Accueil
Envoyer à un ami
Version imprimable
Partager

Chì ci hè di novu à a legione ?

Vulete sapè ciò chì si passa in l'armata ? Cumu stanu i legiunari ? Ciò chì l'adjudant-chef Legorju hà manghjatu à meziornu ? Leghjite Corse-Matin. Era a settimana scema di i Bidasses in Corsica.



A cultura à l'onore.
A cultura à l'onore.
A sapiate chì Bernard Tapie era passiunatu di "La 7ème compagnie" ? O forse serà Roger Antech ?

Dapoi una settimana, ùn si passa un ghjornu senza chì Corse-Matin fessi un articulu nant'à a legione. È s'ella ùn hè a legione, hè l'armata.

Avemu fattu u contu :

27 aprile, pagine di Corti : "Célébration du 150ème anniversaire de la bataille de Camerone" (simu cuntenti per elli)
28 aprile, pagine di Corti : intervista di u giovanu colonel Mougin, anzianu capimachja di a legione di Corti è ardente difensore di l'università di Corsica : "la légion reste ma deuxième famille".
29 aprile, pagine di Calvi : "150 ans plus tard, le mythe de Camerone perdure" (è dalli)
30 aprile, pagine di Sartè : una pagina sana di prumuzione pè l'armata "les jeunes à la découverte de l'armée de l'air" (anu avutu a scelta ?). Ma ferma una piccula piazza pè a cultura postu ch'elli si vedenu canta i picculi suldati chì parteranu forse à fassi splusà in Afganistanu cù stu cummentu : "au moment d'interpréter la Marseillaise, sérieux de rigueur".
1u di maghju : ancu di grazia, ùn si travaglia micca...
2 di maghju : ripresa in fanfara cùn stu tìtulu originale : "Le 2ème Rep fête les 150 ans de Camerone" (casu mai n'avete ancu capitu).

Parechje dumande si ponenu à noi dop'à sta settimana di frenesia militare :
- I giurnalisti di Corse-Matin sò à stu puntu militaristi ?
- O forse serà Roger Antech chì si disceta a matina à u sonu di "Tiens voilà du boudin" è dopu si fideghja u DVD à u ralentì di La légion saute sur Kolwezi ?
- Averemu un ghjornu un drapeau français è un képi cù u supplementu di u venneri ?
- In un epica di viulenza sfrenata, chì pensà di sta dimustrazione di forza, di garde à vous, di sfilati militari, di mitragliose belle luccicante è mustrate cun orgogliu ?

Ma quessa a viulenza hè viulenza chic. Hè viulenza autorizata.

O sinnò, è s'ellu si parlava appena in stu giurnale di cultura, di storia, di literatura, d'archeologia, d'ambiu, di paesi, d'iniziative pusitive di a ghjente di stu populu, chì forse ne ponu parlà in bè ? Iè, ci n'hè sempre appena. O sinnò l'archeologhi di u futuru risicheghjanu di pensà, leghjendu à Corse-Matin, chè no eramu un populu di legiunari.

Pè un articulu in lingua corsa in Corse-Matin è pè i nomi di lochi scritti di manera curretta, aspettemu sempre. Ùn face chè quarant'anni chè no l'aspettemu.

Bon, di manera più seria, i giurnalisti anu l'ordine di fà a prumuzione di l'armata cusì ?

27 aprile : legione

Chì ci hè di novu à a legione ?

28 aprile : legione old school

Chì ci hè di novu à a legione ?

Chì ci hè di novu à a legione ?

29 aprile : legione

Chì ci hè di novu à a legione ?

30 aprile : armata

Chì ci hè di novu à a legione ?

2 maghju : legione

Chì ci hè di novu à a legione ?

"On a pas le même treillis mais on a pas la même passion"

Chì ci hè di novu à a legione ?

Chì ci hè di novu à a legione ?

In quant'à l'episodiu di i pastori Saveriu è Pasquinu Ruggieri di Bustanicu assassinati da un legiunariu disertore in u 1976, ùn ci vole micca à parlane.
Chì ci hè di novu à a legione ?

Chì ci hè di novu à a legione ?


u 3 di Maghju 2013
U Sgaiuffu



1.mandatu da Tappert u 03/05/2013 03:00
Micca normale

2.mandatu da ghjuva u 03/05/2013 04:33
o ghjente ci volle aspetta nunda di piu corse matin ghje u nudiziale frencese ! e po so belli tutti sti carnavale sottu sta banderaccia

3.mandatu da Ulongu u 03/05/2013 09:01
Quandu serà l'anniversariu di i pastori tombi in Bustanicu ?

4.mandatu da KüG u 03/05/2013 10:58
Aiò quandu ùn hè a legione sò i giandarmi chi ghjunghjenu, chi si maritanu, chi fanu passà u "permis piéton" à i zitelli, chi cacanu, ecc.

Ghjè Képi-Matin stu giurnale

5.mandatu da ghjuva u 03/05/2013 11:28
e vera ulungu..sti pastori tumbati per ste merde..a di sicuru corse matin di que un ne parlenu

6.mandatu da henry smart u 03/05/2013 12:32
Quandu si sa u casticu ch'ellu he per facci passa un'infurmazione culturale o altru...
a prussima volta, m'affaccu cu u kepi ! ava aghju capitu !

7.mandatu da Corse-matin n''est pas le journal de ce pays u 03/05/2013 12:36
Nomi di paesi sempre struppiati, articuli infami di Chabanon è i Amar, mai una ligna di lingua corsa...

Et si c'est pas la légion, l'armée ou la gendarmerie, c'est Jean Zuccarelli.

Passanu l'anni, Corse-Matin ùn hè sempre micca un giurnale corsu.

8.mandatu da CORSU RIFLETI u 03/05/2013 17:26
Fiore di l'armata francese : a legione strangera.
Fiertà di a basa aerea 126 : da custì partianu l'aviò par andà à bumbardà a Libia.

9.mandatu da zia calvese u 04/05/2013 08:13 (da un teleffuninu)
à me,mi piacenu i kepi e l''adore di a rena calla
e s''elli cantinu eccu teni u sanguinellu, mi danu ancu a fame!

10.mandatu da henry smart u 04/05/2013 09:38
Ah ie, ghje vera chi di bumbarda a Libia ghje be !!?
a rivolta qualla he stata organizata da i servizi secreti francesi ! un he una rivolta populara cum'è in Tunisia per esempiu.

11.mandatu da ghjuva u 04/05/2013 11:47
o henry cosa ne sai tu se in tunesia ghje una rivolta populare po esse una manipilazione ancu quala. e po per mette i musulmani a u pudere?? vai puru.

12.mandatu da henry smart u 04/05/2013 14:12
Ch'ella ci sia un risicu in Tunisia, cum'è in tutte e revoluzione di ricuperazione so d'accunsentu. cum'e in Egitta. Cum'e in Russia, Cuba....tandu.
E un so i musulmani chi ghjunghjenu à u putere, ma l'islamisti ( i so fascisti à elli ) chi un pocu cum'è a strema diritta in Europa, prufitta di u fattu chi c'he sempre statu un putere currottu ind'è sti paesi. E po so populisti, prupenendu una visione simplista di a suceta !
Ma basta à interessassi appena à ciò chi s'he passatu ind'u magreb, per sape chi in Libia ( ancu s'e un difendu mancu appena à Kadhafi) un he micca un muvimentu populare massicciu ! c'he statu un intervenzione di i servizi francesi è inglesi mi pare !
a qucetat

13.mandatu da henry smart u 04/05/2013 14:17
a suceta un he mancu appena cum'è in Tunisia, Duve e forze demucratiche so prisente dipoi un Bellu pezzu !
per ciò chi tocca à un bumbardamentu in Libia ci so ragio altre chi l'aiutu à un populu marturiatu ..chi s'he pigliatu une poche di bombe in capu d'altronde. E po si so spicciati per tumba à Kadhafi. un l'anu pigliatu vivu !?

14.mandatu da Kim jong di pappa u 04/05/2013 20:01
D una parte, à sapemu chi corse matin tene di a pravda, d una altra parte, un avemu micca bisognu di a legione per tumba corsi, pastori o no.

15.mandatu da zia calvese u 04/05/2013 22:38 (da un teleffuninu)
huuuiuiiiu....u mo sanguinellluu....

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta