Accueil
Envoyer à un ami
Version imprimable
Partager

Cumu fà per diventà sex-symbol corsu ?

Eccu un redattore novu nant'à A Piazzetta chì vi prupone sta cronaca. Salutemu cusì U Grillu !



L’altr’eri in Aiacciu un stranu evenimentu mi cuntrariò qualchì ghjornu. Passendu per Mezavia da luntanu si vidia una spezia di manifestazione di donne.

Avvicinendu da stu locu si pudianu vede zitelle una più bella ch'è l’altra. E donne scaccanavanu, tagliavanu è cusgianu… in fine e vere Aiaccine. Noi altri in caffè ci dumandavamu cosa era stu harem è à quale averanu aspettatu cusì belle pumpunate. Forse à Justin Bieber ? à Leonardo di Caprio ? Chì star serà ? Seremu più belli noi ? O forse ci aspettanu ?

In più bella una vittura nera affaccò. E donne d’un colpu diventonu mute è immobile cum’è u cane chì ferma appressu à e pernice. Dui omi surtinu di u vitturone, nè biondi cum’è Justin, nè bruni cum’è Georges Clooney, ma solu incù una “calvitie naissante“ à mezu à unepochi di capillacci neri è corti… Nunda chì s’assumigliava à una persunalità di u show-biz.

I dui tippi incustumati, eranu assaltati à colpi di selfìe è d’autograffi. Certe avianu ancu dirittu à un abbracciu amicale. Ma quale seranu ? Ognunu in caffè si dumandava perchè tuttu stu harem per quessi.

In fine i dui “playboy” si vultonu ver’di noi per piglià a fottò incù a banda di pultrette, surrisu sin’à l’orechje.

À a vista di e facce di e duie star, in caffè, tuttu u mondu firmò zittu è mutu. Tuttu què per quessi ? Ùn ci hè più un palmu di nettu… Dui tippi nant’à u trapassà à mezu à ste studiente appassiunate… Chì vitaccia.

Ma quale seranu stati ? S'è vo cunniscite i nomi di sti dui omi (micca i vechji ghjelosi à diritta) fatecila sapè per chì noi ghjovani li dumandessimu cumu fà per divintà un sex symbol è per avè a “glassa” cum'è elli.


u 28 d'Aprile 2016
U Grillu



1.mandatu da aio u 29/04/2016 09:00
sò troppu forti...ma ne manca unu..deve esse verde sta mane : le beau gosse de la droite chì li tocca à amparà u "braille" è à assicurà si si i "sonotone" di i so cumpagni sò arigulati bè!!! u chjameremu "u winner"

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta