Accueil
Envoyer à un ami
Version imprimable
Partager

Christian Clavier hà digià fattu e so valisgie

Crisa di l'immubiliare ? Cunsequenza di u risultatu di l'elezzioni ? O paura d'una nova merendella in u so giardinu ? Christian Clavier vende a so villà di Cala Purcina.



Christian Clavier hà digià fattu e so valisgie
Pippulacci go home !

L'infurmazione hè data da u cutitianu novu 24 ore di u 15 di marzu : Christian Clavier si ne và di Cala Purcina (o "Punta d'Oro" pè i Roccaserristi).

Cunsequenza di u risultatu storicu di i naziunalisti à e territuriali ? Stumacheghju di pettu à l'affare di l'occupazione di u so giardinu ? Stumacheghju di a Corsica ? O tindenza nova di i pippulacci chì anu infine decisu d'andassine di u nostru paese ?

A storia ùn dice micca si l'amicu di Sarko si compra una villà in altrò. Un puttachju dice chì l'omu saria interessatu da "la Keurse profonde et authentique, celle des cochons sauvages et des saucissons d'âne et des balades en quad".

Amichi di a ruralité, attenti à voi !

Bon, ùn ci hè di chè ralegrassi troppu. Serà vera chì Jacquouillacciu n'averà pienu i stifali di u maladettu Padduc chì hà fattu cunnosce a so villà di Cala Purcina è di sta rubaccia d'indìgeni chì anu occupatu u so giardinu.

Si pò pensà chì u schifosu "comique préféré des français moyens" anderà à truvassi una nova terra d'esiliu pè ricchi pippulacci : in Balagna, Piantaredda o Cavaddu.

Almenu ch'ellu sia infine u primu d'una longa lista di pippulacci à fà e so valisgie di manera definitiva.

Ma à u prezzu ch'ella serà a villà, seranu pochi i Corsi à pudè pagassila...

u 16 di Marzu 2010
U Sgaiuffu



1.mandatu da Zeruffu u 16/03/2010 10:41
Ch'ellu si ne vachi ! Un ci mancherà !
L'elezioni avranu cusi dighjà ghjuvatu à qualcosa !
Parti è un volta mai !

2.mandatu da estrimei u 16/03/2010 12:01
si ne và ? chi disgrazia ! cumu averemu da fà ?
a u conte di Cala Purcina li cascanu tutte a tempu : perde l'assemblea , a a merria di porti vecchju mi pare chi si pò ghjucà "sperenza perse ", a i deputati , custi dinnu, l'affari si presentanu male .
un so se vo site cuscenti ma so soli chi, pianu , pianu , un entrenu piu ?
e avà annunzianu chi Cala Purcina he svalurizata ! un!u !


3.mandatu da marcu u 16/03/2010 12:38
ô Cristianu :

"CASSE TOI PAUV' CON"

4.mandatu da So eiu u 16/03/2010 15:11
Micca male o marcu!!!
Ci vulerebbe che tutti sti pippulacci ne faccianu ancu di piu!
Bravu o cristian hai mustratu a strada a seguita per i pippulaci come te

5.mandatu da Bambulu u 16/03/2010 18:48
Micca solu i pipulacci....ancu l'altri o So eiu...ancu l'altri..!!!

6.mandatu da BULASGIU u 17/03/2010 08:16
La Balagne ne veut pas de lui, ya déja assez de cons comme ça !!

7.mandatu da anto u 17/03/2010 16:24
Un mi dispiace manc'appèna c'è in corsu una spressione chi dice "che tu varga errante " ghjè tuttu cio chellu merita !

8.mandatu da U corbu u 18/03/2010 01:21
O Christian clavier... E to degne qualitai:
Ùn cunnosci chè impustura,
Sè goffu cum'è li guai,
Ritrattu di la scugnura.
Scappa ancu la malacella
S'ella ti vede in pittura.

9.mandatu da PAGHJONE u 21/03/2010 12:28
ô Chris chi BINXX !!

10.mandatu da A Pumuntinca u 27/03/2010 16:25
Amicu di i presidenti, pippulacciu clavier avaria decisu nanza l'elezzioni di scambia d'aria e di stabiliscesi in Balagna,piu precisemente in Calvi.
Ma u risultatu di u 21 marzu l'a ubligatu a scambia i so prughjetti.
Certi dicenu chi avaria dumandatu un chjosu in u Venachese o u Sartinesu.
A risposta di Giacobbi o di Bucchini si faria sempre aspettà...

11.mandatu da A vostra cumpagnia aeriana preferita u 28/03/2010 23:12 (da un teleffuninu)
Eiu ùn ha sò ... Mà , seconda mè , clavier ùn hà mancu capitu ch'ellu hà diggià pagatu u "tarif resident" ... Ùn ci hè più bisognu d'andassine avà ! Forze hè u periculu Rossu chì li face paura ... Cumu à u so amicacciu Sarko ...

12.mandatu da A vostra cumpagnia aeriana preferita u 28/03/2010 23:39 (da un teleffuninu)
Forse scusatemi

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta