Accueil
Envoyer à un ami
Version imprimable
Partager

Chì ne pensate di st'affare di a Sucetà Generale ?

un omu di circa 30 anni, di mezu livellu innù so travagliu, puru scunnisciutu prima di sti fatti, hè messu in esamine per avè guastatu guasi 5 milliardi d'euro, à u dannu di u so patrone, quella banca. È tuttu què, dà per ellu.



Chì ne pensate di st'affare di a Sucetà Generale ?
I spezialisti sò d'accunsentu pè dì chì una scruccuneria cusì tremenda ùn sarebbe micca stata pussibule senza un'ochjata di i capimachja. Allora chì pensà ?

Un picculu impiegatu di a finanza averebbe peccatu, credendusi un Mozart di u Stock Exchange, ma troppu imbuffitu di a so capacità à fà i so affari à l'appiattu ?
o cum'è sempre, ghjè a banca chì ci burla ?

V'arricurdate di sta publicità pè a Sucetà Generale ? C'era una spezia di ditone tamantu chì aiuta a ghjente à purtà a so roba, à appichjàssi à un muru è tanti affari simuli, è tuttu què incù una musica chì vi trascina.

Quellu ditu hè un pollice, ma sigondu mè, dopu ciò ch'ellu hè accadutu in ciò chì si deve chjamà avà u casu Kerviel, incù tutti sti misteri è sti capizzoni chì ùn sanu più cosa spiecacci, sarebbe megliu di girà un altra versione di sta publicità, ma sta volta incù un bellu ditu maiò, rittu è sticchitu, prontu à ficcàssi.

Sarebbe più onestu.

u 30 di Ghjenaghju 2008
BOBZOMBIE



1.mandatu da cristianellu u 30/01/2008 22:40
chi connu stu Kerviel.

ma ellu l'anu liberatu, ùn hà mancu fattu 24 ore di guardia à vista allora ch'ellu hà participatu à scruccunà 5 milliardi d'€.

è Angelini, Bozzi, Benedetti, Carli ????


LIBERTÀ !!!

2.mandatu da estrimei u 31/01/2008 13:35
arrubbà e banche , 'un'he micca arrubba

3.mandatu da Mr Natale u 31/01/2008 14:26
hà fattu què pè a ricuniscenza è solu 300 000€ ! ci vulià à scruccà tuttu sì !

Chì gadjo stu tippu

4.mandatu da u sanglisciu u 31/01/2008 21:23

5.mandatu da Là. u 15/05/2008 11:45
St'articulu m'à fattu ride sola sola! L'idea di un altru ditu per a publicità hè maravigliosa!
Arringraziavi pè tutti st'articuli...

Novu cumentu :