Accueil
Envoyer à un ami
Version imprimable
Partager

Charlton Heston hà cappiatu u fucile

Charlton Heston, bellu cunnisciutu pè a so parte in u filmone Ben Hur o ancu in I Deci Cumandi, hè mortu l'altru eri in casa soia. Avia 84 anni. Un hè micca a prima volta ch'è no femu un articulu necrulògicu, appena cum'è in l'avisi di trapassu in u ghjurnale (a partita a più letta di Corse-Matin).



Charlton Heston hà cappiatu u fucile
Allora, a carriera di Heston fù legenda, incù e so apparizione in successi tamanti di u sinemà, cum'è Soylent Green, U Pianeta di e Scimie ('remakes' numarosi in Corsica), True Lies incù Schwarzie, El Cid, Khartum, è tanti altri.

Heston fu à u principiu di a so attività stracinematografica cunsideratu cum'è un dimucratu liberale, in l'anni settanta. Mà pigliò una altra dimensione quandu l'attore si cambiò in omu puliticu chi s'incappò una cuntruversia abbastanza longa pè u so sustegnu di più in più accanitu à a famosa National Rifle Association, quellu associu mericanu pè a libera circulazione di i pistole è di i fucili.

Arricurdatevi di e so parolle un ghjornu à a tribuna, manighjendu un vechju schjoppu, incù a so voce tremenda : « From my cold dead hands…(mi cacceranu u fucile solu di e mo mane frete è morte) »…Versu a fine di a so vita, scumbattia incù Alzheimer.

Tenimu in mimoria sopratuttu l'attore, chì ci hà permessu di campacci davanti à a telè incù i so filmi, multidiffusi pè ste ghjurnate di festa, cum'è Natale o Pasqua, tutti l'anni…

u 9 d'Aprile 2008
BOBZOMBIE



1.mandatu da fucilate u 09/04/2008 01:49
u lobbì di i fucile s'impatrunisce di A Piazzetta o chè ?

soca spiegerà u silenziu (inchietante) di a fistuca

2.mandatu da ribella u 09/04/2008 19:15
Scusate , m'hà fattu ride BOBZOMBIE... Auh!... Un vale a pena di crede chi simu immurtali e di pisa troppu i fucili ...chi si finisce in Alzeimer o di tutta manera in polvera !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta