Accueil
Envoyer à un ami
Version imprimable
Partager

Cumu a Corsica hè diventata l'isula di u mullizzu

Tallone, Prunelli, Vicu, Vighjaneddu... Ci hè vulsutu à aspettà chì a situazione sia bluccata per chì l'opinione s'interessi infine à a quistione di u trattamentu di e rumenzule in Corsica. Avà ci hè urgenza.




1. I ruminzulaghji "salvatichi"

In u 2011, A Piazzetta publicava un articulu intitulatu Visitate i ruminzulaghji di Corsica.

È dapoi ? Hè peghju.

Quantu sò e cummune di Corsica senza u so ruminzulaghju salvaticu, i so pneus in a natura, i so "gravats" lampati in bor di strada ?
Cumu a Corsica hè diventata l'isula di u mullizzu

Cumu a Corsica hè diventata l'isula di u mullizzu

2. 300.000 tone di mullizzu à buzeffu

A Corsica pruduce 300.000 tone di rumenzule à l'annu. Chì fà ? Ci vole à l'interrà ! Iè hè a sola suluzion ch'è no avemu trovu. Trippa per l'ambiu è per e generazione future. Hè quant'à spazzà a polvera è à mettela sott'à u tappettu.

Semu rispunsevuli, neh ? Et qui on est !


Sin'avà, ùn a sapia nimu. Ma oghje passemu appena à a risa.

Fidighjate u sughjettu di u JT di France 2 :


Trent'anni di scelte pessime, d'assenza d'ambizione, di nisuna visione à longu andà.

France 2 : La Corse submergée de déchets
Le Parisien : La Corse, l'île aux déchets
Cumu a Corsica hè diventata l'isula di u mullizzu

Cumu a Corsica hè diventata l'isula di u mullizzu

3. Cumu si dice "tri sélectif" in corsu ? Ùn si dice micca, ùn esiste micca

A media aurupeana di a "trascelta" di u mullizzu hè di 39%.
Ghjunghjemu à 80% in certe regione (Alsazia, Lumbardia...)
In Alemagna a media hè di 64%.
Falemu à 30% di media in Francia.

In Corsica ne semu... luntani : 10% d'appressu à Zeru Frazu, 20% d'appressu à u Syvadec Un fiascu !
Cumu a Corsica hè diventata l'isula di u mullizzu

Ritrattu : pagina FB code"Chì tanti déchetteries"

4. "Chì tanti déchetteries"

"I Corsi sò attaccati à l'ambiu è à a difesa di a natura".

Iè, s'è vo ne site sempre cunvinti, andate à vede a strasordinaria galleria di ritratti di a pagina Facebook "Chì tanti déchetteries".

I porci ùn sò micca sempre i turistacci è i pumataghji.

5. Un business

U trasportu, u trattamentu di mullizzu hè un'attività d'avvene. Parechji l'averanu capita : hè un mercatu di 30 milioni d'euri à l'annu.

Tè ? Hè u mumentu di turnà à vede u filmettu d'Antoine Albertini per France 3 Corse : "Poubelles business", banditisme et traitement des déchets"


Cumu a Corsica hè diventata l'isula di u mullizzu

6. Corsi Sempri Cunsummatori

Eccu ciò ch'ellu scrive Le Parisien :

"Manque d'infrastructures, multiplication des constructions et des déchets accompagnant les chantiers et consommation à outrance encouragée par la présence dans l'île du plus grand nombre de supermarchés de France par tête d'habitant n'aident pas à améliorer la situation."

Hè detta.


7. "Zeru frazu" ?

Allora chì suluzione di pettu à tuttu què ?

Forse ci vuleria à interessacci à ciò ch'ellu dice u cullettivu Zeru Frazu. Seguitate a pagina Facebook.

L'idea hè ch'ellu si pò fà calà a quantità di rumenzule mettendu in ballu suluzione semplice, chì e suluzione pruposte sin'avà sò veri scumpienti (incinérateur, TMB...).

Avà tocca à noi.
Cumu a Corsica hè diventata l'isula di u mullizzu

Cumu a Corsica hè diventata l'isula di u mullizzu

u 23 di Sittembre 2015



1.mandatu da estrimei u 23/09/2015 18:52
b["Cumu si dice "tri sélectif" in corsu ? Ùn si dice micca, ùn esiste micca"]
bùn hè micca vera !
'nù u miò paese , in l'altu Rustinu , 'nù e Valle Rustie , e in d'astri paesi si pràtica a spertera di u mulizzu ... ma ci'ole a aghjustà ch'ell'ùn hè ne gratune a u Sivadec , ne a a cullettivitai di Corsica chi ci anu muntatu a seca tuttu u longu di sti 5 anni .
....hè vera chi , a colpi di forni a mulizzu o di speretera mecano-biològica ("tri -mecano- biologique") quelli chi a sanu fà si ponu arrichisce a l'infuria ... ancu s'elli sò multiplicati l'impositi

2.mandatu da utroppustroppia u 24/09/2015 15:09
AFP :


"Avec une pression démographique importante et mal maîtrisée et l'arrivée chaque année de quelque 4.000 nouveaux venus dans l'île, à laquelle s'ajoute la déferlante estivale de plusieurs millions de touristes, la Corse, qui compte 310.000 habitants, est sous-équipée pour le traitement des déchets.

Ainsi, la faiblesse de son marché intéresse peu les grands groupes de traitement des déchets.

L'économie insulaire, qui est basée sur le BTP, gros pourvoyeur de déchets, et la consommation à outrance avec le plus grand nombre de supermarchés de France par habitant, encourage en outre la production exponentielle d'ordures."


si ancu i francesi dicenu ch'ellu ci he troppu francesi in corsica...

3.mandatu da sivadeccu u 25/09/2015 21:33
estrimei, cumu si dice tri in corsu...
sparte un mullizzu (o altre cose) un po avè u sensu di "tri" (e piu pocu "scumparte chi vole dì "répartir ", cum'ella si senta à a tv ..) . u piu vicinu serebbe ancu di dì "sceglie" postu ch'ellu s'impieca per esempiu per e castagne o per l'animali . so scelti per e so qualità o i so difetti e li si da dopu una destinazione precisa .

4.mandatu da françoua tattì u 25/09/2015 21:38
zerU , si dice in qualchi locu ????

5.mandatu da estrimei u 26/09/2015 09:35
a sivadeccu,
salute o amicu ,
scumperte anc'à mè , ùn mi gherba , hè per ciò ch'adopru a parulla sperte ;
avia pensatu a sceglie, ma mi pare chi sta parulla voglia dì :piglià u bellu e lascià u goffu (cume pè e castagne ).
hè capita chi a parulla ch'adopru ùn hè micca a più bella ;
feraghju una dumanda a Dite A Vostra , forse ci serà una pruposta aggalabbata ?
ti ringraziu di a to dumanda

à françoua tattì
iè, zeru si dice .l'aghju sempre intes'aduprà .

6.mandatu da estrimei u 26/09/2015 09:42
s'ell'accunsente à l'amministratore di A Piazzetta (ùn m'ammusceraghju micca s'ellu a mi ricusa ) , vuleria prupone u foru ch'ammaestru:

http://estricuntrasti.xooit.fr/index.php


e pagina specìfica a u mulizzu:

http://estricuntrasti.xooit.fr/t427-a-sap-pi-ne-s-pi-n-adopra.htm#p3247

7.mandatu da françoua tattì u 26/09/2015 22:06
umbe zero cu U à a fine un l'aghju mai intesu !!
ma piu si campa piu si ne scopre ..

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta