Accueil
Envoyer à un ami
Version imprimable
Partager

Chì pudemu fà per impuzzicà u futbol francese ?

Semu Corsi, dunque culpèvuli è pagheremu caru l'affare di Lens. Thiriez l'hà detta, Bastia "nuit à l'image du football français". Allora piuttostu ch'è di pienghje, chì ponu fà i clubs corsi per falli scimisce ancu di più ?



Chì pudemu fà per impuzzicà u futbol francese ?
Attacchendusi à u Racing Club di Lens, u Sporting si mette in a piazza di u David contr'à Goliath. Fora chì u Goliath in questione hè ancu di più mustruosu è si chjama Gervais Martel, amicu ìntimu di Thiriez.

Rammintemu chì u RCL hè unu di i clubs preferiti di i francesi è sopr'à tuttu di Thierry Roland. Sapete Lens, u club simpàticu, i ch'tis, a "Marseillaise lensoise" è e canzone di Pierre Bachelet cantante à tutti i macci in Bollaert... tutte ste cunnerie chì piacenu à u "français moyen" è à l'incuscente cullettivu spurtivu di l'héxagone.

Noi, cù e nostre chignacce, e nostre facciacce nere di Corsi chì fischjanu a Marseillaise è chì tombanu i prefetti, chì vulete ch'è no fessimu ? Semu cundannati capu nanzu. Trippa sì i ghjucadori di u nordu eranu di più agressivi chè i Corsi. U capitanu di Lens dichjarava nanz'à u macciu chì : "on doit être plus tranchants, plus saignants. On doit avoir les crocs. On est trop gentillets (...) on doit faire peur, être une formation difficile à manoeuvrer, capable de donner des coups de boutoir à tout moment. On n'est pas assez tueurs." (da leghje in Nord Eclair).

Trippa si Cichero hà sciappatu u mustacciu di un dirigente di Bastia, i culpèvuli seremu noi è l'avemu da pagà cara.

A sapemu, semu Corsi, dunque cundannati capu nanzu. Allora, piuttostu chè di lagnacci è di pienghulà, riflettimu puru à ciò chè no duvemu fà per cuntinuvà à annerballi ancu di più. Eccu parechje piste, à voi di truvanne d'altre...

- Avvelenà a prussima squadra chì vene in Furiani. L'OM avia inventatu i suchji d'aranciu impistati (affare OM - Poznan è OM-Rennes in u 1990). Perchè micca serveli appena di Mouss'or è di Saint-Georges cù appena di Lexomil nentru ?
- David Astorga (sapete u catinu chì nant'à TF1 s'hè fattu ridiculizà da Maradona) hè u novu capimachja anti-Bastia di a CFoot, a tv di a LFP. Ùn ci hè chè da vede i cummenti di l'animatori di sta catena. À ellu li metteremu appena di Roundup in a so Saint-Georges.
- Dichjarà festa naziunale u 17 nuvembre (l'anniversariu di Francia-Bulgaria 1993) è ribattizà Furiani "stadiu Emil Kostadinov".
- Fà di u 12 maghju a "Festa di i poteaux carrés", in omagiu à a finale persa di Saint-Etienne in 1976.
- Fà una statua à Raymond Domenech, l'assassinu di l'Equipe de France.

À voi di truvà a seguita...


u 18 d'Utrovi 2011
U Sgaiuffu



1.mandatu da Casanis u 18/10/2011 01:33
O porcu di Gervais Martel !

2.mandatu da U ghjudice u 18/10/2011 07:34
Avvelenà tutti i fusti di biera chì collanu ind'è sti pédophiles di lensois, stu briacunacciu di gervais martel cun a so faccia à cunghjelà i criaturi creperà à bocca aperta cusì

3.mandatu da Robespierre u 18/10/2011 13:12
bienvenue chez les ch'tis... anu a ragio d'inchjudacci, simu duie centu ingiru à u terrenu è tuttu u mondu si piglia per zorro. e in più ci femu minà. trippa andate à ghjucà à piastre o à gubbi

4.mandatu da U Palatinu u 18/10/2011 13:53

5.mandatu da Azzuff Baruff u 18/10/2011 14:05
ch'elli sterpinu ! MUSTACCIUTI INCULATI

6.mandatu da footix u 18/10/2011 14:22
Dopu à a carnavalata di a squatra di francia in Sud Africa parlanu sempre "d'image du football français" ...
Ancu di grazie ch'elli ci anu à noi per rifassi una virginita...

7.mandatu da Antonino Albertini u 18/10/2011 14:30
l'annu prossimo tutti in Italia : bastia e ajacciu a juca contra lu pisa, lu genuva, la roma: vi scurdate de la francia e vi rammentate di e storie passate ... :o)

8.mandatu da u miumese u 18/10/2011 17:43
Aiò, spirtapmuli tutti, Thiriez, Gervais a LFP è tutti l'altri chì facerà menu ritirate da pagà per nunda.

9.mandatu da u miumese u 18/10/2011 17:45
Sò cusì annerbatu ch'ùn a so mancu più scrive.

10.mandatu da Aiò aiò.... u 18/10/2011 19:22
Chi fà? Intazzassi tra di noi fendu un campiunatu isulanu è basta!
Finita l'ipocrisia di vulè sempre fassi alliscià u pelu da a FFF è di sputà annantu quandu la ci pare... è costraria menu caru per noi altri!

11.mandatu da giovanna u 19/10/2011 03:16
Giocate in Italia: non vedo l'ora Cagliari-Bastia :-) ...u derby cu a Sampdoria y Genoa (se vincete vi regalano Capraia..) u gemellaggiu con il Pisa:-)
Ajo'....vi aspettiamo !!!!

12.mandatu da Ex "Lione di Furiani" u 19/10/2011 09:10
Tandu eranu i frutseri à vene qui à ghjucà incu a paura in corpu è à piglià pattoni è tusci, oghji venenu elli à minà i piglià punti à l'ingrossu....mancu l'omu in neru ùn hà più nesun paura, ghjè a mudernità, simu (era ora..)civilizati...simu diventati un populu di merda à l'usu J-F Bernardini o J-C Angelini, bon pro ci fessi... mà rigrettu assai l'arcasimu di tandu..

13.mandatu da Asterisk u 19/10/2011 10:55
A ragiò, Giovanna... Ci vole andà a ghjuca in Italia.

14.mandatu da u lione d''Antisanti u 19/10/2011 13:37
O liò, ma chì ci facenu in e to insalate Bernardini è Angelini? Soca voti à Giacobbi....Hè vera ch'è tù sì un ex lione... Poveri à noi

15.mandatu da Aiaccinu u 19/10/2011 17:20
Dicenu : " le joueur lensois est pris a parti par des joueurs corses, une bagarre generale eclate". Un aghju micca vistu un bastiacciu chi minava u ch'ti

16.mandatu da cichéro u 19/10/2011 19:11
Pudimu fa ancu cumé la ci pare ,o ghjuca in L1 o in CFA ,per u calcio sera una altra affare.

17.mandatu da cichéro u 19/10/2011 19:14
per fa caga a LFP culla in L1

18.mandatu da Stefanu23 u 19/10/2011 23:11
O ma! chi ci si po fa? O ma ! chi ci si po fà?.....

Ci vole a a stirpalli ste rubaccie.

O ci vole a purtalli a u tribunale pe "denonciation calomnieuse". A forza di andacci ( a u tribunale) a LFP s'arrestera.

UNITI!!!!!

19.mandatu da calina u 25/10/2011 23:48
Un bellu ripastu per tutti sti "corsophobes" :
- Fritelli di vite e di bulò
- panini di C4
- Torta di ghjicci castagnini
Tuttu què accumpagnatu d'un liquore di nitroglycérine! Bon prò li faccia !!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta