Accueil
Envoyer à un ami
Version imprimable
Partager

Chì ci pudemu pagà cù u prezzu d'un Neymar ?

U bresilianu Neymar hè dunque diventatu u futbalore u più caru di a storia : 222 milioni d'€ per u so trasferimentu da u FC Barcelona à u PSG. È u so costu colla à 700 milioni nant'à cinque anni, s'ellu si conta a so paga (30 milioni à l'annu) in più di e prime, cariche, cutizazione suciale ecc...).



Chì ci pudemu pagà cù u prezzu d'un Neymar ?
Cù una paga di 30 M€/annu, face 576 000 €/settimana sia guasi l'equivalente d'una vita di SMIC à settimana.

Nunda ch'è cù i soldi di u so trasferimentu, noi ci puderiamu pagà :

2 ospidali (costu di quellu d'Aiacciu : più di 80 M€)

3 bugetti di a cità di Bastia (70 M€)

5 matrali idroelettrichi (costu 45M€)

10 tufoni in e casce di u Sporting Club di Bastia (23 M€ di debbite)

16 mini tunnelli di Furiani (costu : 13 M€)

21 centri culturali (costu di l'Alboru di Bastia : 10,5 M€)

222 rifugi di u GR20 rifatti da novu (costu previstu da u PNRC per 1 rifugiu : 1M€)

222 case illegali in Rundinara (costu di l'amenda Ferracci : 1 M€)

1 annu è mezu di volu di Canadair (costu pè un'ora : 16.000 €)

15 800 anni di publicazione di A Piazzetta (à ragiò di quattru numeri à l'annu)

16 099 anni di Smic

888 000 cappiati di torymus sinensis (costu d'un cappiatu : 250 €). À stu prezzu tutti i castagneti di Corsica sò salvi)

Ci hè qualcosa chì ùn và in u mondu di u futbol prufessiunale. In fine di contu, u Sporting si n'hè andatu à tempu...

u 4 d'Aostu 2017


Novu cumentu :