Accueil
Envoyer à un ami
Version imprimable
Partager

Chì merendella site ?

L'usi corsi scambianu, a merendella dinù. Avemu circatu nant'à e rete suciale per vede chì merendella facenu i Corsi d'oghje. Ci hè di tuttu. È voi, chì merendella avete fattu ?




In paese è migliacci à l'usu anticu

Ci sò quelli chì anu bisognu di marchjà 3 ore per fassi un spuntinu in a natura, è ci sò quelli chì stanu in paese. Hè l'occasione d'incende i forni. Bastelle, torte à l'erbe, migliacci, canistrelli... Chì ci hè di megliu ch'è u piacè di a robba calda chì sorte di u fornu ?


A merendella bio

Fave corse, pane bio, pomidori senza OGM, radichji di u giardinu è quantunque appena di vinu. Hè nata a merendella nustrale, ma gluten free. Ma ci volenu i bichjeri assurtiti à a tuvaglia. Classa. Pè a salute, hè a megliu. Ma bella sigura, hè a più cara.


A merendella-trail

Per l'accaniti di u trail, a merendella serà l'occasione di pruvà e so ultime Salomon. U pranzu serà fattu di barre energetiche è d'Isostar. Ritornu previstu di notte, cù a frontale.
Chì merendella site ?

A merendella lounge

P'tit rosé bien frais, sushis è musichetta electrò. Basta à truvà un stabilimentu apertu u luni di Pasqua. Di tutte e manere, anu tutti a listessa decurazione, è i listessi sushis.
Chì merendella site ?

A merendella quad

Piste sangherate, ricciate sbrimbate, mare arruvinatu è puzza di fume. Andate più in furia, andate in quad.
Chì merendella site ?

A merendella Curly

Una merendella senza Curly ùn hè micca tuttu à fattu una vera merendella.
Chì merendella site ?


A merendella classica

Ogettu essenziale di a merendella : a grossa ghjaccera turchina piena di cotru chì pesa trè tone. Indispensevule pè a pastizzata.
Chì merendella site ?

A merendella Super-U

Attenzione quantunque, ùn hè micca a più light. Bisognu à fassi quattru o cinque colla è fala di San Petrone per eliminà.
Chì merendella site ?

A merendella nustrale nustrale

Pane casanu, prisuttu AOC, veri migliacci à u furmagliu, sturzapreti, frittelle, fiadone, campanili, caccavelli è micca vinaccia. Prezzu : un bracciu.

Eh iè, costa caru di circà di campà à l'usu corsu...
Chì merendella site ?

u 28 di Marzu 2016



1.mandatu da laurenzu u 28/03/2016 17:24
a vera merendella corsa d'oghje : curly, figatellu di super U, nutella è bombò à u colorant. bona robba!

Novu cumentu :