Accueil
Envoyer à un ami
Version imprimable
Partager

Chì hè esse corsu ?

A creazione d'una selezzione corsa di futbol face nasce un dibattitu passiunatu nant'à l'identità corsa. Quale pò purtà a maglia di a Squadra Corsa ? Chì hè "esse corsu" oghje ?



Chì hè esse corsu ?
Per una volta a Corsica hà vintu qualcosa. A selezzione di ghjucadori corsi hà battutu a Brittania è u Gabon durante a Corsica Football Cup.

Era un piacè di vede sta selezzione naziunale corsa, tantu bramata è mille volte dumandata. Per quessa ci vole à felicità l'organizatori di u truffeu, Lucien Felli, Dédé Di Scala è Patrice Paquier di u so travagliu tremendu.

Ma futbol è identità sò spessu ligati. Nant'à u net l'internauti s'interrugheghjanu nant'à i criterii di selezzione di a Squadra Corsa. Per a « Corsica Football Association », i patti sò chjari. Si ponu selezziunà i ghjucadori "d’ascendance parentale ou grand-parentale Corse".

Exit dunque a cumunità di destinu è i "corsi d'aduzzione" cum'è Ghisolfi o Pierre-Yves André, o ancu quelli nati quì cum'è Ben Saada o Khazri.

Invece, ghjucadori chì anu luntane radiche corse ma chì i venenu pocu sò selezziunati, cum'è Damien Tiberi (Sedan) o Grégory Leca (Caen). Nant'à Facebook, certi irunizeghjanu, si leghje : espère que certains joueurs de l'équipe de Corse profiteront de leur séjour pour visiter notre belle île.

I sustenidori bastiacci dibattenu nant'à u forum Camperemu.com di e selezzione di Ghisolfi, Khazri è Ben Saada. Droit du sol o droit du sang ? L'avisi sò cuntrastati.

L'articulu di A Piazzetta nant'à a Squadra Corsa hà fattu nasce cummenti numerosi. Pè Rochjunculu3 : "I baulli chì credini chì u so populu si difinisci par via di u sangu accicati da u razzismu (o a simplicia cunnaria ?), ùn s'avvidini mancu ch'hè a so visioni balorda, mitica è trapassata, chì accillarighja a fulclurizazioni è l'acculturazioni".

Al dilà di una selezzione di ballò, nasce u dibattitu di l'identità corsa. Di solitu ùn sò ch'è i naziunalisti à parlanne in tempi d'elezzioni. A Squadra Corsa pone a dumanda à tutta a sucetà : quale hè corsu ?

À l'ora di a mundializazione, quandu a pupulazione di a Corsica hè crisciuta è s'hè mischjata assai, à un mumentu induve i Corsi sò diventati citatini è chì a leia cù i paesi si perde, chì e culture s'unifurmizeghjanu è chì a lingua si ne morre, chì hè "esse corsu" oghje ?

Ma ùn ci hè micca ch'è a Corsica à cunnosce a so crisa identitaria. Brice Hortefeux è Eric Besson ùn anu pussutu risponde à ciò chì face l'identità francese...

Chì hè esse corsu ?

Chì hè esse corsu ?

Chì hè esse corsu ?

Chì hè esse corsu ?

Chì hè esse corsu ?

u 23 di Maghju 2010
U Sgaiuffu



1.mandatu da saveriu u 23/05/2010 19:04
E quandu in Corsica un ci serà che Portugesi,Arabi e Frencesi (di què un simu tantu luntanu),a sente certi "sapientoni", averèmu una squadra di "ghjentè di Corsica", di "citadini" Corsi a l'usu blacks,blancs,beurs Frencesi, e quessa sarebbe a nurmalita oghjinca, tantu bramata da Paccou e tutti i nostri "bobo bonobos"nustrali (chi ci parlenu cume a zitelli), ma un serà mai una squadra di razzinu Corsu.
Invèce di vulè assumigliacci sempre di più a i frencesi in tuttu e per tuttu , o ghjentè un ci scurdemu di i nostri antenati e di u so modu di fà,e di pensà CORSU.
D'altronde mi pòngu à quistiòne di sapè si per certi u Populu Corsu à esistutu un ghjornu ?


2.mandatu da Ahmed Zavìa u 23/05/2010 19:11
Ô Saveriu...ne sarè cusì sicuru di a "cursitudine" di li tò antennati ?
Eiu, per dilla franca...quessa ùn la sò...
Bench'ella mi piacerìa abbastanza d'esse un Corsu "puru" e schiètu...ùn possu esse sicuru di nunda...
Per mè a Corsitudine ùn hè di sangue, ma di trippe...e di core...ben' intesa...
Ci vole à difende a nostra cultura, a nostra lingua, e nostre valore...micca i nostri geni...

3.mandatu da kostadinovu u 23/05/2010 19:20
iè o Savè, ma chi hè u "pensà corsu" ?

chi hè u "razzinu corsu" ?

s'ellu hè pudè mustrà u so arburu genealogicu 100% corsu nant'a 10 generazione, pocu in Corsica seranu corsi oghje

un pensi micca chi ci he statu assai imbuleghji e chi ghjè l'integrazione chi hà fattu di sti fresteri i corsi ?


4.mandatu da ARC u 23/05/2010 19:56
Vai puru à quelli chi volen u nostru populu diventisse un " 2ème Rep" a nostra capitale sarà Calvi "Semper fidelis" à a Francia.....pone a quistioni ghjè diggia una malattia de l'esse i corsi sanu elli so ch'ellu vole di....

5.mandatu da gascon u 23/05/2010 21:15
FELICITAZIONI CORSICA PER A VITTORIA!!

ò amichi corsi, eiu sò d’accunsentu cu Ahmed. Corsu ghjè qualcunu chì ampara u corsu, a cultura e a parlata, chì vole i corsi a esse sempre corsi è micca culunizzati apinzutiti. Ghjè què. Pocu impreme ch’elli siani corsi nati altrò è chì sò di a spalluzzera, o puru ch’elli sianu di un’altra sterpa altrughja: se campanu in insula e DIFENDENU u esse corsu e micca culunizzati, è sò tra i tarcani di ghjocaballò, anu da ghjucà per a Corsica



Una nazione deve esse aparta à quelli chì a riconoscenu, è chì volenu stà a sente la e fà la campà dinù!



Quantunqua, cumplimenti per a vincita!



Forza Corsica!

6.mandatu da Tinelu u 24/05/2010 00:00
per Cumminccià manghjàte a roba nostra
figatelli coppa lonzu pulenta etc miccà merguez kebbab couscous di merda....

7.mandatu da Cugnome u 24/05/2010 00:03
Prima ci vole a dumandalli s'elli si sentenu corsi o micca, s'elli so pronti a battesi per a testa di moru.

S'elli si dicenu corsi, perche micca piglià André, Krimau, Zimako, Ghisolfi, Ben Saada o... Fabrice Jau ?

8.mandatu da bern u 24/05/2010 00:59
Aghju dighja « postu » nantu u sughjetu di a « cursitudina » e di chi è esse corsu nantu un’ altru foru….ma tandu l’aviu srcittu in Francesu e un aghju curaghju oghje a scrivellu in Corsu …allora « copié collé »

en 2010, aujourd’hui de quoi s’agit il ?

Eiu so Corsu, natu in Aiacciu tanti anni fa, scrivu e parlu corsu ! Cume tanti di noi, so maritatu incu una « mezza-pinzuta » ……

Je suis corse né a Ajaccio il y a déjà longtemps,de père et mère corses , di casata corsa ,casa a u paese ….. je parle Corse ….

Comme nombreux d’entre nous, mon épouse n’est pas entièrement Corse, (parfois, pas du tout, pour d’autres d’entre nous) ; nos enfants et descendants sont donc au mieux des « métis ou quarterons » de corso-français, corso-sarde, corso-hollandais, corso-maghrebins, corso-polonais, etc..

