Accueil
Envoyer à un ami
Version imprimable
Partager

Chì diventarianu i Francesi senza i Corsi ?

Dopu à Christophe Barbier, sempiternu anti corsu, tocca avà à u simpaticone di Michel Onfray di scatinassi contr'à noi. Francamente, ancu di grazia ch'è no ci semu per ralegrà appena a povera vita di sta povera ghjente...



Chì diventarianu i Francesi senza i Corsi ?
A ci prega bona Barbier, in u so ultimu edituriale: spera chì da quì à vinti anni 20 milioni di beaufs scaccanessinu à u sinemà davanti à un "Bienvenue chez les Chtis" corsu. Serà u segnu chì a Corsica hè definitivamente "appaciata" è integrata à a Francia. Da leghje sanu nant'à stu forum. Da leghje dinù a risposta d'Edmond Simeoni nant'à u so blog.

Và bè chì 1000 anni fà stu loser d'Arrigo Bel Messer ci avia previstu una trista sorte, ma quantunque, finisce in un "Bienvenue chez les Chtis" à l'usu corsu, cun Christian Clavier è Guy Cimino, ùn ci vole micca à deccunà !

Avà hè dinù Michel Onfray à surfà nant'à u maròsulu anti corsu : da leghje quì è per quelli chì volenu perde u so tempu dinù quì. Ramintemu chì Michel Onfray si facia passà cum'è un "amicu di a Corsica", stallatu bella sigura ind'è noi. Da leghje dinù a risposta di Jean-Guy Talamoni nant'à u so blog.

A vera quistione hè quessa : cun tutti i castichi chì toccanu u poveru francese, trà Sarkozy, a crisa, u disimpiegu, e delucalizazioni, l'usine chì chjodenu, i patroni chì si techjanu è a puvertà chì cresce, ùn averanu nunda d'altru à cummentà, i capizzoni di l'intelligenza bleu-blanc-rouge ?

Ma hè vera chì hè u nostru rollu, à noi Corsi. Si i Francesi tènenu tantu à vede a Corsica firmà soia, hè chì li ghjuvemu à qualcosa : ci ponu insultà, sfugà è cacciassila cun noi, strascinà in a fanga, trattà cum'è bestie, nimu dicerà qualcosa. Hè cusì dapoi Marbeuf è Morand. È di siguru l'anti razzisti steranu sempre zitti per noi.

Serà bon segnu. A ci dice Barbier : u ghjornu induv'ellu ùn serà più anti corsu, hè ch'è no seremu integrati cum'è i so cari Chtis.

Allora ch'elli cuntinuvessinu puru i Barbier, l'Onfray è tutti l'astri catini d'intellettuali à l'usu francese chì si credanu cusì superiori à u restu di l'umanità. Tantu ch'elli mughjanu, hè ch'è no ùn femu veramente micca parte di u listessu mondu.

u 21 d'Aprile 2009
u webmaestru



1.mandatu da estrimei u 21/04/2009 08:12
st'articulu m'ha fattu scopre a pagina di E.SIMEONI e di G.G.TALAMONI , ma pe' u fondu , nunda 'un cambia ,a Francia culunialista 'un averà pace cha quand'ell'un ci serà piu corsi in Corsica .
so pochi i frencesi a avè cunsiderazione per u nostru Paese e u nostru Populu e andate puru a girandullà nantu a tilatiga e viderete chi a rabbia , u disprezzu ,un so micca che 'nu i scritti di Barbier e di Onfray.
allora , o corsi, siamu rispettuosi, generosi , uniti , tra di noi , e tandu averemu u rispettu di l'astri.-e una manera d'esse uniti tra di noi , he di praticà a nostra lingua -

2.mandatu da Kugùrn u 21/04/2009 09:44
u ghjornu chi ci trovanu simpàtichi, semu cotti tracotti.

3.mandatu da in cauda venenum u 21/04/2009 11:58
PERSA A LINGUA PERSU U POPULU

4.mandatu da filidatu u 21/04/2009 12:26
Barbier , a sapia ch'ellu era un catinu ùn m'aspettava à nunda di bè di a parte di 'ssu cacatu furzatu.
Ma per ciò chì tocca à Onfray sò dillusu, perchè chì u so libru Traité d'athéologie m'era piaciutu, truvava l'omu intelligente è di bon sensu ma per disgrazia quand'ellu si tratta di a Corsica tutti l'intellettuali tutti l'umanisti francesi s'accopianu cum'è i latri di Pisa cun i fascisti è i culunialisti francesi .
pudemu esse fieri d'un affare o ghjente simu i soli à mette d'accunsentu tutti i francesi da manca à diritta!
Chì piacè di vede ch'ùn ci ponu pate, segnu chì ùn simu ancu cum'è elli

5.mandatu da C.BARBIER u 21/04/2009 13:33
u puverettu di JFK dicia sempre : " peghju chè a bomba attomica ci hè a cunneria è l'imbecilità umana " eo cacciaraghju "umana" è metteraghju "francese".O zitè, a ghjelusia cio ch'ella face !!!

6.mandatu da onfraydemablonde u 21/04/2009 13:38
attenti chi Onfray hè dinu dunnaghju, ma ùn cunsumà chè à partesi da 10 anni è sottu à 18 !! chi vulete ch'ella sia a riflessione dopu ?!!!

7.mandatu da Ghjuvan' Filici u 21/04/2009 19:28
Ci stà bè ! Invinimuci chì à Onfrey l'emu accoltu com'è liccumetti in Aiacciu pà pirmettali di fà a so cunnaria d'università.
I ringraziamenti ecculi quì !
Quissa hè a paghera pà i pumpuni fatti è i culi di putenti liccati.

8.mandatu da onfraydemablonde u 21/04/2009 19:54
evviva Mahmoud !!

9.mandatu da ilpoussaitdescrisd'onfrey u 21/04/2009 19:57
u palu pà Onfrey !!! u palu !

10.mandatu da Piratella u 22/04/2009 01:55

L'amichi aiaccini di Onfray (piuttostu i so anziani amichi chì l'averianu tantu dilusu) eccu ghjente chi devenu esse grandi pensatori ; chì ci hè cù Onfray? ùn li anu micca servutu abbastanza a suppa (à l'aligostia)?

11.mandatu da frombaOPachiumanicuhènovu u 22/04/2009 13:13
Onfray, Barbier uniti in listessa lotta è di ch'elli raprisentanu " l'intelligenza "francese !!serà tuttu què a materia grisgia francese ? iè hè tuttu què è senza vergogna, pè piacè !!

12.mandatu da Bwah u 22/04/2009 17:45 (da un teleffuninu)
100% d'accordu cun GF, ci amparerà à accoglie tutti i cacati di a creazione ! Ch'ella ghjovi di lezzione à certi !

13.mandatu da altore u 22/04/2009 21:52
ùn metteraghju quantunque micca i 2 articuli à paru. quellu d'onfrey s'ellu pò esse certe volte falsu o pensatu male ùn hè micca un articulu d'odiu ver di i corsi. quellu di barbier hè propiu un vituperiu! ch'un tippu cusì appia a direzzione d'un giurnale cum'è l'express ghjè un scandalu. ci vulerebbe chì ogni corsu di parigi li mettessi un bellu pattone in bocca. micca un cazzottu chì sò pè l'omi ma un pattone pè e merde cum'è ellu.

14.mandatu da frombaOPachiumanicuhènovu u 23/04/2009 12:30
1000% d'accordu cù Altore

15.mandatu da Fiumurbacciu u 23/04/2009 15:43
Francamente aghju trovu chì a risposta di TALAMONI era tremenda... Sò cuntentu è ancu stunatu chì certe volte jean guy hè statu appena menu percutante. Ma per SIMEONI sò dillusu m'aspittava à megliu... Ma quantunque hè bè di riagisce prestu cusì.
U discorsu di sti cunacci hè un scandalu è ciò chì m'annarbu hè chì tuttu u mondu si n'impippa! Eiu l'aghju vistu quì parchì m'interressu ma ùn si parla mai di què in carrughju. Manca varvogna!

16.mandatu da machja u 25/04/2009 17:12
A me cio chi mi stupisce u piu, ghje chi i Corsi aspetanu sempre cumplimenti da a parte di i francese.
Ch'ella sia barbier, o un altru, so pinzuttacci, e un c'hè nudd'a aspita di bonu di a so parte.
Eiu l'articulu di u tontu di barbier un l'aghju mancu lettu, cio ch'elli pensenu di noi a sapemu, e un vulerete mica ch'elli sianu d'accunsentu, cu a nostra lotta.
A so manera di pensa, ghje quella di tutti i francesi, e di certi corsi,e po a Corsica face vende assai libri, hè un bellu fondu di cumerciu.
Un circemu a scunvinceli, u Populu Corsu po campa senza barbier, o altri sapientoni gonfii di pritenzione, chi si piglianu per u billicu di u mondu.
I francesi , ch'ella sia u populu, o "l'inteletuali" un acceteranu mai l'idea ch'un piculu Populu cume u nostru,si vole stacà di una "grand nazione" pretensiunuta,e bramata di u mondu sanu.

17.mandatu da Ghjuvan Marcu u 04/05/2009 13:51
Vogliu scusàmi per i scritti di Christophe Barbier ind’u “l’Express”.
Tutt’ognunu cunnosce à Figaro persunaghju di Beaumarchais ind’u « barbier de Seville ». Segnu d’i tempi muderni, simu sempre à corricorri, « L’Express » discorre cum’è u Figaro cu a voce di u Barbier servile. Secondu à l’usu d’issu servu tìpicu di a cumedia, Figaro s’addirizza direttamente à u pùblicu e trasmette cusi l’idee reale di u personaghju tràgicu. Barbier è u cunfidente di u so Presidente-patrone e dice à alta voce à i lettore, elettore, ciò ch’ellu pensa, da veru, u nannu eliseanu. Dunque, ghjè dinò ciò ch’elli pensanu i francesi chi l’anu elettu.

Seg’Auddè Regale.

18.mandatu da henry smart u 05/05/2009 01:51
Barbier hè sempre statu cusì è nant'à tutti sugetti !
Onfray, pare dì di volte cose astute ma mi sò sempre sfidatu di u so pensamentu soprattuttu quandu u fidighjava à a telé parlendu di religione. Eiu chì sò mancu appena religiosu un capia a so rabbia contr'à e religione ( mi paria d'esse in 1905)
allora per a Corsica un si pudia aspettà chè què un ghjornu o l'altru!!
un c'hè nunda da dì !! hè vera altore chi i dui articuli un so di listessa sumenta ma ....ch'elli vachinu à fassi leghje. E dicu què senza odiu chì un aghju bisognu di elli per dibatte di a francia è di a Corsica !

19.mandatu da francesco u 20/05/2009 18:24
Je suis d'accord avec "in cauda venenum": persa a lingua persu u popoli, donc resistez mes amis corses. Un piemontais. arvezze=aurevoir.

Novu cumentu :