Accueil
Envoyer à un ami
Version imprimable
Partager

Cumu fà scappà i turisti ? Fate vene u 'mostru di Montauk' !

Ùn semu ch'è à a metà di l'estate è n'avete digià una techja di l'invasione di i turisti ? Site fiancu di tutte ste lumache nant'à e nostre strade ? Vi site digià annerbatu contr'à i vostri vicini à u mare ? Ne pudite più di sente tutta a ghjurnata "puton c'est cher la Keurse" ?

À A Piazzetta avemu trovu a suluzione per falli scappà : femu un allevu di mostri di Montauk !

Hè u situ 20 minutes chì hà publicatu l'infurmazione. Un stranu è assai goffu mostru hè statu ritruvatu mortu in Montauk, America...



U mostru, o lonzu, di Montauk.
U mostru, o lonzu, di Montauk.
Una volta di più hè d'America ch'ella vene a suluzione.

Hè in Montauk chì a strana scuperta hè stata fatta. Una donna chì si spassighjava nant'à u mare hè cascata nant'à una spezia di cane cù un bizzicu d'acellu...

L'infurmazione ripresa da 20 minutes face assai parlà in America... Basta à pichjà "monster montauk" nant'à Google per avene l'esempiu.

Per avà trè suluzione parenu esse ritenute pè spiegà st'orrore :
  • un fake, vale à dì una falsa fottò, trafficata cù Photoshop
  • una cuppulata senza a so chjoppula
  • un cane cù u so mustacciu in decumpusizione

Ma per avà, nisuna cunvince veramente.

Ma noi à A Piazzetta, avemu un'antra pista : in l'anni 70 in Montauk c'era una basa di l'armata americana chì facia sperienze di radiazioni piuttostu strane...

I scentifichi anu fattu sperienze pè ricullà innù u tempu ! Fidighjate stu situ, ùn inventemu nunda... U mostru di Montauk saria una creatura chì vene di u passatu ???

Bon, a sapemu, ci sò assai faticati nant'à internet chì scrivenu cunnerie è chì dicenu avè pigliatu l'aperitivu cù i marziani è cunnosce à quellu di Roswell, ma quantunque, si pò sunnià appena nò ?

In quant'à i nostri turisti, prupunemu di fà un allevu di u mostru di Montauk è di lampane unepochi da Playa Baggia à Cala Longa. Scumettite ch'ellu viaghjerà ?

u 6 d'Aostu 2008
U Sgaiuffu (sempre cusì azezu)



1.mandatu da Còsulu u 06/08/2008 11:50
Ùn hé micca u cadàveru di u naziunalismu nantu à Playa Baggia ?

2.mandatu da GWM u 06/08/2008 13:47
l'ACA face parte di quellu prughjettu Montauk

3.mandatu da sega u 06/08/2008 18:05
aio , basta incu e foto di g-c angelini.....

4.mandatu da Marcel Blanchard u 06/08/2008 19:20
Mais... Mais c'est Rex !!! Qu'ess' que vous lui avez fait bande de sales corsicos ?!!!

5.mandatu da sega u 07/08/2008 00:03
o zitelli !! andeti a leghje s'affare quì :

http://consottisier.blogs.liberation.fr/marie_dominique_arrighi/

6.mandatu da monta u 07/08/2008 11:49
... tamanta tuntia ...
"eh l'pouvoir d'achat i baisse eh, on va s'mett' à bouffer d'la méduse ah ah ah "

7.mandatu da pazzurgu u 10/08/2008 23:44
o sega face un mumentu che n'avemu fattu cose da beie è da manghja incu e meduses :

clicate qui


8.mandatu da carne corsa u 12/08/2008 03:07
si ne puderà fà salciccia di st'affare quì per vende à i turisti ?


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta