Accueil
Envoyer à un ami
Version imprimable
Partager

Cumu avemu da fà u ghjornu induve Bastia vince a Champion's League ?

Ùn ci vulia micca à esse malatu di core sàbbatu scorsu in Furiani. Una rete chì più nimu aspettava hà datu u titulu di campione à Bastia à l'ultimu minutu. Dimula franca, paria chì u Sporting avessi vintu a Champion's League. È ùn semu ch'è in terza divisione...



Di memoria d'accaniti, facia parechji anni ch'ellu ùn s'era più vista un'ambianza cusì in Furiani. Dopu à anni è anni di guai, d'appuntamenti mancati, di penseri è d'angosce, u Sporting hà infine vintu una partita impurtante, ciò ch'ellu ùn face mai.

Cunniscite tutti a facultà di u SCB à trafalassi in e partite impurtante. Forse a colpa à l'assenza d'una cultura di a vittoria chì semu troppu abituati à i strazii.

Hè stata cusì contr'à Créteil, quandu à qualchì segonda di a fine u risultatu era di 1 à 1. Una volta di più, i turchini ùn c'eranu micca... Ma era scritta chì quist'annu, era l'annata di u Sporting, trasfurmatu in mascina à vince dopu à esse statu vicinu di a morte l'estate passata.

Idrissa Sylla hè dunque entratu in a storia turchina, marcandu una rete à u 92esimu minutu, in un'ambianza infernale è cumplettamente surrealista pè una partita di terza divisiò.

Ci vulia un'ora pè andà da Furiani à Bastia tantu a festa era tremenda. Ci vole à crede chì stu club ùn hè veramente micca cum'è l'altri... Vi rendite contu sì un ghjornu ci tocca à vince a Champion's League !

A gattiva sorte hè stata cunghjurata... È s'ella era a fine di i macciacci è u principiu d'un'alba nova ? Francamente, u populu corsu a si merita, nò ?

D'altre videò nant'à u situ officiale

u 12 di Maghju 2011
U Webmaestru



1.mandatu da Turchinità eterna u 12/05/2011 11:18 (da un teleffuninu)
Ste fiure gioia un si ponu vede che in bastia. Un si videranu mai in Aiacciu, disgraziatamente...

A differenza trà l'ACA e u sporting si chjama a passione

2.mandatu da ANTO u 12/05/2011 13:46
u ballò hè cume BHL mi rompe i stivali ,ma ognunu face cio chi li pare !

3.mandatu da Michè u fliccu u 12/05/2011 14:16
ùn site mai tratechji di stu sport di diccilimbrati ?

4.mandatu da Grossu panzutu u 12/05/2011 17:18
Ballo ? Sport? Aio o zitelli u sporting ghje astr'affarri! Ghje u porta bandera di a corsica ind'u mondu sanu! Ghje una manera pé una ghjuventu in perdita di cultura d'aduniscesi ind'a cursitudine. A u mio paré ha un rollu suciale chi va aldila di u simplice ballo: Qualle oghje po fà mughja millaie di corsi inseme? Qualle po fa sventullà tante bandere corse? Qualle po fà piglia cuscenza a a ghjuventu di a so persunalita e di a so difarenza? Qualle po permette a i corsi di u mondu sanu di ritruvassi? Qualle purta a corsica in cima di l'europa?
U sporting ghje a nazione ch'un avemu mai avutu!!!

5.mandatu da Michè u fliccu u 12/05/2011 17:31
s'ellu ci hè bisognu di u ballo per fà una nazione, allora trippa...

6.mandatu da donluicu u 12/05/2011 19:33
eiu credu che no simu assai scemi....:-)

7.mandatu da donluicu u 12/05/2011 19:36
ahahah...nant'u filmu s'hé vistu quellu chi a arrubatu u cosu per scrive i numeri di i ghjucadori!! c'era l'articulu oghje nant'a CM

8.mandatu da nuit bleue u 12/05/2011 18:59
Eccu a prova di i disguati irreversibilè ch'ell'ha fatu a francisata nant'i ciarbelli corsi, simu divintati cume i scèmi chi falanu in carrughju per l'OM o PSG, o zitelli, vi rendite contu di a vitoria ? u SCB cola in seconda divizione di u campiunatu di FRANCIA !!!!! ma c'hè da pienghje o da tumbà, eiu quandu vegu tutti si vitelli chi mughjanu in carrughju e chi imbrutanu a Bandera trascinendula per festighja una squadra di ballo, mi vene u scimughine.
Ghje quessu chi fà piglia cuscenza di a so persunalita ? induve a difarenza tra un vitellu chi mughja "forza Bastia" o "allez l'OM", senza parlà di i corsi chi mughjanu "allez l'OM", u ballo hè divintatu "l'opium du peuple" e i nostri ne so tratecchji.
Mughjate, cantate, festidiate a vostra vittoria, ,l'altri piu astuti pensanu per voi u vostr'avvene.

9.mandatu da Insu u 12/05/2011 20:26
ghjustu un' affare, a ghjente in u mondu sanu cunoscenu a corsica 'cu duie affare :

Paoli e u Sporting. :)

postscriptomu: perche ghje megliu d'anda a mughja in Furiani o di pigliassi un rail... EVVIVA A NAZIONE TURCHINA


10.mandatu da Pumata u 12/05/2011 22:06
Ci vole a pienta l'estri!! Di chi a ghjuventu chi festighjeghja a vittoria di u sporting ghje un scunpientu ghje n'importa che! U sporting e sempre statu un locu di scuperta di l'anima corsa e di u populu!

Chi ci vuleria a fà? Anda a mette i pachetti in armand cesari pe imparà a i giovanni d'esse vitelli? Allora ùn si campa piu si face sempre a guerra a tuttu!!! Trovu piuttostu be chi a ghjuventu si mubilizessi daretu a stu club chi a sempre purtatu i nostri vallori!! Quelli chi pensanu u cuntrariu un annu che da truva un astru affari meiu pe a ghjuventu corsa pe u ballo o pienta di vene u male dapertutu!

11.mandatu da tombula per bastia u 12/05/2011 22:29
Perche u ballo, hé di cultura francese!!!!
Ci si é u bisognu di fa a feste é di canta cumé tutti i populi di a terra sana.
Bastia era mortu é oghje rinasce,bella victoria,é sta ghjuventu vole anc'ella fa a festa .
Bastia u sera mai u real ,barcelone quessa a sapimu tutti ,e mesi u so micca i listessi ,é per quessa chi sta victoria a u so pesu ,é sta serata fermera sempre in mente ,
Si tutti l'astuti un eranu micca in furiani a corsica é salva.

12.mandatu da José fallifalà u 13/05/2011 22:01
ringraziemu a piazzetta per u sò aiutu oghjincu a l ACA chi prova a culla in L1. hé sempre di piu impurtante di parla di u sporting ( e i dui corsi chi ghjocanu drentu) . Forse hé nurmale chi u skeubeu ghje a squadra di a Corsica...

13.mandatu da Jé2B u 15/05/2011 14:07
O José fallifalà, pourquoi devrait on parler de la "montée" de l'ACA ? N'est ce pas les Ajacciens qui, l'année passée, ont fêté la descente du Sporting en National et ont célébré le titre de l'OM le 5 MAI ?

14.mandatu da Babbu natà u 20/05/2011 09:26
à prupositu di u titulu :

si dice U GHJORNU CHI e micca u ghjornu induve

15.mandatu da José Fallifalà u 21/05/2011 00:37 (da un teleffuninu)
L aiaccini avarianu festighjatu a l OM? E a falata di Bastia ? ci saranu stati dui conni per fa què, ma un hè una rialità aiaccina. Quand ellu hè cullatu u sportinng in D1 , c era piu mondu in i carrughji d aiacciu ch in Bastia per fa a festa, perche c hé stu sintimu corsu. I bastiacci eranu cuntenti per a culata di l ACA? Innò
Alora un ci vole micca a di nimporta chi
D altronde a piazzetta continueghja u circu: i trent anni di a vittoria in a FAMOSA copa di francia ! O ghjente c hé da ride o da pienghje ?

16.mandatu da Pumata u 23/05/2011 12:35
C'hé u barsa e l'espagnol di barcelona, c'hé u sporting e l'ACA! Avete gruppi di supporter OM e ACA, di sicuru avete qualchi corsi sinceri ma a maio perte di u publicu hé impizutitu e pocu raprinsintativu di u populu corsu! In piu site ghjelosi e circate sempre a suchja soldi a dirita e a manca pe cumpensa un publicu ch'ùn averete mai! Nanzu di critica e feste turchine fate a prova d'esse un club corsu vincite vi una cuppa davant'a 25000 corsi in parigi tandu ne riparleremu!

17.mandatu da Corinfronte u 24/05/2011 23:31 (da un teleffuninu)
tutti sti parè poni essa difesi. hé vera chi l ACA puzzineghja gattiva munetta e chi t ani pocu sustenidori ( parchi a Vera squadra aiaccina hé u gazelec) , ma in Bastia dinò ci sò stati scruccunarii e i soldi sò passait inde i stacchi di certi "naziunalisti" par via di "cascii doppii". infini d una manera oghjittiva, pensu chi u situ , s eddu voli adduniscia i corsi , pudaria parla di tutti i club , chi dipoi a so creazioni hè fiori pà Bastia è diprezzu pà Aiacciu. A cita imperiali un hé raprisintata da Alain...

Novu cumentu :