Accueil
Envoyer à un ami
Version imprimable
Partager

Cumprate a vitturaccia di Le Pen nant'à ebay !

Ùn hè ancu mortu Jean-Marie Le Pen chì si facenu digià i spartimenti. L'indivisione pò, ind'è elli ùn face tanti danni... Postu chì hè quantunque mezu mortu à u pianu puliticu è chì u "Front National" hè à paghjolu, dopu u Paquebot, vendenu a vitturaccia di u capimachja di strema diritta...



U FN cerca un semplicione incù 10 000 000 € in stacca !

Chì bravi omi i lepenisti ! Vendenu una vittura puzzicosa per 10 milioni d'euro. Quantunque! I pinzuti pò ùn seranu tutti tutti cusì baulli è tonti per crede à e rachjate di stu vechjacone?

Sentite què : Peugeot 605, di u 1992, incù a climatisazione di quelle meuh meuh è i futtogli fatti di coghju. À l'indentru, ci avete ancu una bagnarola è una cucina. Ricivite à TPS è Internet ! Sarebbe ancu blindata sta cazzarola. Micca pretenziunuti, ùn anu mancu a paura di dì ch'ella hè una vittura di cullezzione... Di cullezzione pò, s'ellu s'era fattu tirà addossu o tumbà in sta scatulaccia pò, puderebbe passà. Ma postu chì ci hà solu pusatu e so cule di tantu in tantu... Iscia... Hè solu un pizzacciu di feraglia per una manata di razzisti nustalgichi è di a guerra d'Algeria è di u terramottu di u 2002.

A madalena di Proust è a sciucrutta di Jean-Marie...

Cunta mè ci averà ancu manghjatu sciucrutta à l'indentru... Quandu vi puserete, puderete sente una vampata di tanfu prufumata incù l'alenu fracicu di stu vechjacone... Ci puderete sente dinù u musculellu di a sciucrutta è di u sudu pedicosu... Chì piacè! Vi puderete imaginà a so presenza, a so voce latina è e so riflessione nant'à a seconda guerra mundiale, per esempiu... Avà sì chì u sintite : "Scrognugnù Scrugnagnà..." N'avete una techja, accendite u postu è mittite Radio Beur...

Un idea...

Infine, tuttu què per dì chì i tippi di u FN cercanu d'altri semplicioni. Per contu meiu, m'aghju trovu qualchissia chì si la puderebbe cumprà sta vitturaccia... L'amicu Séguéla, n'hà abbastanza soldi per spulà li in fantasie... Invece di cumprà si quella casuccia in bor'di mare, ùn li piacerebbe micca d'arrichisce si d'una vittura di cullezzione? Aiò, s'è u vidite girandulà per Bunifaziu, aiò, dite li chì Le Pen l'aspetta... Ellu pò, di sti suldacci, n'averà più bisognu chè noi...


u 1mu di Maghju 2008
Sbanditu



1.mandatu da yvanuterribule u 02/05/2008 20:32
forni ci n'hè ?!

2.mandatu da Sbanditu u 02/05/2008 21:00
Mi dumandu s'ellu averà sceltu di fà si incinerà o di fà si interrà? Per avà, à u pianu puliticu, vistu i so risultati à l'elezzione è e so ultime dichjarazione, hè bellu interratu ma, ùn si sà mai. Eppò, in Corsica, u FN si prisenta sott'à u mottu "Fiamma corsa"... Allora, lepenacciu : a terra o u furnellu ???

Novu cumentu :