Accueil
Envoyer à un ami
Version imprimable
Partager

Ciò chè no duvimu à Geneviève Moracchini-Mazel...

Hè in dolu l'archeulugia corsa. Devimu tante cose à Geneviève Moracchini-Mazel...



Ciò chè no duvimu à Geneviève Moracchini-Mazel...
A storia di a Corsica, Geneviève Moracchini-Mazel ci hà cunsacratu a so vita. Hè difficiule di riassume in poche frase tuttu ciò ch'è no li duvimu, quantu e so ricerche sò state impurtante.

E so prime ricerche in Corsica ricollanu à u 1951 nant'à u situ paleocristianu di Mariana.

Ma ciò chì averà marcatu a so opera hè un travagliu di terrenu tremendu in ogni paisolu di Corsica. Avia una cunniscenza di u nostru paese cum'è nimu l'hà avuta.

Hè stata una di i primi à interessassi à u nostru patrimoniu è à a nostra storia à un mumentu induve eranu pochi à primurassine.

Cù a so pazienza è a so fede, hà giratu a Corsica sana, pieve à pieve, paese à paese, è ne pudia parlà ore sane è senza fidighjà e so note.

Hè stata dinù a prima à capisce l'interessu di salvà stu patrimoniu chì sò i nomi di lochi, à capisce ch'elli ponu piattà un tesoru. Fendu e so inchieste cinquant'anni fà, interrugandu l'antichi chì cunniscianu u terrenu, hà salvatu una memoria chì si ne murria.

Cusì, quantu n'averà salvatu tesori, è cappelle da e lamaghje ? Geneviève Moracchini-Mazel hè stata una di quelli chì anu permessu stu riacquistu.

Ci lascia un travagliu tremendu. Prima a so tesa nant'à e chjese rumaniche di Corsica,chì hè una bibbia per tutti quelli chì s'interessanu à e nostre pieve (Les églises romanes de corse, ed. Klincksieck, 1967). Ne cunniscite tutti a carta di e pieve chì n'hè ricacciata. Eppo u travaglione ch'ella hà fattu durante tanti anni, cù u so associu, a FAGEC è e so publicazioni, i Cahiers Corsica.

U so ultimu cantieru era a publicazione di u so libru Corsica Sacra, prevista in trè vulumi. U primu hè statu publicatu in u 2004. L'altri previsti sti pochi anni. Speremu chì in omagiu à a so memoria stu travagliu serà cuntinuvatu. Saria a minima di e cose.

u 17 di Farraghju 2014
U Webmaestru



1.mandatu da cugi u 17/02/2014 21:31
Vi sete trasfurmatu in rubrica necrologica, circate a fà a cucurrenza a corse matin!

2.mandatu da u webmaestru u 17/02/2014 21:59
Forse, quelli chì anu fattu tantu per stu paese, meriteghjanu ch'è no ùn ci scordimu d'elli, nò ?

3.mandatu da mighe u 17/02/2014 22:31
Cio ch'ella ha fattu sta donna per a Corsica hè tremendu.

grazie per tuttu cio che vo avete salvatu, Geneviève.

4.mandatu da vallecalle u 17/02/2014 23:02
ô Cugi, se tu un conosci mica u lavoru tamantu di Geneviève Moracchini Mazel,poi rispetà a so mimoria

5.mandatu da misgiacciagavignaninca u 18/02/2014 03:25
O cugi chi vergogna di parla cusi d'una donna cusi trementa, a fattu piu pe a nostra terra qui n'importa quale in Corsica, qu'ellu sipienu sapienti, puliticanti, o professori di prima trinca, allora se t ´ un si capace d'aprezzia issu talente, apia a pena di rispetu al menu. Ignorentus, ignorentas, ignorentum !!!!

6.mandatu da cugi u 18/02/2014 10:17
@u webmaestru : forse !
@ vallecalla & misgiaccia... : un mi pare micca avé parlatu di GMM, solu di u situ...
@vallecalle : lavoru hé una parolla taliana, micca corsa.

7.mandatu da quellu di u pighjolu u 18/02/2014 10:48
Cugi hè u "troll" di A Piazzetta. quand'ellu scrive, hè per criticà è parlà male, lasciate lu puru stà

Definizione di Wikipedia :

En argot Internet, un « troll » est un message (par exemple sur un forum) dont le caractère est susceptible de provoquer des polémiques, ou auquel on ne veut pas répondre et qu'on tente de discréditer en le nommant ainsi. Le mot « troll » peut également faire référence à un débat conflictuel dans son ensemble, soulevé dans cet objectif.
L'expression peut aussi s'appliquer à une personne qui participe à une discussion ou un débat dans le but de susciter ou nourrir artificiellement une polémique, et plus généralement de perturber l'équilibre de la communauté concernée1,2,3. Mais pour cet usage on utilise plus communément les termes trolleur/trolleuse.



ognunu e so croce

8.mandatu da sardu u 18/02/2014 12:17
chi brava sta tipa,da veru brava pé u so travagliu=), avia ancu travagliatu pé a "civilta torreana", chi poi sarebbe a civilta dei nuraghi in corsica?fatemi sapé per favore perché hé da veru interessante e vorrei scuprire dipiu'.

9.mandatu da anto u 18/02/2014 13:08
Aghju avutu u grande piacè e u grande onore di cunoscela n'ell'anni 60 quand'ella cuminciava e so ricèrche nantu a è ghjese antiche,piu precisamente in Pratu di Ghjuvellina .Un bel'esempiu pè quelli chi un vedenu micca piu luntanu che u so nasu !

10.mandatu da tavanincu u 18/02/2014 13:20
Saria bè chi quelli chi l'anu cunnisciuta o vista lascinu una parolla in a so mimoria.

11.mandatu da henry smart u 19/02/2014 10:49
una figura tremenda di u populu corsu !!!

12.mandatu da O CORSU RIFLETTI u 19/02/2014 11:01
Un travagliu tamantu ! Hà permessu micca solu à e chjese di rinvivisce ma ancu di scopre una gran parte di nostra storia per u Mediuevu è l’Antichità. Ne siamu grati è nant’à i so passi chè no cuntinuessimu nant’à a ricerca è a valurizazione di i nostri lochi.

13.mandatu da ozit u 20/02/2014 10:14
Nò, o Sardu, Geneviève Moracchini ùn era micca spezialista di a preistoria nè di i turreani ma di l'Antichità rumana è di l'epuca medievale, detta rumanica. Pè e torre è i castelli ci vole à leghje à Francescu de Lanfranchi

14.mandatu da sardu u 20/02/2014 17:12
grazie ozit,leghjieraghjiu a francescu de lanfranchi e comunque un grande salutu e rispettu a genevieve pè u so travagliu e pe e so passioni

15.mandatu da Ghjuvanluca u 20/02/2014 20:37
Cuntinuvà u sò travagliu,mantene a Memoria.....Attenzioni di a pulitica pè cultura e storia di Corsica (i Budget ecunomici di istu settore sò sempre più bassi) e sole manere ,u solu omagiu à a so opera.
Un abbracciu ai parenti

Novu cumentu :