Accueil
Envoyer à un ami
Version imprimable
Partager

Cumu fà scappà i turisti

Troppu mondu à u mare ? Vulete avè a pace ? Faciule...



Cumu fà scappà i turisti
Algues vertes : Anu trovu una quarantina di cignali morti nant'à i mari di Saint-Brieuc. In Brittagna, l'alghe verde sò à a moda è facenu scappà à tutti.
+ suluzione radicale, 100% di successu
- pudete passacci ancu voi

E potte marine turchine : U francese a chjama physalie. St'animalottu sìmpaticu hà riesciutu à fà chjode a spiagia di Lacanau.
+ suluzione 100% naturale
- ùn vi puderete micca bagnà è ci serà sempre u mondu nant'à a rena

A cagnaccia : Un remake di "les dents de la mer" ùn hè micca impussibule in Corsica. A settimana scorsa, un pesciucane hà messu a panicca in Saint-Tropez
+ suluzione 100% naturale dinù
- ci vole à fà un sacrifiziu

Una bella marée noire : Amoco Cadiz, Exxon Valdez, Erika... Tutti sti nomi sò sinònimi di tranquillità à u mare.
+ suluzione à longu andà, serete tranquillu pè parechji anni è ferà ancu calà u prezzu di l'immubiliare
- puzza appena

Una splusione attòmica : Andate à u mare di Fukushima, viderete ch'è vo serete soli.
+ averete a spiagia sana per voi
- pensate à e pastiglie d'ioda è à a cumbinasone anti nuclearia

I mostri : V'arricurdate di u mostru di Montauk, trovu mortu à u mare ?
+ noi n'avemu pienu di mostri chì bronzanu in Corsica : Muriel Robin, Bernard Kouchner, Karl Zéro, Iggy Pop, Jérôme Rothen...
- ci vole à truvanne unu mortu à u mare è circà di mediattizà

u 24 d'Aostu 2011
U Webmaestru



1.mandatu da ANTO u 25/08/2011 15:37
Lascemuli corre simu a tempi!

2.mandatu da stuzzicabugnu u 27/08/2011 10:28
I mezi pruposti ùn so forza micca bè scelti mà saria una bona cosa se no avissimu un millionu di turisti di menu.Sunniemu!:più mullizzu,piaghji senza ghjente,strada cu menu vitturi,più pochi accidenti,alberghi è ristoranti ne più biotti ne più pieni che avà è più critichi annantu à l'accoltaA diciu prima; si po sunnià!!!!!!

3.mandatu da ANTO u 27/08/2011 14:13
una sola suluzione :carchi in culu .

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta