Accueil
Envoyer à un ami
Version imprimable
Partager

Cumu hè finanzatu u giurnale A Piazzetta ?

Un giurnale gràtisi tiratu à 10 000 esemplarii, scrittu in corsu è senza publicità... Dapoi u lanciamentu di u giurnale A Piazzetta site parechji à ponevi a dumanda di u finanzamentu. Allora piuttostu ch'è di lascià parlà e linguacce, vi spieghemu tuttu.



Cumu hè finanzatu u giurnale A Piazzetta ?
Ma cumu averanu fattu à lancià un giurnale gràtisi, in culore, à 10 000 esemplarii, distribuitu in Bastia, Aiacciu, Corti, Ghisunaccia, in Balagna è in Portivechju ?

Subbitu subbitu, si sò scatinate e linguacce : rackett, sbiancamentu, trafficu di canistrelli, piratagiu è rivendita di i dischetti di Patrizia Gattaceca...

Avemu ancu intesu ch'è no sariamu a branca intellettuale di ciò chì ferma di a Brise de Mer. Accidenti !

In fatti, l'affari sò più semplici :

Avemu participatu è vintu à u cuncorsu Ghjovani in mossa. I 10 000 euro permettenu di finanzà 5 numeri. Ma cuntemu perenizà u giurnale è cuntemu truvà publicità per cuntinuvà l'aventura...

I soldi di u premiu ci permettenu di pagà un studiante di l'IUT di Corsica chì face u so staziu cù noi. U so rollu serà di circà publicità per i numeri à vene è di distribuisce u giurnale.

Di siguru, for'di u studiante, nimu hè pagatu è semu tutti benevulenti. S'ellu si pudia campà fendu un giurnale in lingua corsa, ancu Philippe Bouvard scriveria in corsu in u Corse-Matin... Ma fà i soldi è campà di quessa ùn hè u nostru scopu.

Hè digià un successu postu chì parechji partenarii sò stati trovi. Allora ci seranu sempre l'azezi per lagnassi di a piazza di a publicità in u giurnale, ma forse ch'ellu vale u colpu di pruvà, nò ?

Sappiate dinù ch'è no avemu fattu a scelta di stampà u giurnale in Corsica (stamperia AZ in Furiani) ancu s'ellu ci rivenia menu caru di fallu à l'esteru.

Avà sapete tuttu. Ùn hè digià micca troppu male, nò ?

Marti 17 Farraghju 2009
u webmaestru



1.mandatu da L'alisgianincu u 2009-02-17 09:37
Ùn hè micca bè di rapisce e persone anziane dumandendu solli contru à a so libertà minaccendu di techjà le di frappe s'è vo' ùn ricevite micca i solli in furia !!!!
Và bè chì ci vole à difende a lingua corsa, ma rispentendu i diritti di l'omu ! Hè una vergogna !

2.mandatu da estrimei u 2009-02-17 10:23
he capita che vo site gran scrucconi ! a mè, m'avete avvizzatu a tal puntu, chi tutti i cinque minuti vengu nantu a piazzetta, forse un ' di sti ghjorni aghj'a riceve a nota.
e pò , tutti sti cumplimenti nant'a ogni pagina , so dubbitosi, c'he qualcosa ch'un và .
nu a so so a possu di, ma aghju riflettutu assai , e pensu ch'aghju trovu: vuleta ancu voi una casa in Cala purcina !

3.mandatu da mamacorsicamamicaquidadipatrick u 2009-02-17 11:51
un possu mica scrii troppu in lingua corsa che eiu un l addiu mica imparata a scuola ! ma per piacere dittemi indu si po aé (um aou ...°) a Piazzetta in Aiacciu ? In tutti casi bravo (aé si dicci ...)

4.mandatu da micckey tupinucciu u 2009-02-17 15:25
si dice dinu chi u redattore di a piazzetta
he quellu piscadore chi ha trovu u tesoru di roomel versu a giraglia
dipoi si ne ride di tutti : corsi sumeri cassarole e ancu di l americani
chi cercavanu u tesoru cu sumarini nucleare
chi tandu ellu l ha trovu lampendu chedite nustrale per pisca l aligoste cubane

5.mandatu da ucucu u 2009-02-17 17:50
U redattore di a piazzetta Ta-la-Mon(e)y

6.mandatu da Francesca u 2009-02-17 19:14
o mammacorsicaecc ti ne lasciu unu à u caffè Grandval sè tù voli.

7.mandatu da mamacorsicamamicaquidadipatrick u 2009-02-17 19:52
ié o Francesca, ti ringraziu e ti basgiu anche ! adia invia u me babbu...eiu soghu lontana, a tinta !

8.mandatu da estrimei u 2009-02-17 20:53
sta Francesca hè tremenda ! andà a fà a prumuzione per i manghjoni di a piazzetta...
ancu tu voli a to casa in Cala Purcina ?

9.mandatu da Francesca u 2009-02-18 00:50
Innò, l'aghju digià o Estrimei! lol

10.mandatu da campagnolu u 2009-02-18 05:54
Un hé solu l'affare di a publicità, ghjé sopra tuttu è secondu i publicitari, di sapè sé a piazzetta puderà cuntinuà à taglià flacchina ad ognunu.
Sgaiffu é Sbanditu , compri ch'elli saranu, ùn diventeranu micca Calateiu è Onestu ?
O amichi di a piazzetta, passate dà u virtuale à u reale economicu, attenti e strumbacate...
Mà avite tuttu u sustegnu di i campagnoli in lotta !

11.mandatu da Kugùrn u 2009-02-18 09:35
e strambacate ? tuttu u male sia qui...

12.mandatu da estrimei u 2009-02-18 10:22
a campagnolu , a a piazzetta ,
mi pare chi per i prudutti nustrali (fatti qui , a a manera di qui , 'ncu prudutti di qui , duverianu avè una marca speziale)

a Francesca,
allora chi voli? esse imbitata a u Fouquet's, avè un riliggiu Rolex ?
un he pussibile ch'ella sie per passione di a nostra lingua , quessa un pò esse ! aghj' a circà.

13.mandatu da Piratella u 2009-02-18 10:32
eppuru...ci sò sempre passiunati senza interessu di nunda : guarda i Certificati di lingua corsa! l'anu passatu per via di u so amore di a lingua

14.mandatu da mamacorsicamamicaquidadipatrick u 2009-02-18 19:58
o Francesca ti ringraziu u me babu è andatu a u GRANDVAL ,u m adda via continuate cusi !

15.mandatu da Francesca u 2009-02-19 00:01
o mamacorsica, ùn mi ne ferma più chè unu, l'altri mi sò stati arrubbati ma tantu megliu!!

16.mandatu da mamacorsicamamicaquidadipatrick u 2009-02-19 09:32
umbè quista si a Piazzetta piacce ! forsa in cuntinentu un mi l arrubarrani mica ! l addia piata ...TI basgiu o Francesca

17.mandatu da Antò u 2009-02-19 12:50
Sembra che u giurnale di a Piazzeta sta finanziatu pè u trafficu di una droga da canistrelli.
RISA

18.mandatu da micckey tupinucciu u 2009-02-19 13:25
postu ch e no simu a e disinfurmazione
si dice chi eri sera davant a un tianu di cecci s'hè créata u FLNPA
(fronte di liberazione naziunale di penta acquatella)
chi ricusanu a custruzione di u nuvellu amicu di patriziiiiia gatacecca
quellu vecchjone sdendicatu e spichjetinu di Halliday
chi vole custruisce una casa tremenda cu qualchi pulastri sott' u tettu
a quella di a so amica patriziiia in penta acquatella

19.mandatu da baccalà per corsica u 2009-02-19 15:08
putain elle est bonne!!

20.mandatu da machja u 2009-02-19 19:33
Per finanzà a Piazzetta, pruvate a vende e caciate di Mickey Maouse

21.mandatu da Heliofobu u 2009-02-19 22:16
Custi, o amichi modos, curragiu è forza, un site micca "surtiti di a cantina"...
Mouuuuuarf !

22.mandatu da Piratella u 2009-02-20 13:50

Sta mane l'auditori di RCFM ch'ùn leghjenu a Piazzetta ùn anu capitu un'acca!

23.mandatu da john rambo u 2009-02-21 00:12
eccu, avà avemu ancu trovu un tontu ("mickey tupinucciu") chi chjama u forum d'RCFM è chi si face passà per qualchissia di a piazzetta...

ci vole à falla ! ùn sò micca tutti in Sant'Ornellu !

ancu noi avemu u nostru mytho !

24.mandatu da fratellu ficatellu u 2009-02-21 01:13
Attent'u troll... Allora, eiu, logout.
Avedeci.

25.mandatu da Vinz della Conca u 2009-02-21 12:48
Forza A Piazzetta!
"ma forse ch'ellu vale u colpu di pruvà, nò ?", a maio parte di quelli chi partenu in cuntinente duvrebbe prima pruvà di custruisce qui, per u so paese e micca parte dicendu chi un si po fà nunda indè noi.
E se u librettu e scrittu da Talamoni, ci cambierà di Corse Matin.
http://casalta.ifrance.com

26.mandatu da Pe' u 2010-01-19 23:09
Bon curragiu ... ci campemu cun voi ...


Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter