Accueil
Envoyer à un ami
Version imprimable
Partager

Cumu Leca hè diventatu l'ìdule di a Corsica sana

Si sò passati assai affari a dumenicata scorsa. In pocu tempu, "le remplaçant du remplaçant" hà fattu biscà i Nizzardi, messu à palesu a cunneria di u prefettu di Nizza, rimessu in piazza u sgronchju di Bosetti, trasfurmatu à Pierre Ménès in difensore di u populu corsu contr'à u razzisimu francese. Tuttu què di manera calma. Senza arme, nè odiu, nè viulenza, Jean-Louis Leca hè diventatu l'ìdule di u populu.



Quantu volti u nome di Leca si serà ritruvatu in e discussioni, in SMS, in statuti Facebook, ritratti Instagram, in tweets ? In mancu vinti quattru ore, Jean-Louis Leca hè diventatu l'ìdule d'un populu sanu.

Si sò passati assai affari sta dumenicata, avemu circatu à rimette tuttu in ordine.

È in più, hè vera !

15 ottobre : u prefettu di l'Alpe Marìtime pruibisce a bandera corsa

A storia cummencia cù a publicazione di l'interdizzione pè i sustenidori corsi d'andà in Nizza, firmata da u prefettu di l'Alpe Marìtime, Adolphe Colrat.

Ùn hè micca l'interdizzione di spiazzamentu chì stona (di tutte e manere ùn vi fate più illusione, per una bella stonda ùn ci serà più sustenidori bastiacci in Nizza è in Marseglia...), ma a menzione fatta à i "sìmbuli corsi". Sò pruibiti :

"le port, la détention et l'utilisation de tout objet ou vêtement à l'effigie de la Corse ou d'un club sportif corse" .

Panicca nant'à e rete suciale è nant'à a tela, pruteste di l'omi pulitichi, lagnanza in ghjustizia di u Sporting.

In fine di contu l'arrestu hè mudificatu. Sò sbanditi :

"le port, la détention et l'utilisation de tout objet ou vêtement aux couleurs du club du SC Bastia"

Ma hè troppu tardi.
Cumu Leca hè diventatu l'ìdule di a Corsica sana

Peccatu, sta dumenicata era quella di u rispettu di a diversità.

"Soyons fiers de nos différences", era u messagiu di a LFP nant'à tutti i terreni di L1 è di L2...

Differenti, ma micca troppu quantunque.
Cumu Leca hè diventatu l'ìdule di a Corsica sana

Nanz'à u macciu : u scaldamentu...

Hè cusì chì pè u so scaldamentu, i ghjucadori di u Sporting portanu di manera simbòlica una maglia cù... a testa di moru strisciata da dui pezzi di scotch rossu.


Era a risposta di u club à l'interdizzione di u prefettu. Quessa, ci vulia à aspettaccila...
Cumu Leca hè diventatu l'ìdule di a Corsica sana

Nanz'à a partita, a squadra si face dinù ritrattà cù una bandera corsa. Rammintemu chì u prefettu avendu mudificatu a so prima ordonanza, mustrà a testa di moru in Nizza ùn era più "fora di lege".

Dopu, a bandera corsa serà appiccicata daretu à u bancu di i rimpiazzenti, cum'ellu u mostra stu ritrattu. Nimu trova à dì.
Cumu Leca hè diventatu l'ìdule di a Corsica sana

Nant'à u pianu spurtivu, a pressione hè nant'à e spalle di i Bastiacci. A stagione per avà hè piuttostu goffa.

L'ultima vittoria di u SCB à Nizza ricolla à u... 1994. Vint'anni fà, eranu Pierre Laurent è Stéphane Ziani chì avianu fattu trimà a rete.

20 anni senza vittoria


L'antica rivalità

Per ciò chì hè di a rivalità trà Corsi è Nizzardi, cunniscite a storia. Sapete ch'ellu ci vole à vultà à l'anni settanta è à e partite accanite di cuppa di Francia. Bastiacci minati in Nizza à l'andata (Claude Papi feritu), Nizzardi tichjati di colpi à u ritornu (dui ghjucadori impauriti si stanu in i spugliatoghji è l'OGCN ghjoca... à 9), magazinu d'un ghjucadore nizzardu plasticatu (quellu di Jean-Noël Huck).

A partita di cuppa in u 1992 rilancerà sta nimicizia.

Da leghje dinù st'intervista di Didier Rey.

Più vicinu da noi, l'attitutine di stu sgronchju di u nizzardu Bosetti (chì d'appressu à parechji testimonii si n'era risu di a catastrofa di Furiani) ùn hà micca appaciatu e rilazioni.


Vittoria 1 à 0... è Leca sventuleghja

U fattu si stà chì Bastia riesce un picculu miràculu chì nimu aspettava (vittoria 1 à 0).

À a fine di a partita, Jean-Louis Leca chjappa a bandera corsa (chì ùn figurava in a lista di "l'ogetti pruibiti" da u prefettu Adolphe Colrat) à a fine di a partita per manifestà a so gioia.

S'hè vistu sta fiura nant'à à pocu pressu tutti i muri è e timelines di e rete suciale corse sta dumenicata.


Tandu, nasce u para pigli è teni. U capitanu di l'OGCN, Didier Digard hè u primu à corre versu Leca per minacciallu. I stadieri ùn paranu nunda, nant'à e fiure si vede ancu un omu di a securità (in neru) mette i colpi à i ghjucadori bastiacci.

Ma quessa, nimu a dice tandu.

U terrenu hè invaditu da un centu di sustenidori nizzardi, da u latu di a "populaire sud", a securità di l'Allianz Riviera ùn impedisce nunda.
Cumu Leca hè diventatu l'ìdule di a Corsica sana

A parolla chì sorte in primu : "pruvucazione"

In un primu tempu, in i media, falanu cutrate nant'à Bastia. U culpèvule hè trovu : Jean-Louis Leca. Una parolla volta in permanenza nant'à BFM è Itélé : "provocation".

Nunda nant'à l'ordonanza di u prefettu, nant'à a storia di a bandera, nant'à l'invasione di u terrenu, nant'à a securità nizzarda chì serà a prima à mette i colpi.

Una volta di più, i gattivi Corsi salvatichi anu messu a puzza ind'è i bravi civilizati.
Cumu Leca hè diventatu l'ìdule di a Corsica sana

Estrosi, u primu à dumandà una sanzione

U primu à dumandà e sanzioni contr'à Leca hè u merre di Nizza, l'UMP Christian Estrosi.
Cumu Leca hè diventatu l'ìdule di a Corsica sana

A twittosfera s'occupa d'ellu è ritrova stu tweet di ferraghju 2014, quandu stu catinone avia purtatu u so sustegnu à Bosetti, sanziunatu per avè pruvucatu i sustenidori di l'OM dop'à avè marcatu à u Vélodrôme.

Christian Estrosi hè dunque in pista per u tìtulu di "super-mega-catinu di u milleniu".
Cumu Leca hè diventatu l'ìdule di a Corsica sana

À stu mumentu dunque, i bastiacci sò culpèvuli. Trippa s'elli ci sò gravi prublemi di securità in u stadiu novu di Nizza, un gruyère di quelli tamanti induve si pò passà da una tribuna à l'altra senza prublema. Arricurdatevi di l'incidenti annu passatu trà l'ultras di St Etienne è quelli di Nizza.

Sempre più forte : dop'à a partita i cummenti di u direttore dipartimentale di a securità, Marcel Authier ùn rimettenu micca in causa l'attitutine di i Nizzardi. Si leghje in Corse-Matin (a pagina hè stata cambiata è sta frasa cacciata, perchè ?)

"Tout le monde a été surpris par cet envahissement de terrain. Ca fait très longtemps que ce n'était pas arrivé. Pour autant, il ne s'agit pas là de violences. La police a fait son travail en protégeant la sortie des joueurs".

"Il ne s'agit pas là de violences" dunque. I centu nizzardi sò falati nant'à u terrenu per offre a socca à i Bastiacci forse ?

Nunda nant'à e viulenze di u terrenu, hè a fiura di "le provocateur Jean-Louis Leca" (prununzià "Leukâ") chì giranu. Sò pochi à difendelu è à circà di capisce.
Cumu Leca hè diventatu l'ìdule di a Corsica sana

Solu un giurnalistu di L'Equipe, Guillaume Dufy si dumanda :


Appena più tardi, u rinforzu venerà da... Pierre Ménès. Miràculu, quellu chì passa u so tempu à ghjestimà à pocu pressu tuttu ciò chì si passa in Bastia scrive ste parolle nant'à u so blog :

"À l'arrivée, les Bastiais se sont donc imposés. Derrière, tout s'est enflammé. Jean-Louis Leca, le gardien remplaçant de Bastia, est venu agiter un drapeau corse au milieu de la pelouse. Alors je veux bien que ce ne soit pas le truc le plus fin du monde, mais je voudrais savoir : comment est-il possible, aujourd'hui en France, qu'un préfet prenne un arrêté pour interdire la présence de drapeaux corses dans un stade ? On est où ?

Pour moi, ce n'est ni plus ni moins que du racisme. Alors peut-être que la réaction de Leca n'était pas intelligente, il aurait pu se contenter de la victoire. On peut aussi remarquer que les joueurs de Bastia se sont échauffés avec un maillot frappé de la tête de Maure barrée d'une croix rouge. Mais à un moment donné, il faut arrêter. On empêche déjà des supporters de rentrer dans les stades - vendredi, des fans du PSG munis d'un billet n'ont pas pu pénétrer dans le Stade de France -, si en plus on interdit les drapeaux... Où va le foot français ?

Est-ce que le geste du portier peut justifier l'envahissement du terrain par une cinquantaine de voyous ? Ils sont forcément de Nice puisque le public bastiais était interdit de déplacement. Des supporters qui frappent des joueurs, c'est du football peut-être ? Quand je vois dans Jour de Foot que Didier Digard passe de la pommade à ses fans en chargeant à mort Leca, je me dis qu'il est complètement irresponsable. Je préfère de loin les déclarations du président Niçois, qui avait l'air bien plus marqué par les événements.

Je pense que les sanctions doivent et vont tomber. Les instances vont montrer l'exemple pour Leca, le gardien remplaçant. Je pense aussi que l'Allianz Riviera va être lourdement sanctionné et c'est la moindre des choses. Moi je veux bien prendre la défense des supporters et des mecs qui vivent pour leur club et qui sont brimés, mais les voyous qui envahissent le terrain pour aller frapper des joueurs n'ont de place que dans un seul endroit : la taule."

Hè u primu miràculu di Jean-Louis Leca : Pierre Ménès trasfurmatu in difensore di u populu corsu in lotta contr'à u razzisimu anti corsu.
Cumu Leca hè diventatu l'ìdule di a Corsica sana

Nant'à Canal+, Leca calmu, tranquillu, siguru d'ellu, senza odiu è senza viulenza, risponde...

U lindumane, hè sempre u listessu puntu di vista. Un pruvucatore hà pruvucatu, ci vole à puniscelu. I Nizzardi ùn anu fattu nunda di veramente troppu grave.

À un giurnalistu di Le Parisien chì face rimarcà chì i Nizzardi sò stati "pruvucati", u superfliccu anti-hooligans Antoine Boutonnet, (Division Nationale de Lutte contre le Hooliganisme) risponde chì Leca hè statu "irresponsable, inadmissible et dangereux".

Nant'à parechji media, si parla dinù "d'acte prémédité".

À quandu accuse di "incitation à la haine raciale, apologie du terrorisme" è "exhibition d'éléments de propagande raciste" ?

Avà nant'à BFM è Itélé, ùn si sente più ch'è a versione di Didier Digard, ardente difensore di a pace in u mondu chì hè ripigliatu.

U giurnalistu di Libération Grégory Schneider prova di dà un'altra versione : "les Corses, une fois de plus montrés du doigt". Invitatu in parechje emissioni, tenerà à dì ciò ch'ellu hà vistu : Leca ùn hà micca andatu à pruvucà a tribuna pupulare nizzarda, a securità ùn hà micca fattu ciò ch'ellu ci vulia pè ritene i sustenidori chì falavanu nant'à u terrenu, anu ancu messu i colpi.

Scriverà dinù stu tweet :

"Quand les Allemands ont sorti leur drapeau sur le terrain après le 7-1 de Brasilia, on les a aussi qualifié de "provocateurs"? Pas sérieux."

Altru articulu interessante (infine...) nant'à Rue 89, Clément Guillou mette in lume u rollu pessimu di i puteri publichi quand'ellu si tratta di futbol.


Finalmente, hè l'emissione di a dumenica sera, u Canal Football Club chì chjode i dibattiti. Nò, Leca ùn và micca à pruvucà l'ultras. Iè, l'azzuffu nasce di Digard. Iè, u primu à mette i colpi (à Modesto) hè un tippacciu di a securità nizzarda. E fiure sò chjare.

Per ciò chì hè di Leca, hè ancu di più chjaru. A video mostra un scontru trà u purtiere corsu è Bosetti. Calmu, serenu, siguru d'ellu, u bastiacciu dumanda di manera serena à l'attaccante nizzardu "tu voulais me voir ? Tu faisais le caïd là-bas, si tu veux on sort hein ?"

Bosetti ùn sà più induve mettesi, è à dilla franca face pietà : "non je voulais pas te voir..." Quandu Leca serà luntanu, u nizzardu lampa un curagiosu "tu es le remplaçant du remplaçant !" Pianu nant'à a chigna di Bosetti chì pare tuttu un zitellettu spaventatu chì vene di fassi mughjà.

Leca ùn s'hè micca scusatu per u gestu, è si vede bè spiegalla à u capitanu di Nizza, sempre calmu, tranquillu : "C'est pas contre vous. Mais on est pas des pestiférés. Tu l'as vu cette semaine ? C'était par rapport au préfet (...) Je te chambre pas, je suis pas comme ça."

Pierre Ménès hè scatinatu. Mughja contr'à u razzisimu anti corsu. Iè, Pierre Ménès :

"L'arrêté du préfet de Nice c'est du racisme. On inverse le truc : si ça ça se passe à Bastia, Furiani est suspendu deux ans". Guasi guasi chjama u forum di RCFM è piglia a so carta à a Manca Naziunale.

Dugarry dice a soia : "on est quand même pas en Corée du Nord ! On a le droit de mettre un t-shirt avec la tête de maure !"

L'ultime parolle di Leca : "Je tiens à le dire haut et fort : je n'ai pas à m'excuser de ce que j'ai fait. Je n'ai rien fait de mal. J'ai juste levé le drapeau que j'aime par dessus tout. Un drapeau c'est fait pour flotter, ça flotte sur tout les stades du monde et je vois pas pourquoi on va nous interdire à nous les Corses de faire flotter notre drapeau !"

Dice ancu chì noi altri Corsi avemu i listessi diritti ch'è Usain Bolt quand'ellu vince è ch'ellu face sventulà a bandera di a Giamaica.

U lindumane, hè Frédéric Hantz chì piglia a difesa di Leca in un'altra emissione di Canal (da stà à sente nant'à Spiritu Turchinu) : "imaginons que Toulouse aille gagner à l’extérieur, qu’un joueur sorte un drapeau occitan et que la pelouse soit envahie. Est-ce que ça aurait cet effet là ? C’est lié au drapeau corse".

Fine di i dibattiti. Avà aspettemu di vede sì a LFP dà una sanzione à Jean-Louis Leca.

In tantu, Leca hè diventatu l'ìdule d'un populu sanu.

u 23 d'Utrovi 2014



1.mandatu da mmi un copu à beie u 23/10/2014 07:43
L 'attitudine di i nizzardi hè ancu più incapiscitoghja, chì, a so storia lascerebbe pensà chi ci puterebbenu capì : francesi chè dapoi u 1860 , barrattati cume ropa, a so identità nigata et i voti truccati ( è Iè, ùn hè micca ch 'in Corsica) ! U lavagiu di cerbellu francese hà lavatu " più biancu chè biancu " !!!

2.mandatu da ficca nasu u 23/10/2014 08:30
Ghjè vera, per impedisce quelli chì ghjeranu contru à l 'annezzione di vutà, duvianu spiecà perchè. Pochi eranu i nizzardi à sapè parlà francese, à l 'epica ! dunque ùn hanu micca vutatu è cusì s 'hè pussutu dì chì 97% eranu d 'accordu per esse barrattati contr 'à a prutezzione di Napuleone lll à l 'Italia

3.mandatu da A Ciaccera u 23/10/2014 10:20
Ma ci capiscenu ! Ghjè perchè sò cusì... ghjelosi !

4.mandatu da sardu u 23/10/2014 15:42
ma ghjelosi di chè,( lascendu u foot)i nizzardi anu avutu a vostra STESSA SORTE!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
u 97 pè centu avià decisu di restà taliani,ma i francesi anu TRUCATU i voti,anu nigatu a so tradizione a so lingua e mu sò TUTTI FRANCESI cume voi. Pensateci ogni tantu ai nizzardi(E UN INTENDU MICCA U FOOT E ALTRE RIVALITA IN GENERE),e comunque bravu a leca!

5.mandatu da carglass u 23/10/2014 20:12
à i sustenidori di u SCB, ci vole à riceve a ghjente in lingua corsa, fate i fasci in lingua nustrale, tandu ùn puderanu più dì nunda o allora serà u cuntrariu ricunosceranu a nostra lingua...pensate ci

6.mandatu da acquaviva u 24/10/2014 11:40
SEMPRE I STESI ARRABIATI CHE VENNENI A LAGNASSI DI U FATTU CHI I CORSI SO TRATATI CUME CULUNIZZATI EPPURE VI L'HANNU DETTU CHE NE A REPU FRANCESE DUVIATE PERDE OGNI RIFERIMENTU A A VOSTRA LINGUA CULTURA APPARTENENZA E LIAMU CU ALTRI PAESI( PER NOI L'ITALIA ).UN AVITE CAPITU? UN HANNU ABBASTANZA FATTU TUMBA PER L'IMPERIALISMU FRANCESE IN14/18 UN VI L'HANNU FATTU RINEGA A NOSTRA ITALIANITA TRA E DUIE GUERRE A ROMBU DI PRUPAGANDE E ISTERIA NAZIUNALISTA FRANCESE.EPPOI A FRANCIA UN ERA RICCA E CULUNIALISTA E L'ITALIA POVERA E PRULETARIA?L'OMU FRANCESUS DUVIA ESSE CUME L'OMU SOVIETICUS SENZA PASSATU SENZA RADICHE (STESSA RAZZA STESSA FEDE). UN L'AVITE CAPITU NE E SO SCOLE O SITE DICERBELLATI?A CORSICA FRANCESE UNA STORIA DI SANGUE E DI SOLDI I SOLDI PER CUMPRA U SANGUE U SANGUE PER AVE I SOLDI.A DESALIENAZIONE PRINCIPIA QUANDU UN S'ASPETTU PIU NULLA DI U CULUNIZZATORE PERCHE UN C'E NULLA A ASPETTANE E CH'ELLU SI PRINCIPIA A TRAVAGLIA PER DIVENTA AUTONOMI NE I FATTI MICA IN PAROLE.U RESTU E INGANU E SCRUCUNERIA(VEDE L'ANDAMENTU DI A LINGUA CORSA E U SO FIASCU TOTALE)U CANE CORSU ABBAGHJA E A CARAVANE FRANCESE AVANZA!!!!!

7.mandatu da sardu u 24/10/2014 12:10
e no acquaviva perchè simu lucchesi,fascisti,mafiosi!!!ma chi liami e liami,vivi in sogni.
e comunque avete persu i vostri "cugini"(cosa chi un simu)lucchesi da tempu,ancu grazie a vostra antipatia e orgogliu. Ancu si un a vulete mai avuta,acquaviva rassegnati, parole,parole e sultantu parole. E UN METTE PIU IN BALLU L' ITALIA PE COSE IRREDENTE!!!! tantu i lucchesi vi cunsideranu francesi.

8.mandatu da u turcu u 24/10/2014 16:38
nizza he francesa come eiu so tartaru (Garibaldi 1860) ma oghje i nizzardi so francesi a pupulazione di nizzardi un he piu che di 5% di l'abitanti.95 % ghjiungjinu da a francia sana (culunizzazione di pupulamentu)

9.mandatu da acquaviva u 24/10/2014 16:59
o sardu si veramente simpaticu ma i to "argumenti"un c'entrenu per nulla in cio che spiegu scusami!! parlu di u mudellu culuniale francese e di cio che c'e accadutu ne a pignata francese e per a centesima volta pure se un so mica talianu giuridicamente so talianu etnicamente e culturalmente cio chi e quantunque u piu impurtante:lasciu l'identita basata nanta i documenti a i francesi.UNA VOLTA PER TUTTA L'AVITE CAPITA A DIFFERENZA O SITE TALMENTE SMORFIATI DA L'IDEULUGIA CULUNIALE CHE UN SAPITE PIU RIFLETTE DA PER VOI?TANTE SALUTE O FRATELLU SARDU

10.mandatu da acquaviva u 24/10/2014 16:59
o sardu si veramente simpaticu ma i to "argumenti"un c'entrenu per nulla in cio che spiegu scusami!! parlu di u mudellu culuniale francese e di cio che c'e accadutu ne a pignata francese e per a centesima volta pure se un so mica talianu giuridicamente so talianu etnicamente e culturalmente cio chi e quantunque u piu impurtante:lasciu l'identita basata nanta i documenti a i francesi.UNA VOLTA PER TUTTA L'AVITE CAPITA A DIFFERENZA O SITE TALMENTE SMORFIATI DA L'IDEULUGIA CULUNIALE CHE UN SAPITE PIU RIFLETTE DA PER VOI?TANTE SALUTE O FRATELLU SARDU

11.mandatu da sardu u 24/10/2014 21:37
mi sò ROTTU e palle chi ogni volta si deve insultà l' italia,un pè altru,va bè i quei stupidi taliani chi entranu a dì chi a "corsica hè taliana"ma ogni volta mettunu in ballu TUTTA l' italia e un sulamente quelli stupidi chi entranu sfacciatamente, ORA BASTA!!!! pè una cosa chi fà u talianu ci passanu tutti!!!! i lucchesi sò l' abitanti di lucca e un tutt'italia !quindi caru acquaviva un mette in nome "italia" perchè vuenu solu insulti! culturamente ti potrai sentì talianu...ma pè i taliani si un francese. e un vi permettete di dìchi noi SEMU(un propriu tu) cume i francesi perchè ci stanu su e balle propriu ancu pè nizza,pè voi e savoia chi avia unitu l' italia cù a sardegna cù u nizzardu,GARIBALDI(chi si hè ancu battutu pè a corsica,iè un nizzardu) ...almenu un insultateci a gratis. un celù micca cù tè caru acquaviva,semplicemente sai cume va a finì,ci ai puru litigatu e pè cosa!?? pè a lucchesia

12.mandatu da sardu u 24/10/2014 21:38
esattu u turcu...

13.mandatu da acquaviva u 24/10/2014 22:09
ma che cazzu di cummentu e u toiu si briacu o che?FIDEGHJA A CORSICA E IN AUROPA IN AUROPA SIMU LIBERI DI PARLA E DI PENSA CIO CHE NO VULEMU I CORSI UN PENSENU MICA TUTTI A STESSA COSA PERCHE UN SIMU MICA UNA MANSA DI PECURE..SE UN LA CAPISCI ALLORA SI DI STERPA CUMMINISTA: QUESTI SO CUME A FRANCIA UNA VE3RGOGNA......INFINITA.

14.mandatu da sardu u 24/10/2014 23:20
acquaviva ma chi cazzu dici tu????!communista eiu talianu,mi avrebberu ghja fucilatu.certu chi pensi ciò chi vuoi,ma hè evidente chi in stu situ pansanu chi simu lucchesi! ti aghju solu dettu chi sai ghja cume va a finisce!!!! lascia sta a l'italia va e pensa a l' indipendenza di a corsica.e chi sarebbe cume a francia?

15.mandatu da sardu u 24/10/2014 23:20
acquaviva ma chi cazzu dici tu????!communista eiu talianu,mi avrebberu ghja fucilatu.certu chi pensi ciò chi vuoi,ma hè evidente chi in stu situ pansanu chi simu lucchesi! ti aghju solu dettu chi sai ghja cume va a finisce!!!! lascia sta a l'italia va e pensa a l' indipendenza di a corsica.e chi sarebbe cume a francia?

16.mandatu da acquaviva u 25/10/2014 10:19
ME NE FREGO

17.mandatu da Ghjuvanluca u 25/10/2014 10:56
Si parla di a Corsica .....e vultamu a parlà di Francia e Italia.Quellu chi ferma è sempre l'istessu risultatu: Azizume,Rabbia,divisioni,parole pisanti. Custì femu ù Ghjiocu di quelli chi sò contru a à Corsica. O Acquaviva e Sardu ....strignetevi e mane.

18.mandatu da acquaviva u 25/10/2014 14:20
u chjamu fratellu dunque un c'e nisun prublemu tra di noi :solu una cuntruversa nulla di piu.IN CORSICA U PRUBLEMU MAIO E CHI CI VOLE SEMPRE DA ESSE D'ACCORDU CU QUELLI CHI SI PRETENDENU MAGGIURITARI!

19.mandatu da fiumurbacciu u 25/10/2014 14:42
GLORIA A TE O LECA ! ! ! ! ! ! E CURAGGIU A A NOSTRA SCUADRA

20.mandatu da sardu u 25/10/2014 18:55
hè sbagliatu litigà tra noi duie,c'è altru di peghju...finemula cusì

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta