Accueil
Envoyer à un ami
Version imprimable
Partager

Ci vole veramente à oppone parking è lingua corsa ?

In u grande feuilleton chì ùn finisce più di a merria di Bastia, eccu dunque l'episodiu Morganti. S'hè fattu caccià a so piazza d'aghjuntu è hà rispostu di manera azeza à Gilles Simeoni (normale), ma parlendu di... lingua corsa (stranu). Circhemu di capisce.



Avete più o menu seguitatu l'episodiu novu di e "baruffe bastiacce" chì hà vistu u tattistu Julien Morganti perde u so postu d'aghjuntu.
Ci vole veramente à oppone parking è lingua corsa ?

L'omu s'hè difesu. Parla di "purge", di "nouveau clan". Normale.

Ùn hà micca da ringrazià à Gilles Simeoni d'avelli messu un calciu in culu è si difende.

Ma Julien Morganti face un altru rimprovaru à a magiurità municipale. Più stranu sta volta :

Da vede dinù quì sì u filmettu ùn s'affissa micca

Iè, avete intesu bè :

"on va continuer avec François Tatti à travailler (...) et arrêter de faire de la langue corse et de l'identitaire. On nous attend sur du stationnement, de la circulation, de l'emploi".

Cumu "arrêter de faire de la langue corse" ? Si faria "troppu" lingua corsa in Bastia ? È chì c'entra quì ? Chì vene à fà in stu dibattitu ?

Sta povera lingua, chì hè in gattivu statu (l'UNESCO a mette in e lingue in perìculu), chì si sente pocu in carrughju, chì vede a so pratica rinculà, ebbeh hè sta povera lingua chì si ritrova una volta di più nant'à u bancu di l'accusati. Eccula torna instrumentalizata.

Pensavate ch'ella c'era una certa unanimità intornu à a necessità di salvà a lingua corsa ? Chì a classa pulitica sana avia infine capitu ? Ch'ellu si tratta di u nostru patrimoniu ? Ch'ella appartene à tutti, è micca à i soli naziunalisti ?

Innò, una volta di più, vultemu quarant'anni in daretu.

Nant'à e rete suciale, ùn sò mancate e reazzione :








È certi eletti anu reagitu anch'elli :



D'altri anu vulsutu parlà dinù d'urbanisimu... Una cità saria solu un parking gigante ?


È hà vintu ancu una puesia !

Ci vole veramente à oppone parking è lingua corsa ?

Allora ? Parkings o lingua corsa ?

Pudemu andà ancu di più luntanu. Perchè pensà sempre à e vitture ? Sempre di più parkings, di più strade, di più tunnelli, vole dì sempre di più vitture, ingorghi, azizume, stress.

D'altronde saria ora di principià à riflette à d'altre suluzione più ecologiche (perchè micca u trenu ?) per i trasporti.

In quant'à u corsu, semu di quelli chì pensanu chì una lingua chì si spenghje hà bisognu d'un aiutu massicciu. Certi parlanu di u bisognu d'un "pianu Marshall" per a lingua. Passa per l'insignamentu, ma micca solu : dinù i media, l'imprese... in tuttu ciò chì face a sucetà si deve fà a prumuzione di a lingua corsa.

È s'è no a vulemu salvà sta lingua, e cullettività corse, ch'elle sianu a CTC, i cunsigli generali o a merria di Bastia devenu fà di più sforzi.

S'è no a vulemu veramente salvà. Ma avete u dirittu d'ùn esse d'accordu.

Ci vole veramente à oppone parking è lingua corsa ?

D'altronde, cumu si dice "parking" in francese ?

u 30 di Lugliu 2015
U Webmaestru



1.mandatu da estrimei u 30/07/2015 18:16
a mè , mi pare chi stu Morganti hà attaccatu a campagna elletturale .
ellu a sà chi a lingua corsa hà i so nemici , e attaccà a lingua corsa li pò purtà quelli chi vutavanu a Zuccarelli .

_________________
dumanda a A PIEZZETTA

un sterà tantu a finisce l'epica di a cullettivitai di Corsica , vi prupongu per sta fine di mandatu d'instituì u premu di a lingua corsa a l'elletti di a cullettivitai

2.mandatu da Morgantacciu u 30/07/2015 19:00
Mi stumaca di vede stu Morganti parla cusi ! Per quale si piglia stu catinu !
A nostra lingua si ne more, so pocu à ghjente à parla la è a scumbatte per fà ch'ella sia parlata è ellu dice chi a ghjente ne face troppu allora ch'ellu n'ha mai fattu un sforzu di parlà la o d'amparà la !

Un lu cunnoscu, ma s'ellu mi casca in stretta li stuperaghju in facciu per cio ch'ellu ha dettu.

i cancari di a Corsica so ghjenti cume stu spezziu d'imbecile chi face pulitichella cu u so grande amicu Tatti, sempre daretu à u putere, per diventà i rè di i rè di i rè !!

Ch'elli si mettinu tramindui à travaglià appena è ch'elli si ne stassi zitt, chi u male hè dettu avà.

3.mandatu da carlu u 30/07/2015 21:47
mais pourquoi tant de haine et de mépris pour la langue et la culture corse ? pourquoi tant de haine de soi ?

(a dicu in francese per ch'elli capiscinu)

ch'averà fattu a lingua corse per fassi tantu odià da i soii ?


4.mandatu da è cusì sia u 30/07/2015 21:59
e maschere sò cascate per Tatti è i soii. capiscenu chì cun Gilles ùn ci cacceranu nunda per a so carriera persunale allora a pecura volta cù a so banda è u pastore zuccarelli (scusate i pastori ghjè per a fiura)

5.mandatu da Santunskis u 31/07/2015 10:23
L'avete vistu in Aiacciu chi un elezzione s'hè ghjucata annant'u un parking. L'avvene di a nostr'isula, u parking hè u centru di tuttu oghje, pensu che semi u solu populu in giru mondu chi fà un eventu tamantu quandu si apre un parking de 500 places en ville.

Corsica terra ecologista, "mais bon si je peux avoir la place devant le bar ou la banque plutot que de me garer à 500 mètres, c'est mieux."

6.mandatu da sergio u 31/07/2015 10:25
"impinzuttitu di ciarbellu, nun vali mancu un figatellu"

hahahahaha

7.mandatu da bastiacciu stortu u 31/07/2015 11:01
E qual'e chi u connosciè stu Morganti ??.....

8.mandatu da cipolla u 31/07/2015 14:52 (da un teleffuninu)
Morganti hè un catinu impizzutitu, ma anch''eo mi dumandu perche st''odiu di a nostra lingua?
- cumplessu di u culunizatu?
- cumplessu d''un ammaestra micca a so lingua chi porta a righjittala?

Hè spicatricu l''affare...

9.mandatu da Guerrini u 31/07/2015 22:28
Morganti ùn hè chè "l'homme lige " di Tatti.
U veru MACHIAVEL hè Tatti.

10.mandatu da L'azezu u 02/08/2015 09:49
O ghjente, ùn avete ancu trovu à quale ellu ci vole à impiastrà cù una bella torta cù a chantilly ?
Piccatu pà a crema ma...

11.mandatu da corsu u 02/08/2015 14:17
Tù mandi à l'altri ma ùn ci vai ... Armons-nous et partez

12.mandatu da L''''azezu u 02/08/2015 16:05
Ùn aghju po l'abbitudine di dì di tù à quale ùn cunnoscu. Affare di crianza vechja è trapassata, siguramente.
Andacci ? Soca mi piace troppu a sciantiglì...

13.mandatu da talavesu u 29/08/2015 19:25
quessu s'he cumpratu un "i" per attaccalu a u so nome?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta