Accueil
Envoyer à un ami
Version imprimable
Partager

Chì tanti San Ghjisè, c'hè Sabrina !

S'hè festighjata a San Ghjisè stu 15 di marzu in Bastia. Sò passate e prucessiò, l'avemu inguliti i panzarotti, l'averete betu ancu voi u muscatu, nò? In quantu à i più giovani, si sò pigliati à colpi di muzza da abbarbà si. Sò sfilati, a risa in bocca, cun superbia, l'inseme di i candidati à l'elezzione municipale. A ghjente, impenserita, s'hè dumandata quale hè ch'avia da ghjucà u rolu tragicu di u Cristu dumane à sera... Chì attesa !



Ma a squadra redaziunale di A piazzetta, aperta ch'ella hè à u mondu oghjincu è à i so sciali, hà ghjudicatu chì un antra nutizia era di sicuru più impurtante. Sò 2000 anni ch'ellu si parla di San Ghjisè. U troppu stroppia. Ritenimu chì oghje hè l'anniversariu di Sabrina...

S'è vi site scurdati di a filetta è di i cuntorni di sta zitella, u megliu hè ch'è vo lampessite un uchjata à u filmu. Soca vi ricurderà u tempu chì Berta filava, quandu Sabrina cantava è ch'è vo'erate passiunati, cum'è mè, da a so voce.

Cumu vulete ch'elli resistessinu i canti sacri di a cunfraterna in pettu à tanti petti ? Ancu di grazia ch'elli si sciaccanu un capuccinu i cunfratelli... Hè megliu cusì ! À sente i puttachji di i nostri cumpari, sarebbe più chè ora ch'elle s'aprissinu e cunfraterne à e donne. Tandu sì chì a leia suciale è a passione cristiana serianu rivituliti. In tantu, oghje, s'è ùn site micca in Bastia, pudete quantunque tichjà vi di i panzarotti di Sabrina!

u 15 di Marzu 2008
u panzarottu



1.mandatu da scruccarelli u 16/03/2008 00:08
grande "tube" di l'anni 80 è pruduttu marketing di Berlu...

2.mandatu da in cauda venenum u 16/03/2008 15:11
A BOTTE O CUNFRAELLI CARI CU UNA CUNFRATELLA CUSI ANDERA ANCU IN FURIA SAN GHJISE

Novu cumentu :