Accueil
Envoyer à un ami
Version imprimable
Partager

Cumu fà fiascà a vostra merendella

Luni piacè, luni di Pasqua ? O luni di fiascu ? Eccu cumu organizà una merendella di looser.



Cumu fà fiascà a vostra merendella
1. Sceglie un lucacciu. Piuttostu ch'è di sceglie un bellu locu, bellu assuliatu è cù una bella vista, preferite un locu goffu, bruttu è dispiacèvule. Cunsiglii : Tighjime, u parking di u Super U, a centrale di u Vaziu. O un locu vicinu d'un ruminzulaghju o di a strada naziunale.

2. Piglià manghjusca per pumataghji. Nè migliacci, nè frittelle, nè roba bona. Solu knackis freschi, corned-beef, Justin Bridou è fasgioli lyophilisés.

3. L'intussicazione alimentaria. Cunsequenza di a vosta manghjuscaccia : finite à l'urgenze. Cusì puderete tastà a bona suppa di l'ospidale.

4. Sceglie bè i so cumpagni. Ùn chjamate micca i vostri amichi. Preferite fà cunniscenze di ghjente : un gruppu di motards, marinari CGT di a SNCM, amicale di i gendarmi di Corsica, gruppu "3ème âge", CRS chtis à a ritirata, riunione di i sosies di Johnny Hallyday, hardos alemani... V'anu da caccià a voglia di fà a merendella !

5. I beaufs à cantu à voi. Sceglite bè dinù i vostri vicini : "Hé Kévin, pass'moi l'pâté ! Rodidon tu l'as mis où l'perniflard ?" Bon curagiu.

6. U Tempurale. Hè finitu l'inguernu ? Pensate... Ùn vi scurdate ch'è no semu sempre à i pristaticci, sti ghjorni di tempacciu chì u mese d'aprile à .imprestatu à u mese di marzu

7. Merendella in "garde à vue". Avete betu troppu vinu è pigliatu a vittura ? Vi site lampatu nant'à u muscatu è vi pigliate pè Sébastien Loeb ? Chì ghigna ! Finiscerete u vostru luni di Pasqua ind'è l'omi in turchinu. O Corsu, ùn ti scurdà di l'alcootest.

8. Ind'è i nostri amichi i pippol. Sò tutti "des amis de la keurse", ma ùn sò micca i vostri amichi. Vulete quantunque andà à pregalli bona Pasqua. Bilanciu d'una visita in u giardinu di Christian Clavier : 500 euro d'amenda. Face caru u spuntinu.

9. Parlate pulitica. Bucchinisti contr'à giacubbisti, mous contr'à duri, simeunisti contr'à angelinisti, roccaserristi contr'à jeanbaggionisti, zuccarellisti contr'à tutti l'altri... ùn mancanu micca i mutivi di baruffe s'è vo discurrite appena d'elezzioni !

Scrittu u 4/4/2010
Mudificatu 9/4/2012

u 9 d'Aprile 2012
u webmaestru



1.mandatu da u picchju u 05/04/2010 09:55
vi site scurdati : Talamonisti contra Benedettisti : organizate u scontru indè a vostra socera è scappate puru u più prestu pussibile !!

2.mandatu da Zeruffu u 05/04/2010 17:46
Bone feste di Pasqua a Christian Clavier !

3.mandatu da anto u 05/04/2010 17:55
O allora statevinè in casa cume mè chi si manghja mégliu cu i pedi sott'a taula !!

4.mandatu da PERTU SANTU u 05/04/2010 18:24
eiu mi n'anderaghiu per se macchié solu in cu a mio musetta piena di robba nustralé,é di vinu corsu,mà di u bonu...é doppu mi feraghiu nua bedda cacatà sottu a una scopa..

5.mandatu da So eiu u 06/04/2010 07:23
Eccu hè detta

6.mandatu da Balagnuccia u 06/04/2010 19:32
A merendella di Pasqua s'assumiglia più a u campu di fiera che una festa di famiglia,100 persone accatastate in unu campu! Fra i zitelli chi si piglianu per ghjucatore di futbolu, e dispute fra quelli chi sanu tuttu è quelli chi volenu imparà a l'altri, quelli chi ridenu a gola rivolta; u fume di u barbecue chi vene cu u ventu in piena faccia, a musica a tutta pompa di quelli chi si pianu per DJ, quelli chi runfianu a rompe arechje...
Malgratu questu, a merendella di Pasqua hè una tradizione ancestrale à u quale ci pieghemu tutti !

7.mandatu da dimatinata u 08/04/2010 07:31
Bucchinistes o bouquinistes ...aouh ...

8.mandatu da Filemone u 09/04/2010 00:46
Pensu chì, per 51 ladri parvinuti, ci hà da esse una merendella di lussu (putana miseria, chi tanti "Carré-Joker" nantu à la "Jolly Card" !) durante 4 anni... Ci si puderà ancu sente "A la salute di stu populu di nerpie !", "Tombula ! Carton plein ! 4 anni di merendella !", " Il est des nôôôôtres, maintenant il est élu comme les auuuuuuutres !", "Sò andati da vutà, per noi purcellacci techji !",..

9.mandatu da Dr House u 09/04/2012 16:36
Eiu aghju fattu a merendella in u mo salottu, un aghju piu soldi per pagà l'essenza

10.mandatu da Mare nostrum u 09/04/2012 17:05
Eiu indé mé ... Cù " un œuf au chocolat "è una cugina crocca!!
Viva pasqua ! "-"

11.mandatu da Scortu u 09/04/2012 20:31
A mè i tre assassinati m'hannu tagliatu l'appitittu

Novu cumentu :