Accueil
Envoyer à un ami
Version imprimable
Partager

Ci n’hè una techja di a caccia è di i cacciadori !

Iscia ! Ùn si parla cà di caccia pà sse strade, pà ssi paesi è pà ssi caffè ! Di duminicata, vi ne cullate pianamente è bè à ripusà vi à pena in paese, vi n’andate u sabbatu sera in caffè, pà beie un colpu cù i vostri paisani, è quì l’infernu vi accampa : ci hè una discursata in giru à l’ultima battuta di dumenica scorsa. Sete leccu !



Ci n’hè una techja di a caccia è di i cacciadori !
« - allora l’aghju vistu… era tamantu cusì ! s’hè avvicinatu… cusì mì ! l’avia à pettu à mè… cusì mì ! ci fighjulavamu… cusì mì ! è eiu aghju carcu… cusì mì ! u fucile carcu è prontu à sparà… aghju aspittatu à pena… cusì mì… è pan ! l’aghju tiratu ! cusì mì !
- è allora ? è allora ? l’ai toccu ?
- iè iè in pienu musu, hè ancu saltatu un pezzu di ciarbellu nantu à l’arburu daretu, ma dì mi à pena, u toiu u signare l’ai mancatu, chè !
- hè colpa toia ch’è tù u m’ai tiratu prima, chè ! »

è cusì ore sane è ore sane, ùn ne finisce più, chè !…

Dopu ne venenu à parlà di i cartucci : a forma, a lungura, u culore, u pesu ecc… Quì, piantanu una stundarella, tandu sete cunvintu di pudè, infine, sciaccà vi un bichjeru di modu sirenu ma innò !!! Attaccanu à discorre di l’acelli, di ogni nome di banda, s’ellu ci n’hè 5 si dice cusì… s’ellu ci n’hè 10 si dice cusì… è vanu sinu à 300. Quì, mezu mortu ch’ellu hè u ciarbellu, principianu à parlà di i ghjacari. Ultima arcusgiata in capu : attaccanu à biffà l’abbaghjulate di u ghjacaru daretu à u signare. « u u u uuuuu uuu uuuuuuuuuu u u u » facia cusì mì u ghjacaru !

« U troppu stroppia » dice quellu, turnate in casa… Anu vintu !

Tuttu què in più pà arrizzà si a mane à 5ore, mezu insunnulitu vi abbuchjate 3ore di caminera in u machjone cutratu. Avete u fretu à l’osse, vi vene u tremulu, marchjendu ùn parlanu cà di caccia… è torna… È in più vi lascianu a posta a peghju, induva ella ùn passa mai nulla. È voi, quì, aspittate sinu à 1 ora di dopumeziornu senza pudè move, senza pudè parlà, senza pudè accende un focu è tuttu què pà ùn tirà mancu !!!

Amiche parnice, amichi signari, amiche culombe… ùn piantate micca di campà, curagiu fraternu.

Da riflette ci

u 4 d'Aprile 2008
A Bistuca



1.mandatu da Fafalà u 04/04/2008 08:42
Incù tamantu ritrattu, "da riflette ci", casca piuttostu male...

2.mandatu da dafiletteci u 04/04/2008 10:30
o fafalà ci poi riflette di centu mila manere !

3.mandatu da GWM u 04/04/2008 11:24
ùn avete nunda di megliu à fà chi di criticà sempre? avete pensatu à tutti quelli chi ghjunghjenu nant'a Piazzetta è chi so cacciadori ? a fate apposta o chè ? A sapete quant'ellu ci n'hè, paesi vioti è spupulati chi ripiglianu vita quandu ci hè a battuta ogni settimana ? I nostri anziani ùn anu tante occasione di chjachjarà incù i ghjovani in paese. A caccia n'hè un modu impurtante.In più di quessa, parechji di quelli chi vanu à caccighjà parlanu u corsu, allora quale hè u vostru prupositu ? S'ellu ùn hè micca un pesciu d'aprile in ritardu, allora ghjè chi "Bistuca" vole fà fughje l'internauti, ùn si po spiecà altrimente !


4.mandatu da u vechju fucile sopr'à u carminu u 04/04/2008 11:39
100% d'accunsentu cun GWM

a bistuca cummencia u so cumplessu di u culunizatu ?

5.mandatu da SERRA u 04/04/2008 15:07
pensu à pocu pressu listessu ma ci vole dinò ch'o palesi una cosa , cu e duie creature di u ritrattu in battuta ci vo tuttti i ghjorni !! u mio solu penseru serebbi ch'elle un aghjinu à sgranfià a so pelle delicata per sti lamaghjoni cio chi seria veradimante un peccatu . inquant'à u suggettu dimu chi i paesi u WE so invaditi di ghjente sbarcati da u piu suvente un so duve , vestuti cume guerrieri ceceni chi passanu u sguardu fieru cume s'elli voltavanu da qualchi operazione comando vittoriosa . sta ghjente ch'un dicenu mancu bongiornu à i paisani e ch'un rispettanu ne lochi ne proprietà volenu fà passà a so attività pè "culturale" ;poveri à noi ! à i tempi i vecchji chi travagliavanu di a caccia un ne sapianu che u nome , un c'andavanu che une pochi di sgio asgiati . TEMPI E TEMPI .

6.mandatu da ribella u 04/04/2008 16:49
Alo, l'intellettuali lasciate ognunu sfugassi à a so manera .
Sè vò vulete parlà di culu , hé a vita, si ne pò parlà di manera pattìa , cuntinuva cio ch'ell'hà scrittu Berta mà truvendu tutte è mitafori ancu , (sopratuttu) puetiche perche nò !
Pè a fiura : chi soniu di caccia ! Psy : à l'opera pè piace! mà à me mi piaceria di piu un omu cusi spugliatu!

7.mandatu da in cauda venenum u 04/04/2008 18:46
umbeuuuuuuuuCACCIATORI CI HE PIU MANGHJA MERDA ERBASGI E DISPETTOSI CHE CACCIATORI CUMM'ELLU DICE SERRA HE UNA MODA D'OGHJE SO PERICULI E CATASTROFFE FORSE MICCA TUTTI MA DI SICURI PARECHJI.
SERIA UN BELL'AFFARE DI VEDE CULOMBI CAPPIA BOMBE E CIGNALI SORTE DI A MACHJA CU E MITRAGLIOSE . A MAIO PARTE DI QUELLI CHI SI DICENU CACCIATORI UN'ANU RISPETTU NE PE L'OMU NE PE L'ANIMALE NE PE L'AMBIENTE.
TROVU L'ARTICULU BEN FATTU E REALISTU E E DUIE CULOMBE DANU LAZZIU D'ESSE CACCIATORI MA CU QUESSE E CULOMBE DIVENTIMU PECCATORI.

8.mandatu da ribella u 04/04/2008 18:56
HE VERA CH'ELLI UN RISPETTANU TANTE COSE !
UN C'HE CHE DA VEDE INDUV'ELLI SI LAMPANU QUANDU SONA A CAMPANELLA DI L'ELEZIONI !

9.mandatu da paesanu u 04/04/2008 19:43
iè ma qui semu di più in a caricatura ch'altra cosa

mi pare chi a bistuca devi fà parte d'issi "bobò" aiaccini o bastiacci chi trovanu chi tuttu cio chi tocca à u paese hè rusticu è pocu degnu

ah ! serà megliu di sciallassila nant'à a piazza San Niculà o di u Diamante à fà u sbacconu ch'è d'attippà pè isse machje è circà di mantene appena di vita in paese

10.mandatu da SERRA u 04/04/2008 20:43
a paesanu
eo un so micca un "bobo" sto e strazieghju nu i mio lochi e cume tant'altri so obligatu di subbisce sti bastiacci senza rispettu chi sbarcanu in pretenzione à rompeci i c.....i . so d'accunsentu cu a caccia quand'ella si passa nu u rispettu e l'amicizia troppu spessu un he micca u casu . se mantene a vita di i paesi vole dì aspettà à bocca aperta ch'elli sbarchinu sti battaglioni salvatichi e famiti he chi veramente simu ghjunti à caternu .
a ribella
se tu manchi di foto un vecu alcun incunveniente à mandàtti a mea !!!

11.mandatu da circinelludiguagnenativupèliguagnesusosanguaversatu u 04/04/2008 22:19
o ghjente! induva hè passatu u vostru spiritu sherzosu ? Eu sogu d'accordu à 100% incù l'articulu, è ùn m'impidiscia micca d'amà u me paesi, a caccia è i cacciadori... ùn si po più rida o cheni ?! hè vera, cio à dilla, quant'edd'hè strana di sbarcà ind'u bar d'u paesi è di senta abbaghji di ghjacari à u compoir duranti dui ori !!! ci aghju passatu quantu siratini cusì, bocca spalancata, ad ascultà ssi discussioni sopranaturali ? ma so beddi ricordi listessu !
ma ind'è me a posta bona si dà à u visitatori !

