Accueil
Envoyer à un ami
Version imprimable
Partager

Charles hà cappiatu u Sporting

A presidenza di Charles Capia hè stata a più corta di tutta a storia di u Sporting : 3 ghjorni. Mancu u tempu di manghjassi i soldi chì fermanu in e casce (viote) di u club.



Charles hà cappiatu u Sporting
Charles Capia ùn serà micca u presidente chì averà salvatu u Sporting. U so bilanciu, malgradu tuttu, ùn hè micca ridiculu :

- mai persu in Furiani
- mai persu in spiazzamentu
- mai persu in campiunatu
- mai persu in Cuppa di Francia
- mai persu in Cuppa di a Liga
- mai persu in Cuppa d'Auropa
- mai persu in Cuppa Intertoto
- mai persu in Copa Libertadores
- 0 scunfitte
- hà lasciatu parte à Salim Arrache
- hà messu fora à Philippe Anziani
- hà datu duie cunferenze di stampa
- ùn hà micca arruvinatu u Sporting
- nisun sbagliu in u ricrutamentu

Nimu, in a storia di u club, hà un bilanciu sìmile !

Mèrcuri passatu scriviamu chì u tempu era à l'ottimisimu cun SuperCapia. Sta sera i sustenidori sò sott'à Prozac, stumacati da SuperLonzu.

Charles Capia ci hà dunque fattu u colpu di a mela cotta. U capimachja d'Unigros ùn hà riesciutu à fà l'unione daretu à ellu. Ma induve a situazione hà bluccatu ? Cun Vendasi ? Filippi ? Lolli ? Per avà ùn si sà.

U Sporting ferma dunque senza presidente, senza avvene, sempre ultimu di L2, cun un tufone di 1 milione d'€ in e casce à 15 ghjorni di passà davanti a DNCG.

Perchè tandu, avè annunziatu à tutti ch'ellu era u presidente novu, perchè avè pigliatu a decisione di mette fora à Philippe Anziani è di scuntrà a ghjente di Sportfive in Parigi ?

Tante dumande senza risposte.

In tantu, rèndenu i sustenidori di Sporting è si ghjoca marti sera contr'à Strasbourg (19esimu). Si Bastia perde, s'averà un pede in National.

U SC Bastia cuntinuveghja d'esse u ghjòculu di certi...

u 30 di Nuvembre 2009
U Sgaiuffu



1.mandatu da esperanza là là u 30/11/2009 20:35
Meniri (ghjucadore) si ne và, lampatu fora
Anziani (intrenore) si face spazzà
Antonetti (presidente) si ne và
Cappia si ghjoca à cappia è à piglia
Ma ditemi à pena
ùn ci n'hè chè unu chì ferma quì : l'amicu Pieri
Mi pare un misteru st'affare o ùn ci capiscu più nunda
Chì si passa in stu sporting ?
un pinzutu dicerebbe : "j'ai raté un épisode"

2.mandatu da Türkyilmaz u 30/11/2009 22:04 (da un teleffuninu)
SCB=SIDA

3.mandatu da esperanza là là u 01/12/2009 09:15
Cantava Tempête 30 anni fà: "où vas-tu Bastia ?". Ma micca per listessa situazione, oramai puzzica. A "ghjente", o più tostu i "ricconi" di u sporting ci piglianu per fasgioli. Si ghjocanu a fede di i giovani chì ci anu cridutu à Cappia è à piglia. U risultatu ? Bancarotta à cort'andà. A nivellu spurtivu, "la nave và" à u sprufondu. A peghjò situazione di Bastia dipoi u 1963 - solu 46 anni - ... E ci sò sempre quelli chì s'azzinganu à un futtogliu in coghju in Furiani per cumandà ùn si sà più chè. Affari di soldi ? Pulitica? Ch'elli a dicanu, ch'elli si spiegheni ... Ancu s'è oghje ùn ci basterà più sta verità per salvà u pocu è tantu.

4.mandatu da campagnolu u 01/12/2009 21:24
Oh OH OH , mi mi mi à Charly Oleg qui face "tournez manège" incù u sporting.;;;le jeu des chaises musicales, a chi parte à chi ghjunghje..buh chi chjocca 'ssu charly Oleg !
a speranza la la : Pieri ha demissiunatu è ùn hé micca vultatu dà ciò ch'eo sò.

5.mandatu da esperanza là là u 02/12/2009 18:54
Nò o paisanò, ùn sò micca Oleg ma tù mi pare un bellu avucatu, nò ?
è a canzona "où vas tu Bastia ? " cuntinueghja, cuntinueghja, cuntinueghja.
A' mumenti simu à "terminus, tout le monde descend" ...

Novu cumentu :