Accueil
Envoyer à un ami
Version imprimable
Partager

Corsica / Cuba : tante sumiglie !

Pocu fà, vidiamu i giovani purtà magliette stampate da a testa mora è a faccia di u Che. U sottu intesu era chì s'ellu era sempre vivu, u Che seria un clandestinu. È perchè micca? Li si pò fà dì ciò ch'omu vole à i morti! Ma al di là di l'insularità è di i fantasimi di vede un Che machjaghjolu à l'usu corsu, ci sò sumiglie pulitiche più fundive, trà a Corsica è Cuba...



Corsica / Cuba : tante sumiglie !
Postu chì si parla st'ultimi ghjorni di a lascita pulitica di Fidel à u so fratellone Raul, simu ubligati à pensà à u sistema clanista corsu. Ind'è noi, invece di dà u putere, à u fratellu, si dà più spessu à u figliolu.

N'avemu pochi esempii custì! Zuccarelli, Giacobbi, De Rocca Serra...

Paul Giacobbi ùn hè u figliulinu di Paul Giacobbi, figliolu di François, ellu stessu babbone di François Giacobbi? Poca dinastia quessa! A contu soiu, sarebbe u solu diputatu di l'Assemblea Naziunale à uccupà di modu cusì cuntinuu u carrigone di l'arcibabbone. L'avia detta in l'emissione "Ghjente" nant'à u clanisimu in Corsica. U peghju hè quandu ellu basgia a croce è ch'ellu pizzica u Cristu...

In quantu à Camellu, u so babbone avia vutatu à prò di i puteri pieni à u Maréchal Pétain. U so figliolu, "le renard argenté", Jean-Paul s'era prima prisentatu nant'à una lista di manca nanzu di vince incù a diritta... Cusì bone e frittelle!

Eppò vene u terzu, ch'ellu fussi timicu o pretenziunutu, hè statu sopratuttu losciu è dannevule in a so citadella... Emile, u figliolu di Jean, puderebbe lascià di marzu a so carrega à u so figliolu Jean. Cusì bella a tradizione corsa! U figliulinu , ci vole ch'ellu si chjami cum'è u babbone. Invece u spiritu di a demucrazia prefirisce ellu l'altenanza à a figliazione. Ma sò minuzie sò! Ùn andemu à visticà in quessi particulari.

S'avemu dubbiti nant'à i genitori di Sarko è di Kadhafi, ùn ci hè penseru, ind'è noi, a filiazione di i puliticanti hè cum'è u santacroce. S'ampara à a scola! Eccu un bellu esemepiu d'adattazione di i prugrammi sculari à a realità lucale !

u 22 di Farraghju 2008
Sbanditu



1.mandatu da pierrejean luccioni u 22/02/2008 00:53
3 articuli nant'à Cuba in una simana, site andati à chjavà quallà o chè?

é Edmond chi passa a manu à Gillou, chi ne pensate?

bon, o sinno eu vulia di chi stu bloggu mi piace di piu in piu. chi ne penserà estrimei?

Novu cumentu :