégé Dapardiu u 01/03/2009 12:54
Pensu chi a "sirata di i cesari" sarà in corsa pà prussima elezzioni.Hè sempri un piacceri di veda cungratulassi u cinema francesu di li so fieri navoni; è com'è sempri di suchjà a pena i c... di l'attori americani ,invidiati par fà creda chi st 'appuntamentu ghjè un gran'mumentu

25.mandatu da trufeisti u 07/03/2009 20:00
Perchè u trufea hè cusì bellu? Hè ghjà un onore una statula cusì. Ci vulia à fà un veru trufea "catinu d'oru®"

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta