Accueil
Envoyer à un ami
Version imprimable
Partager

Cum'è spessu, a Corsica ùn vota micca cum'è l'altri

Ùn hè micca sempre u casu ma hè spessu cusì. I Corsi anu pigliatu l'abitutine d'ùn fà nunda cum'è l'altri, è di vutà u cuntrariu di ciò ch'elli votanu in Francia



Bella sigura, i scrutini sò tutti differenti è ùn ci vole sempre à circà lezzione generale. Ma quantunque ùn hè micca a prima volta chì a Corsica vota u cuntrariu di u cuntinente.

Elezzione legislative 2002 : zunamì di diritta, a Corsica manda 3 diputati di manca

Chirac vene d'esse elettu presidente di a Republica. E legislative chì seguitanu danu una magiurità forte à a diritta... Fora di a Corsica, chì manda trè diputati di manca : Simon Renucci, Paul Giacobbi è Emile Zuccarelli, chì si truvava à u segondu giru oppostu à... Fanfan Vendasi, un'altru radicale di manca.

Elezzione regiunale 2004 : a Francia passa à manca, a Corsica ferma à diritta

L'elezzione marca una sanzione di a pulitica di diritta di u guvernu di Raffarin. A manca vince 24 regione nant'à 26. Pè a territuriale in Corsica, hè a lista di Camille de Rocca Serra chì ghjunghje in testa.
Cum'è spessu, a Corsica ùn vota micca cum'è l'altri

Primaria di a diritta 2016 : Corsica, terra sarkozista

Più nimu ne vole, fora di a Corsica. À a primaria di a diritta, quandu a Francia mette in testa à François Fillon è Alain Juppé, a Corsica hà a nostalgia di Nicolas Sarkozy.

Primaria di a manca 2017 : Valls, una passione corsa

È quandu a Francia di manca si piglia di passione per Benoît Hamon, hè dunque logica chì e duie federazione corse di u PS mettinu à Manuel Valls in testa.
Cum'è spessu, a Corsica ùn vota micca cum'è l'altri

Legislative 2017 : a Francia macrunista, a Corsica naziunalista

Mentre chì in Francia si parla di zunamì pè Macron (361 deputati pè "La France en Marche" è u Modem), a Corsica sceglie un'altra via è pè a prima volta ci seranu naziunalisti à l'assemblea naziunale. È in più di quessa, ci ne serà trè...
Cum'è spessu, a Corsica ùn vota micca cum'è l'altri

Da seguità...


u 19 di Ghjugnu 2017



1.mandatu da Ghjuvan u 21/06/2017 22:22
Ete sminticatu chì a Corsica a vutatu à 50% Marine Le Pen à e présidentielles 2017. L'ete fatta apposta? I corsi principianu à diventà astuti. Què mi rallegra.

Novu cumentu :