Je suis sûr que sur ce forum scherzosu , puliticamente scurettu ,a pena gattivu , et bien d’autres, cette situation familiale est courante et que tous pourtant nous nous sentons Corses. Tous et à juste titre !!
En tout cas moi je ne le conteste à PERSONNE !!!

Quel est ce faux débat où transpirent quand même un peu le Racisme et la Xénophobie ?
Certains de nos plus « célèbres indépendantistes et autonomistes actuels politiques ou non » (chantres et porte paroles de de la Corsitude) ne sont ils pas eux même dans cette situation ?
On ne leur fait pour autant aucun procès de « non Corsitude » que je sache !! (Heureusement d’ailleurs !)

Cette situation fait elle de nos enfants ou de nous-mêmes des moins corse que d’autres ?

Et pour mieux m’exprimer :

Si je suis de père & mère corses et que je vis en Corse, suis-je corse ?
Si je suis de père & mère corses et que je vis hors de Corse, suis je corse ?

Si je n’ai qu’un parent corse et que je vis en Corse, suis-je corse ?
Si je n’ai qu’un parent corse et que je vis hors de Corse, suis-je corse ?

Si je suis de père & mère corses que je vis en Corse & que je ne suis ni nationaliste ni autonomiste suis je moins corse ?
Si je suis de père & mère corses que je vis en Corse & que je suis nationaliste ou autonomiste suis-je plus corse ?

Si je n’ai qu’un parent corse que je vis en Corse & que je ne suis ni nationaliste ni autonomiste suis-je moins corse ?
Si je n’ai qu’un parent corse que je vis en Corse & que je suis nationaliste ou autonomiste suis-je plus corse ?

Si mon patronyme est d’origine continentale que je vis en Corse & que je ne suis ni nationaliste ni autonomiste suis-je corse ?
Si mon patronyme est d’origine continentale que je vis en Corse & que je suis nationaliste ou autonomiste suis-je plus corse ?

Si quelque soit mon patronyme je parle corse suis-je mieux corse ?
Si mon patronyme est corse et que je ne parle pas le corse suis-je moins corse ?

En 2035 les corses ? seront Corses les habitants de la Corse de 2035 !

Saranu figlioli & pufiglioli di corsi, lucchesi, sardi, francesi, maghrebini, hollandesi e tutti quanti. (Ils seront les descendants de corses d’italiens de sardes de français de maghrébins de hollandais…) comme une déjà grande majorité nous le sommes aujourd’hui !!!

LA VÉRITABLE QUESTION EST POLITIQUE ET NON PAS ETHNIQUE ; ELLE EST CELLE DE L’INDÉPENDANCE :

Oui ou non la Corse sera-t-elle indépendante en 2035 ?

Poser la question de l’identité en des termes douteux ou confus s’assimile à de la « préservation de la race », c’est donc du racisme.

L’identité a plus a voir avec la culture, le respect et l’évolution de cette culture ….la communauté de destin !

Nous ne sommes pas encore que je sache des vaches, ni des moutons et en tout cas moi je n’aspire pas pour mes descendants à une quelconque AOC ( appellation origine contrôlée !!!) appliquée aux individus humains.

Pour l’ethnie corse, devrions nous définir des critères pour les tenants du véritable « HOMMU CORSU AOC » et porter une étiquette sur nos vestes ? une médaille sur la poitrine ? un auto collant sur nos voitures ?

Pour en finir avec ce post : d’ici à l’ INDÉPENDANCE ……espérons que la Corse et ses habitants permettent qu’encore et toujours ses enfants (sang mélangés ou non, métis, quarterons de français de hollandais d’italiens d’arabes …et autres), y vivent heureux , y plongent des racines ,s’y épanouissent (entre tradition & modernité ), qu’ils y accueillent les leurs ; qu’ils puissent à leur tour s’ils le désirent partir à la découverte du Monde et y revenir en paix avec au cœur ce « sentiment de fierté et d’appartenance » à nul autre pareil qui nous vient de nos anciens et que nous leur transmettons.

A veraci e a prestu po esse ..

.

9.mandatu da Carghjisanu u 24/05/2010 01:41
Assai mondu dice "cume l'anziani" "cume i nostri antenati", di sicuru So i veri corsi ma un ci vole micca a scurdassi chi so Elli chi anu cumminciatu a parlà francese a i so figlioli pè assumigliassi a i francesi e a maiò parte si so arrizatti quandu a muvra o altri parlavanu d'una nazione corsa e d'un populu corsu. E dinò se no partemu da a prima populazione di corsica, un ci hè tantu furtuna di truvà u so sangue ind'è qualchissia oghje ghjornu, si so seguitati grechi, cartaginesi rumani germani e àrabi prim'à l'annu milla dunque sangue stragnieru ci ne sempre statu, hé anc'assai parchi s'ellu saria statu u listessu sangue dipoi i belli pochi di l'anni ~6000 seriamu di sicuru speciali. Dunque un si po nigà u fattu d'esse corsu a qualchissia chi a u sangue corsu, ma pensu chi esse corsu hè sopratuttu di parlà corsu e d'avè a pena di cultura nustrale. Nô?

10.mandatu da Cumpalliols u 24/05/2010 11:18
À contu meiu, è cume l'aghju dighjà dettu centu volte, s'o pensu ch'è a definizione data da a Cunsulta Naziunale per esse corsu (hè corsu quellu chì hè natu in Corsica, è quellu chì hà i so dui parenti corsi, è quellu chì hè maritatu incù una Corsa (o u cuntrariu), o chì campa quì dapoi almenu dece anni è chì face mostra di a so vulintà d'esse corsu), pensu à contu meiu, chì tuttu què ùn hè ch'è una manera umana di determinà certe cose.
Per mè, hè corsu tutt'ognunu chì sì sente corsu à u più prufondu d'ellu, incù s'appiccamente quasgi viscerale chì face ch'ùn hè micca solu a Corsica chì appartene à i Corsi, ma sopra tuttu i Corsi chì appartenenu à a Corsica. Hè un affare di mente, è micca necessariamente di sangue, chì cunoscu ancu certi chì sò nati quì è chì anu i so genitori chì sò dinù di quì, ma ch'ùn si sentenu manc'appena corsi. U cuntrariu esiste dinà.
In cunclusione ?
In cunclusione, diceraghju chì per mè, esse corsu custituisce una vera realità, è ch'ùn sì pò micca esse mezu-corsu, ch'è, o si corsu, o ùn si micca corsu. Hè una cosa chì si trova in a mente, ma sempre difficiule à evaluisce da l'esternu

11.mandatu da PAGO u 24/05/2010 11:24
cio chi hè incredibile hè chi certi un anu capitu chi una identità hè sempre in muvimentu, si custruisce sempre, si trasforma...

ùn hè micca qualcosa di fissu

e sole identità chi so fisse so quelle chi so morte. hè siguru chi l'identità di i mayas, di l'aztec è di i latini ùn si move piu

ma certi in corsica volenu chi l'identità corsa sia fissa à 50 anni fà !

12.mandatu da filidatu u 24/05/2010 11:27
Per mè hè corsu quellu chì parla corsu, puntu è basta

13.mandatu da Filimonda u 24/05/2010 12:22
E quellu chì leghje è capisce u Corsu senza fà u passu ?

14.mandatu da Viaghju u 24/05/2010 14:45
Esse corsu ? Ci vole a avè u passaportu corsu, è basta ! ;)

15.mandatu da anto u 24/05/2010 16:17
Pè pruva di sapè cio ch'ell'hè a "corsitudine" ci vole a paragunà l'omu a u salame .Secondu voi hè corsu un lonzu o un prizuttu tagliatu e salitu in Britania e ghjuntu qui ghjustu pè esse vendutu cu a so tichetta "pruduttu corsu",hè corsu o no ! .Hè a listessa cosa pè i ghjugatori di futbol :cum'ella dice a publicita "s"assumiglianu a u corsu ne hannu puru u culore ma un so micca corsi "

16.mandatu da machja u 24/05/2010 17:03
Quand' a Corsica sara indipendente, e u Populu Corsu ricunisciutu per u mondu sanu tandu puderemu parlà di CORSI, per ava simu tutti francesi.
Oghje he ora di movesi per ritruva a nostra suvranita, invece di pèrdessi in chiàcchiere.

17.mandatu da estrimei u 24/05/2010 20:29
m'avveggu chi u suggettu face furrore (si ne parla ancu nantu a u foru corsu !)
per me he corsu quellu chi he raica corsa o chi he natu qui e chi si sente corsu.
per contu meiu - so naziunalistu -
dissi corsu
he una manera di dì so ch'omu he.
forse si pueria cuntrastà nantu a naziunalità , a citadinità, u strangeru -nisunu di sti termini he inghjuliosu - .e custi u razzinu , u locu di nascità , a simpatia o l'affezzione un bastanu .
quant'ellu ci ne he ghjente chi sò piu arraicati che me e chi a Corsica a si ghjucherianu a l'appiattella !

18.mandatu da So eiu u 25/05/2010 08:04
Per contu meiu he corsu quellu chi parla sempre corsu è ancu di piu incu quelli chi parlanu un'altra lingua.

19.mandatu da Luka u 25/05/2010 10:00
Salutu a tutti i corsi! Eu so Sardu ,e pe contu meu Corsica e Sardegna so l'istessa cosa, l'stessa storia ,l'istesso destinu.......l'istesso populu ,chi solo a storia, ha separatu. U core meu ,ghjè felice in Sardegna (a mia patria) come in Corsica (A patria surella).So di accunsentu , cun chi dice chi a corsituine hè fattu di core e di mente......a pattu chi si rispettanu l'usi e i costumi di a terra in dove si vive.Indipendenza nostra speranza ma cu un identià sempe in movimentu,aperta.....come il mare chi ci circonda....tutti.
Salutemu tutti i fratelli di a corsica.
Luka da Cagliari

20.mandatu da PEPETRU u 25/05/2010 10:28
Parechji l'anu ghjà detta o rammintata.

Par mè; hè corsu quellu chì parla a so lingua, chì campa a so cultura, chì ùn si scorda di i so vechji.

21.mandatu da estrimei u 25/05/2010 12:05
he vera o LUKA , chdi u a Corsica e Sardegna so surelle e figliole di u mare Terraniu .
a disgrazia he chi una he liggata a a Francia e l'astra a l'Italia .
u naziunalisimu corsu he per strappà e catene micca per niggà a l'astri .

22.mandatu da ghjuvan'marcu u 25/05/2010 17:47
Ci so sumente purtate da u ventu chi ghjunghjenu da luntanu. Eppuru s'arradicanu per dà arburi rubusti s'elli si nutriscenu cu a terra e l'acqua nustrale. Di securu hanu a dà frutti deliziosi per fà campà i nostri figlioli. Quessi l'arburi so i corsi novi, a terra firma a terra, l'acqua è a lingua e a cultura; i frutti sò quelli di u travagliu. Rimigna? Ci n'è in ogni locu.

23.mandatu da Carlinu Rocchi u 25/05/2010 18:33
Per me hè corsu quellu chi a ricevutu da i so vecchji u senzu di i valori chi facenu a Corsica : onore, rispetttu di i vecchji, sensu di a famiglia, fedeltà a l'amicizie e u parentadu, dirizzura, trasmissione di e tradizioni corse.
E corsu di sicuru quellu chi parla corsu, quellu chi li s'arrizza u pellu quand'ellu si canta corsu, quellu ch'un supporta a minima agressione ch'ella sia fisica o verbale contra i Corsi e a Corsica.

24.mandatu da estrimei u 25/05/2010 19:40
o Carli' ,
tu dici so ch'elli duverianu esse i corsi , ma he passatu u tempu chi Merta filavva.
oghje u sumerinu he schersu e , per disgrazia , i babbi e e mamme so peghju che i figlioli .

25.mandatu da Ghjuvà u 25/05/2010 20:49
He corsu quellu chi parla corsu, puntu è basta.

26.mandatu da Laurenç u 26/05/2010 16:56
Moi je ne suis pas corse, mais ma voiture oui !
(grace au pegasolet, pardon, à l'autocolant de Corsicaferry, merci Cosicaferry).

27.mandatu da pasturò u 26/05/2010 20:41
pè esse corsu civole avè u sangue corsu ( à u minimun 25 % ) puntu è basta
ùn ci hè corsu nè di terra, nèe di corre

28.mandatu da chimbonda connard du siècle u 26/05/2010 20:48

Si je suis de père & mère corses que je vis en Corse & que je suis nationaliste ou autonomiste suis-je plus corse ? OUI

Si je n’ai qu’un parent corse que je vis en Corse & que je ne suis ni nationaliste ni autonomiste suis-je moins corse ? OUI mais je suis un connard

Si je n’ai qu’un parent corse que je vis en Corse & que je suis nationaliste ou autonomiste suis-je plus corse ? OUI

Si mon patronyme est d’origine continentale que je vis en Corse & que je ne suis ni nationaliste ni autonomiste suis-je corse ? vas te la prendre au cul

Si mon patronyme est d’origine continentale que je vis en Corse & que je suis nationaliste ou autonomiste suis-je plus corse ? ça dépend si tu a un parent corse sinon tu es un débile

Si quelque soit mon patronyme je parle corse suis-je mieux corse ?
D'adoption la mascotte du village ma il ne faut pas oublier d'où on vient


Si mon patronyme est corse et que je ne parle pas le corse suis-je moins corse ?
oui mais un corse qui renie sa race comme la moitiée

29.mandatu da EIU u 28/05/2010 10:33
Mà chi so sti discorsi? Tutti i vechji di i paesi ch'un so naziunalisti un so micca corsi? Aho aho un dimu piu pazzie cusi oh ghjente

30.mandatu da Scortu.... u 29/05/2010 08:35
o Bern si di a culuniale tù...... mà in algeria hannu fattu cusi......???
L'indipendenza dici tù , mà quale serà à lea incu tuttu stu mischiu, chi lingua ?
chi religione chi tradizione, più nunda cume i francesi. tandu saremu veri francesi e allora chi n"avemu dà fà......

31.mandatu da ARC u 29/05/2010 08:58
@ bern, tù voli stumaccà i corsi di esse naziunalisti, allora ferma cumunistu sè tu voli o mundialistu chi ghjè a moda FRANCESE e volta d'induve tu vene, ai a scelta : Corsica Ferries o Easy jet ...avà ghjè a bon pattu.!!.. A NOSTRA CULTURA è pè tè diventata straniera......

32.mandatu da MaPi.. u 30/05/2010 14:44
Un certu Natale Luciani cantava cusi bè "U Sangue corsu per lu rinforzu sempre rinascerà.....à la Riscossa, tutti à la mossa.." era una canzone corsa.... mà sara prestu difesa è sarà ghjudicata dà e milizie di a cinsura intelletuale cume passeista e razzista.... Riposa in Pace o Natale...!!

33.mandatu da Vergulacce u 31/05/2010 11:33
@ ARC a città di Calvi hè Semper Fidelis à Genova é micca à a Francia.
Un ci vole micca fà un mischiu trà cultura é pulitica. Un vecu micca perchè i corsi di diritta ò di manca un averanu micca u diritu di parlà o di campà Corsu. Ancu s'elli sò Ripublicani sò Corsi quantunque.Corsu ò Francese un hè micca una naziunalità mà una mentalità.A Corsica un hè micca quella di a droga,di "l'aperos Géant",di l'OM etc mà hè quella di a lingua, a cultura, a tulerenza é a fratillenza.
@ chimbonda perchè un scrivi micca in corsu o baullu chi tu sè! u to ciarbellu induva hè?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta