Accueil
Envoyer à un ami
Version imprimable
Partager

Ci vole à salvà e capre corse (è ùn hè micca una magagna)

Hè longa a lista di e nostre "cose da salvà". A tradizione pasturalina dinù hè in perìculu, è a razza di a capra corsa dinù.



Ci vole à salvà e capre corse (è ùn hè micca una magagna)
In a nostra "todo list" di "cose-corse-da-salvà-chì-à-mumenti-hè-a-fine", truvemu : a lingua, i nomi di lochi, i paesi, e tradizioni, u liturale, ciò chì ferma di u populu, i castagni, l'ape, e paghjelle è ancu i migliacci (iè, avete rimarcatu ch'ellu ùn ci hè più furmagliu innù i migliacci ?).

D'altronde tuttu què, si pò cunsiderà chì in Portivechju, hè finita.

S'aghjusta dunque à a nostra lista a razza di a capra corsa. I sciffri sò questi quì :

  • In u 1990, c'eranu 150.000 capre, oghje 30.000
  • Ogni annu, circa 15 giovani pastori volenu stallassi, ma ùn ci la facenu per parechje ragioni
  • Paradossu : a Corsica manca di latte, è hè obligata d'impurtà 2 milioni di litri ogni annu

Serà pussibule d'imaginà una Corsica senza pastori, cù a so piaghja strasviluppata è un internu viotu ?

Perchè dimmula franca, oghje, u sviluppu di l'internu, a sopravvivenza di i paesi, u mantene di l'attività agrìcule è pasturaline, u travagliu di a terra, si ne parla pocu è so pochi à primurassine.

Forse, in l'azzione cuncrete ch'ellu si pò fà, si pò sustene l'AFC Umani chì prupone un prugramma per circà di mantene a razza di e caprette corse, cù una pepiniera in Altiani. Andate à vede nant'à u so situ.

In sta pepiniera e capre sò allevate, curate, è purtate à giovani pastori chì s'installanu, ci dice l'AFC.

Allora d'accordu, ci saria pienu d'altre cose à fà, è pudemu cuntinuvà à lagnacci. Ma forse, si pò principià cusì.

u 19 d'Aprile 2014



1.mandatu da campagnolu u 19/04/2014 17:50
U paradossu ?
i lattaghji facenu entre u latte perché un c'hé piu pastori or duncque u latte manca o piuttostu
Un c'hé piu pastori , u latte manca perchè i lattaghji hanu interessu a fà entre u latte che dà comprà lu quì.
pecure 1.25€/litru latte corsu è dà arricoglie tutti i dui ghjorni per ste campagne
0.90€ arricatu à a latteria quande li volenu u latte ghjunghjiticciu
capre 0.92€ u corsu
0.65 u ghjunghjiticiu
eccu ci !

2.mandatu da antone u 19/04/2014 17:56
Chi ci vulerebbe à fà allora o campagnolu ?

vole di fà di più latte corsu, è tassà l'impurtazione di latte fresteru ?

3.mandatu da babbò u 19/04/2014 18:39
Oghje c'hè una altru periculu chi core in furia cume u focu in l'internu di a corsica,ghjè u turisimu,e bande di capre o di pecure smariscenu,per che i corsi volenu sviluppà u "tout tourisme" in la corsica sana.
In li paese un si vede piu che spassighjate cu i sumeri o cavali,ghjocchi d'acqua ind'i fiumi,colenu e falanu nant'i scoglii ,portenu i touristi a visità i lavi,o a core per se muntagne,pruminade in mare o in "canoe cayack",ghjè quessu l'avvene per assai corsi.
E capre,poca primura !!!!! Occupà i turisti hè un piu bellu raportu,ci so soldi a piglia senza strazzià,e tantu peghju per a corsica

4.mandatu da gattumomo u 19/04/2014 20:26
eiu n'aghju una in casa, à chì a vole a si piglia è ne face ciò ch'ellu vole...

5.mandatu da plus rien ne m''''étonne u 21/04/2014 22:07
In stu paese u ci hé piu nunda di salvaticu ,allora ancu di menu a salva qualcosa ,ié ci hé qualcosa ,l'elezzione elle u seranu mai in periculu ! ha! ha!
Si dice ch'ellu ci si hé lattu fabricatu di synthése (reconstitution des molécules)

6.mandatu da Ghjuvanluca u 22/04/2014 13:47
Issa azzione è ammirabile e cuncreta in li stessu tempu.In l'avvene.....beatu chi tene a terra,l'acqua,l'animali....simu sempre di più e à mangiusca poca.Tocca a fidighjà lontanu,approntassi per tempu .Sostegnu
salutu da Cagliari

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta