Accueil
Envoyer à un ami
Version imprimable
Partager

Cruyff hè guasi venutu in Bastia

Torna appena è Cruyff ghjucava in Furiani. Era prima di a stagione 1983-84. Per l'ultimu annu di a so carriera di ghjucadore (avia 36 anni), i dirigenti di u Sporting anu cuntattatu u grande Johan. Hè u situ corsefootball.fr chì dà u puttachju.



Bon d'accordu, si pò sempre sunnià. Ma l'infurmazione hè stata data tandu da Corse-Matin. Simu à l'estate 1983. U Sporting hà passatu una stagione pessima (hà finitu à u 17u postu), ma ci la ferà à cunvince ghjucadori cum'è Daniel Solsona (Valencia) è l'argentinu Alberto Tarantini (River Plate) di purtà a maglia turchina.

Allora perchè micca Cruyff ? Hè in fine di carriera è l'Ajax l'hà messu fora.

Tandu si parlava ancu di Keegan à u Sporting (chì si chjamava sempre SECB...), ci dice corsefootball.fr


Ma puru à 36 anni, era troppu caru per Bastia. In fine di contu, firmerà àu Feyenoord Rotterdam. Piglia cusì a so rinvincita nant'à l'Ajax, finiscendu campione è vincidore di a cuppa.


Pudemu sempre sunnià dicendusi chì torna appena è l'averiamu avutu in Furiani. È serà a nostra manera di rende omagiu à stu geniu di u ballò.

Da leghje : « Qu’est ce que j’étais censé faire ? » Humilié par LE dribble de Cruyff, il écrit une (émouvante) tribune à sa mémoire


A famosa rete "impussibule" di u 1973, tandu à u Barça contr'à l'Atletico Madrid :

Da vede : Cruyff, il gol impossibile


Per noi i più giovani (hum...) Cruyff firmerà l'intrenore di u grande Barcelona (da u 1988 à u 1996). Hà messu in piazza un ghjocu spettaculare, giratu cumplettamente versu l'attaccu, chì mettia conce à tuttu u mondu (fora di u Milan in u 1994...). Tandu, hà inventatu qualcosa di novu.

Era l'epica di a "dream team" di Zubizarreta, Bakero, Laudrup, Koeman, Stoichkov, Romario...

Cruyff hè guasi venutu in Bastia

Cruyff hè statu dinù u coach di a selezzione catalana di futbol, da u 2009 à u 2013.

Cruyff hè guasi venutu in Bastia

E prima pagine di i giurnali aurupei a dicenu tutte, Cruyff era sempliciamente un geniu :
Cruyff hè guasi venutu in Bastia

Cruyff hè guasi venutu in Bastia

Cruyff hè guasi venutu in Bastia

Cruyff hè guasi venutu in Bastia

Cruyff hè guasi venutu in Bastia

Cruyff hè guasi venutu in Bastia

Cruyff hè guasi venutu in Bastia

u 26 di Marzu 2016



1.mandatu da Sardu u 27/03/2016 14:56
Site sicuri chi a cupa d auropa di u 78 un era mica a cupa di i campioni?!?...ihihi

2.mandatu da stumacatu u 01/04/2016 21:47
U piu grande : JC Superstar...

RIP Johan.

Novu cumentu :