12.mandatu da cacciadoru di l'ortolu u 04/04/2008 22:48
o bistù,
s'o cascu anant'à tecu in paesu, ti piddu, ti sciappu u capu è ti lampu cù i purceddi ch'eddi ti magnani sin'à l'ossi, chi mancu i ghjacari ùn vuddarani magnà di a to carne infracicata

sè prevenutu !

13.mandatu da Amicu di a piazzetta u 04/04/2008 23:06
Quantu à me, se a federazione di i cacciatori corsi incaricheghja bistuca di u sò sviluppu, doppia in trè quattru è sette u numaru di i cacciatori corsi. Un vecu perche certi si lagnarebbenu di quessa.

A prestu

14.mandatu da GWM u 05/04/2008 00:12
in st'articulu, ùn hè micca quistione di i Bastiacci o di l'Aiaccini chi collanu à arruvinà i chjassi incù i 4x4 o chi invadiscenu i paesi cum'è s'elli fussinu in guerra.

St'articulu si ghjoca à a risa e chjachjarate di i nostri paesani "u sabatu sera in caffè (sic)": ùn mi piace micca è a dicu. In paese, ùn ci so più tante occasione di discutà è di vede a ghente aduniti in un locu pè discorre una stonda.

Perchè burlàssi di cio chi piace à i paesani ? A caccia ùn po piace à ognunu, basta à guardà cio chi si passa in Francia. Mà ùn hè micca un mutivu pè raprisentà ghjente di paesi cum'è baulli finiti. Quandu i paesi seranu vioti è e case sprunfundate, sera ora di scrive articuli "da riflette ci".

15.mandatu da Yvanuterribule u 05/04/2008 16:39
O Bistù, collati à Morin u sabatu in caffè, ammenterete forse tutt'a parte piatta di sti dui culi !!

16.mandatu da compañero u 05/04/2008 17:39
eui trovu ch'ellu hè peccatu di ridesine cusi di e discursione di i paisani cacciadori

un vo micca à caccighjà, un mi piacenu micca l'arme è à tumbà l'animali, ma inde me i cacciadori intrattenenu i lochi è mantenenu appena di vita a dumenicata in paese

in più a caccia piace à qualchi giovanu, cusi so à u cuntattu cu i vechji, hè talmente rara di i nostri ghjorni !

allora perche ride cusi di e discussioni di i cacciadori in paese ?

aghju l'impressione chi s'apprufundisce u fussettu tra corsi citatini è corsi di i paesi

bistuca, u to prupositu hè veramente disprezzente, cundescendente, guasgi razzistu

tutti i mali di a nostra sucetà veneranu da i soli cacciadori ? aio !

è tù, cosa pruponi pè mantene a vita in i paesi ? d'altronde, ci campi tuttu l'annu ? o a ti scialli nant'à a traversa di bastia o d'aiacciu ?

vi si pare di leghje una riflessione d'un pariginu chi si ne ride di i "culs-terreux" di u fondu di a creuse, appena cume sti conni di groland

si credenu superiori, ma in fatti so povere closce

17.mandatu da in cauda venenum u 05/04/2008 22:59
amicu cumpanero e i cacciatori chi mettenu focu n'inporta quandu n'importa induve pe nemecizie di caccia e quelli chi tiranu a n'importa che e quelli ch'imbrutanu e quelli chi facenu e sterpere d'ucelli o di cignali pe traficu e quelli chi senza rispettu passanu da per tuttu cu pretenzione . he longa a cumpagnia ancu grazia ch'ellu ci ne he quantunque qualch'unu cume ci vole. un socu micca citatinu he pe quessa chi parlu di cio chi vecu ma un vogliu micca mischia tuttu i cacciatori ne cunioscu chi sonu veramente amichi di a natura.

18.mandatu da paisana u 06/04/2008 17:04
Ci n'hè una techja di a Bistuca ! Cacciate i so articuli è cacciate la ! Aghju amichi cacciadori.
sò d'accunsenta incù companero

19.mandatu da renusinca u 08/04/2008 15:09
haha ci vole u curragiu pè scrive cose cusi à nantu à i cacciatori!
mà sta fiura à da dà a voglia à tutti l omi d andà à caccighjà ;)

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta