Accueil
Envoyer à un ami
Version imprimable
Partager

Chì di ghjallina nasce…

A stampa spurtiva Spagnola face l’onori à u figliolu di Zidane, chì, à u listessu postu ch’è u bapu, incanta i spezialisti in a sguatra di i giòvani di u Real Madrid. Enzo Zidane, hà tuttu in trà i pedi pè piglià a rilleva di u vechju.



Chì di ghjallina nasce…
« Ma chì ci pò futte à noi ? » ch’ellu si pò pensà. Ci pò futte chì ancu quessa pò avè cunsequenze pusitive o negative nant’à u nostru campà, quì, in Còrsica chì ùn simu mai à l’agrottu di nunda.

Incù a statina sebbiata ch’avemu passatu grazie à a scunfitta maiò di i Francesi à a Cuppa di u Mondu, ci serebbe da trimà è teme u peghju per l’anni à vene. Figuràtevi s’è, da quì à calc’annu, Zidanucciu avìa a gattivìssima edea di purtà i Francesi à a vittoria. Ne ripiglierèbbimu torna per dece anni di I will survive again, di pinzuti scatinati è di Corsi di Marseglia in bullore incù pilucche bleu-blanc-rouges. È tuttu què, incù sta sega immurtale di Thierry Roland, chì ellu ùn hà bisognu nè di bapi nè di figlioli per guastà è impuzzichisce a vita di tante generazioni ! Eh iè, u perìculu ci hè.

Per furtuna, ci hè pò dassi da ralegracci chì, ci serà forse u figliolu di Domenech, chì ellu, nù u piglierà micca à Enzo Zidane, ghjustu perch’ella li piacerà d’ùn pigliallu micca in selezzione. Tandu averemu pò esse torna belle statine à gode.

Ma attenti chì ind’è noi, simu sempre stati trà i primi à perpetuisce e sterpe. Viderete quandu Kevin Santini è Dylan de Rocca Serra piglieranu l’Assamblèa, è lamperanu treni sgangherati, à tappu nant’à e nostre raglie rughjinose, indebitendu trè leve di cuntribuàbuli Corsi. Soca aspetteremu cun impazienza chì Steven Giacobbi è Brandon Bucchini i caccèssinu per… euh per chè digià ?

In tantu, ci vulerebbe à sapè s’è Bernard Bonnet, Jean-Pierre Chevènement, David Guetta, Michel Onfray è Jacques Séguéla anu i figlioli. Tandu ci serebbe u travagliu…

u 3 d'Utrovi 2010
Ussamà Ben Lazezu



1.mandatu da statu civile.. u 04/10/2010 07:38
U peghju di tuttu sarà u ghjornu induv'ellu sarà un Farid Simeoni o un Tiago Angelini chi pigliarà l'assemblea di a Corsica (Keursee) appughjati dà tutti quelli di a so sterpa.. alora ancu megliu un corsu "imbastarditu" culturalmente chi un bastardu chi si sarà scurdatu di a filetta è di e nostre (Vere) fedeltà .....pè compie ùn sarà megliu pè l'avvene un Santu Casanova o un Ghjuvan-Petru Gafforj....A bona ghjurnata..

2.mandatu da ghjuvan'marcu u 04/10/2010 10:30
"Chi di ghjallina nasce, in terra ruspa" Sè u pruverbiu è ghjustu, averemu a furtuna ch'Enzo sìa spagnolu, a so mama è spagnola; Zidane è u ghjallu chi ghjucava pè a Francia, chi nè serà di u so figliolu ?

3.mandatu da Van Goffen u 04/10/2010 11:36
arrestate

4.mandatu da Katzenbock u 04/10/2010 12:15
È Gwenael André chì venerà torna à rompeci i cuglioni quant'è u babbu, à tirà in tuscia !

Fred Née ne hà figlioli ? Mamma chì scumpientu !

5.mandatu da anto u 04/10/2010 13:12
In dè l'omi pulitichi ghjè cumè in dè l'altri ,si ponu trasmette soldi ,case e forni ma micca u ghjudiziu e l'intelligenza !E l'affare andera peghjurendu basta a fighjà l'esempi di a Francia

6.mandatu da corsu u 04/10/2010 14:37
e sampieru sarkozzi l'avete smintichatu?

7.mandatu da Capitanu fiara u 04/10/2010 15:10
È Filippu Dorcel ?

8.mandatu da Avulpaccia u 04/10/2010 15:54
Pulitichella si... Cume sempre é manghjusca... Cume dà pé tuttu

9.mandatu da S.A.C.U. u 04/10/2010 18:36
E u figliulinu di Carlu Pasqua. Anto-Carlu...ùn po esse future capu di una Diritta francece di spressione cursista...?!

10.mandatu da Niulinca u 04/10/2010 18:41
O mancu incu Fanfan Vendasi ùn averemu prublemi di st'ordine.... u figliolu, sè ùn u si compra nant'à Internet.o in tailanda.............ùn ci nè sarà... !!

11.mandatu da per ride u 04/10/2010 19:04
è compie ùn sarà megliu pè l'avvene un Santu Casanova o un Ghjuvan-Petru Gafforj....A bona ghjurnata.. STATU CIVILE dixit

Postu ch'è no insantulemu "i figlioli di..." ci vole à arricurdassi chì u figliolu di Ghjuvanpetru GAFFORJ hè statu culunellu di u RÈ DI FRANCIA è ch'ellu hà participatu, era propiu accanitu, à a strage di l'impiccati di u Niolu.
Ziu SANTU, u corciu hà compiu a so vita cù una decurazione di MUSULINU.


O mancu incu Fanfan Vendasi ùn averemu prublemi di st'ordine.... u figliolu, sè ùn u si compra nant'à Internet.o in tailanda.............ùn ci nè sarà... !! NIULINCA dixit

Soca ci sarà calchì NIPOTE CARNALE piattu in calchì scornu di Corsica, ùn hè?

È i nostri i figlioli? Saranu degni di u so babbu è di a so mamma?

Postu chì noi semu i più valenti di a ghjente di Corsica.









12.mandatu da Milanista delusu.. u 04/10/2010 19:13
Ahhhh !! Si u puverettu di Pierrot Bianconi avia avutu dui o trè figlioli chi puderebbinu ghjucà à u sporting è dà appena di STINTU NUSTRALE... à a nostra squadra..chi tantu Enzo Zidane...

13.mandatu da Stilettu.. u 04/10/2010 19:58
à per ride.. Musulinu (Si dicia....) ùn era a più gattiva scelta, forse meiu che u Fronte Populare è sta manca francese arcirepublicana, nemica vera di i populi-Nazione..di u Cristianisimu.....


14.mandatu da altore u 04/10/2010 21:28
o stilettu ùn sò micca quale tù sì è aghju pocu laziu di sapella ma sappia un affare : mussolini vulia a gabbia senza l'acelli... per ellu u populu corsu ùn esistia micca chì ghjeramu taliani. i corsi n'anu suffertu di e camisgiacce nere... ma po esse chè i toi sò sbercati tandu è eranu di l'astra parte... infine mi faci pietà... bramu una Corsica libera ma quandu vecu ch'o mi battu à fiancu à tippi cum'è tè, mi dumandu sè no vulemu a listessa a Corsica... una Corsica chì marchja à u tamburru ùn m'interessa manc'appena. evviva a Nazione. evviva a Manca!

15.mandatu da Stilettu.. u 04/10/2010 22:18
Iè altore Musulinu vulia a cabbia senza l'acelli nè so cuscente (mà u so regime era identatitariu è catolicu alora chi a francia era è ghjè sempre assai più mundialista) è po i francesi si so pigliati a cabbia incu l'acelli è po pocu à pocu l'hà cacciati è rimpiazzatti...stia tranquillu ùn parli à unu di sti numerosi "lucchesi"chi "facenu avà i "corsi".mà mantengu chi a manca francese porta in ella stessa u genucidiu di i minurità naziunale (Corse mà dinù basche è brittona.etc.) è quessa ùn si po nigà...eu a Corsica à vogliu Libera mà dinù è sopratuttu populata di Corsi cuscente è fidi à elli stessi vale à di naziunalisti...alora si tu preferisce esse sucialisti ghjè u t'affare.
Eviva u populu Corsu sola nazione leghjitima in Terra soia...

Ps :Canta puru Bella ciao Rossu amicu..à mè mi s'hè sempre fattu pena in core di sente stu cantu à GHjurnate di Corti.....Eu preferiscu u Culombu..!!

16.mandatu da altore u 04/10/2010 22:25
bella ciao mi piace assai hè vera. u culombu dinù. ma una cosa hè certa è sigura : sin'à l'indipendenza (s'ella ghjunghje un ghjornu) ci suppurtemu... ghjunta ch'ella hà da esse ci avemu da tazzà cum'è cipolle!

17.mandatu da Stilettu.. u 04/10/2010 22:41
Tazzà, no amicu rossu i corsi si so tazzatti frà elli troppu spessu.. a nostra rivoluzione ùn deve esse cume quella di i francesi chi elli si si tazzatti fà elli..( francamente a manca farncese ti hà marcatu indè u più prufondu..) noi altri (averemu u duvere di tazzà i "colons" (Coloni si po di ??) chi ùn voleranu parte è ancu tutti l'altri scalatti chi ùn voleranu stà pè u sole o pè u soldu....tandu, una volta a corsica pulita è rincurzizzita ci puderemu fràtumbà.. s'elli ci fermanu i cartucci dopu à "l'evive" è e festa tremende di l'Indipendenza (S'ella vole vene un ghjornu..)

Bella ciao hè un cantu talianu.è ti piace ??.......eu preferiscu L'Acula (Reale o imperiale)chi cerca è tomba è so prede à l'Altore chi si nutrisce di baschicciu....(Scherzu...)

a bona notte Altore...

18.mandatu da Stilettu.. u 04/10/2010 22:43
* l'altri scalati chi ùn voleranu parte..mà averai capitu..

19.mandatu da Ohimè u 05/10/2010 11:01
O ghjente prima di tuttu rimettimu e cose à l'usu nustrale: à chì di gallina nasce, ecc, à Sampieru Sarkozzi, à Filippu Dorcel

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta