Accueil
Envoyer à un ami
Version imprimable
Partager

Comprati un "couteau de berger corse" à 4,99 €

Sò i cultellaghji corsi chì anu da esse cuntenti. L'edizione Atlas pruponenu un autenticu "couteau de berger corse" à menu di 5€.



È chì si pò fà contr'à a mercantizazione di u mondu ? Nunda !

Dop'à u brocciu "Leclerc" è a pulenda di Super U, eccu dunque u "couteau de berger corse" vinditu pè currispundanza da l'edizione Atlas :

Comprati un "couteau de berger corse" à 4,99 €

Certi ci videranu forse un "soft power" corsu. In a cullezzione di l'edizione Atlas "Couteaux de poche classiques" ci si trova dinù u "couteau à champagne de la noblesse de Westphalie" (eh nò !), a "Navaja Spagnola" è un... "couteau colonial français".

Comprati un "couteau de berger corse" à 4,99 €
In a publicità, s'ampara dinù chì u veru Corsu porta sempre a so cultella per difendesi :

"Très escarpée, la Corse est le paradis des bergers. Ces derniers avaient toutefois besoin d’un couteau de poche efficace pour leur pause déjeuner, pour s’occuper des sabots de leurs moutons ou encore pour se défendre. Issu des couteaux-poignards fabriqués à Gênes, le couteau « Vendetta » est toujours porté par les Corses, principalement dans le sud de l’Île de beauté."

Anu ragiò. Trà i banditi d'onore, l'orsi, e truppe di Luigi XVI è i malandrini calabresi chì si piattanu pè ste machje, ùn semu più in securità.

Ch'o sinnò ùn ci hè manera di sapè quale hà fattu sta cultella, è induve hè stata fatta. Ma si pò scumette chì à 4,99 € ùn hè siguramente micca di fattura nustrale.


Nant'à e rete suciale a publicità passa male.


Ma chì fà ? À a fine, hè sempre a sucetà di cunsumazione chì vince.

u 16 di Ghjenaghju 2017


Novu cumentu :