Accueil
Envoyer à un ami
Version imprimable
Partager

Cumu a French Connection hà impuzzicatu l'America

Si parla di "French Connection" ma si puderia parlà di "Corsican Connection". Un ducumentariu passatu nant'à France 3 conta sta storia. Da vede !



Cumu a French Connection hà impuzzicatu l'America
Serà a surtita di u filmu La French chì hà rilanciatu l'interessu pè a French Connection ?

Un ducumentariu interessante intitulatu "French Connection : Quand Marseille empoisonnait l'Amérique" hè passatu nant'à France 3 è vi conta l'orìgine è a storia di st'organizazione criminale.

Per quessa ci vole à andà in Marseglia, in l'anni 60. Tandu, l'eroina face un sterminiu à i Stati Uniti. Ancu di più ch'è a guerra di u Viet Nam. L'Americani si n'avedenu chì a rubbaccia parte da Marseglia. Nixon, presidente novu elettu in u 1969, prumette d'agisce ma a lotta contr'à a droga ùn hè una priurità pè u guvernu di Pompidou.

Semu vicini di l'incidente diplomaticu quandu u ministru di l'internu francese, Raymond Marcellin dice : "C’est votre problème, pas le nôtre, puisque ce sont les Américains qui consomment !"

Sott'à a pressione, i Francesi finisceranu per metteci i mezi è circà di fà piantà a pruduzzione è u trafficu di droga. Hè ciò ch'ellu conta stu filmu passiunante di David Korn-Brzoza.

I testimoni di l'epica sò interrugati. Pulizzeri, ma dinù trafficanti. Unu dice : "Ne pensons pas aux gens qui meurent, pensons aux sous que ça rapporte. Vous avez toute la philosophie du Milieu dans cette phrase".

Eroi è banditi d'onore ? Un altru dice : "On n’a pas empesté la France, on a empesté les Américains. Moi, j’en avais rien à foutre des Américains".

Tandu a Corsica ùn hè micca tocca da a droga, ùn hè ancu un mercatu. Ma si ritrovanu parechji Corsi in stu trafficu è si puderia parlà di "Corsican Connection".

U filmu mette dinù in risaltu a difficultà di luttà contr'à stu trafficu. Per ùn micca parlà d'impussibilità. U filmu finisce cun ste parolle d'un anzianu di a French : "il y a trop de pognon à gagner".

Cinquant'anni dopu, a Corsica hè diventata un mercatu di cunsumazione tamantu pè i trafficanti di droga. Avà, hè quì ch'ella face un sterminu. "Moi, j'en ai rien à foutre qu'on empoisonne les Corses", deve pensà qualchissia in qualchì locu...

French Connection : Quand Marseille empoisonnait l'Amérique di David Korn-Brzoza, 1 ora è 40. da vede :


u 14 di Dicembre 2014



1.mandatu da eliot ness u 14/12/2014 10:11
no comment.....

2.mandatu da circinelludiguagnenativupeliguagnesusosanguaversatu u 16/12/2014 11:53
... ma ind'u filmu tragicòmicu "la French", cù un Dujardin assente è un Lellouche ridiculu, corsi gangster ci n'hè manc'unu ! invece so i "condè corsi", inculati, latri è vigliacchi chi facenu fiascà tutte l'inchieste...

3.mandatu da eliot ness u 16/12/2014 21:06
troppu forti i francesi per u sinemà o circinè...

4.mandatu da Zeruffu u 13/01/2015 22:00
Aghju nutatu ch'ellu hè mintuvatu un certu "Marcel FRANCISCI"...
U so nipote hè oghje rispunsevule di l'UMP.
Ciò chi u riportu ùn dice hè chi secondu à i ghjurnali americani Francisci t'avia un rollu ind'è u SAC, è ch'ellu finanziava u RPF. Eccu perchè Pompidou hà nigatu l'affare à l'iniziu.

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta