Accueil
Envoyer à un ami
Version imprimable
Partager

Cumu si dice "fais pas l'malin toi" in corsu ?

Sarkozy ùn ne pò più. Hà craccatu torna una volta. Dopu à u famosu "casse-toi pauv'con" in 2008, eccu ch'ellu hà lampatu un "fais pas le malin toi !" chì marca piuttostu male...



Cumu si dice "fais pas l'malin toi" in corsu ?
A scena si passa in Chambéry induve u presidente di a Ripublica cumemureghja i 150 anni di l'unione di a Savoia à Francia. Ch'edea strampalata ! Hè appena cum'è s'è no festighjavamu à Ponte Novu...

Dunque, ci hè u mondu. À chì fischja à Sarkozy, à chì u sciaccamaneghja. U presidente stringhje e mane chì si presentanu à ellu... sin'à chì un giuvanottu chì vene di tuccalli a manu si mette à asciuvassila nant'à u so pull.

Ma Sarko s'avvede ch'ellu hè ghjucatu à a risa è lancia un : "Fais pas l'malin... fais pas l'malin toi !" cù un sguardu di quelli azezi fràcichi.

Dui anni dopu à u famosu " Casse toi pauv'con ", tuttu u mondu pensava chì Sarko avia ritenutu a lezziò è ch'ellu tenerebbi i so nerbi... Ci vole à crede chì per Nicolas dinù, u burn-out ùn hè micca luntanu !

Bon, hè menu vulgare ch'è a prima volta, ma quantunque. Face appena raccaglia, nò ?

È si Sarko era corsu, ch'averebbi dettu ? Eccu unepoche di pruposte :

- Ùn fà micca u malignu tù !
- Cosa faci u maccu tù, o mignòculu !
- Cosa voli tù ? Ti puzza a salute ?
- È keskya ?!? Keskya ?!? Mi cerchi tù ?!
- T'aghju da calmà ? Aghju da vene ?
- Ma cosa ci hè ? Ti sì vistu tù ?! Quant'à mè chì tù sì più bellu ch'è mè mi !
- Retiens-moi !!! Retiens-moi !!! Avà ti parte una capata mì !!!
- O coccò, guarda chì sò induv'è tù stai mì !
- Ma fideghja à stu mullizzu per quale si piglia ! S'o vengu !!!
- Fais gaffe ! Anu da parte i sciambuloni mì !
- L'ultimu chì m'hà fattu què, stava in faccia à u cimiteriu. Avà stà in faccia à ind'è ellu.
- Tù scià cecu ! Veni quì ch'è tù ai da capisce à qual'è tù parli !
- Vai chì tù aghju da mandatti una squadra di u Tàravu ai da finisce arrustitu è manghjatu da i porci.
- T'aghju da minà, o closcia !
- Veni quì tù ! Avà ti parte mì ! Ti parte !

Iè, a scena averia pussutu passassi nant'à u parking d'una buatta di notte minchjò à 4 ore di matina, incù rimore di bichjeri sciappati è puzza di Johnnie-Coca...

Avemu u presidente ch'è no meritemu !

A videò nant'à LePost.fr

u 23 d'Aprile 2010
u webmaestru



1.mandatu da estrimei u 23/04/2010 08:27
un aghju tanta simpatia per u presidente di i frencesi , ma u disprezzu fattu a laziu un mi garba manc'apenna.
s'ellu ghjunghje , qui , in paese , possu andà a manifestà contr'a ellu , possu fà dicchjarazioni arrabbiate contru a ellu , ma andà a inghjulià un omu quand'ellu un si po difende he vergugnosu .

2.mandatu da anto u 23/04/2010 10:58
Un hè manc'appena u mio amicu ma a pruvucazione è cativa per ognunu !Un ci vulia mica a tuccali a manu tandu !

3.mandatu da marboeuf u 23/04/2010 11:20
E allora ? Ancu incù u sò "casse toi pauv' con" avia a raggiò, u populu un merita che d'esse trattatu per ciò ch'ell'hè : una mansa di capre abrutite.

4.mandatu da farfalla u 23/04/2010 12:47
< Vai chì tù aghju da mandatti una squadra di u Tàravu ai da finisce arrustitu è manghjatu da i porci. >

:)

5.mandatu da Camellu Petru Stromboni u 23/04/2010 14:13
Incu spirtu bastiacciu si po di ancu: " O maie, tu puzza a salute".
Per ripiglia a marboeuf, ci vole a sape chi de gaulle a dettu " i francesi so boii". Ellu i cuniscia per aveli visti in 1940 ancu pétain e po gaullisti in 1958 e mitterantisti in 1981, giscardisti piu tardi etc, etc.
I populi annu i guvernanti ch'elli meritanu ( di JJ Rousseau mi pare ?). Ancu noi in Corsica avemu cio che meritemu.
E cusi sia. Aghju dettu.

6.mandatu da cqfd u 23/04/2010 14:19
de Gaulle hà dettu "i Francesi sò vitelli"

o estrimè, micca "hè vergugnosu" ma "hè vergugnosa". sempre u feminile in corsu in sti casi quì : "oh què po hè bella, ah què un la m'aspettava ecc.."

7.mandatu da mì à lui u 23/04/2010 14:31
mì à ellu, è vai o spezia di catinu

8.mandatu da Camellu Petru Stromboni u 23/04/2010 14:35
Ti ringrazziu o sapiento davemi apparaddu qualcosa ma eiu scrivu in "fonetica" e po aghju amparatu u corsu in lupinu (à lupino, versi bastia, au cas où tu n'aurais pas bien compris).

9.mandatu da DIRUSIU u 23/04/2010 15:40
CQFD "incù rimore di bichjeri sciappati è puzza di Johnnie-Coca"
eccu un bellu ristrettu di cio chi ci lascia cume sintimentu u statu di a francia d'oghje...
ps : nu e valle rustie si dice : KESYA micca KESKYA (mà què hè a pulinumia di a lingua no ?) ;-)

10.mandatu da sidussincu u 23/04/2010 17:09
"Stammi vicinu, ùn ti n'andà, ti mengu o caru..."

11.mandatu da estrimei u 23/04/2010 18:20
a cqfd ,
dubbiteghju ,(aghju sempre dettu cusi) ma ti prumettu di tennene contu

12.mandatu da estrimei u 23/04/2010 18:33
a cqfd,
aghju rilettutu e a to currezzione he ghjustissima .
... ma andà a inghjulià un omu quand'ellu un si po difende ,he (una cosa ) vergugnosa

curegge i mio sbagli , he fà avanzà a lingua.
a ringraziatti

13.mandatu da machja u 23/04/2010 19:03
Vergugnosu, hè un aghjettivu,e s'impiega cu un nome,per esempiu si po di: un attu vergugnosu o una manera vergugnosa, un po esse impiegatu solu, ci vuleria di "inghjulià un omu quand'ellu un si po difende hè una vergogna" , eiu u scriveria cusi.
Què, hè l'abreviazione di quessu o quessa, e po esse anch'ellu femminile o màschiu.

14.mandatu da estrimei u 23/04/2010 19:24
o machja ,
he vergugnosu(a)
si dece, ommancu 'nu u mio rughjone.

15.mandatu da micaatomama u 24/04/2010 08:24
o merduzo, ta diada eiu ...

16.mandatu da machja u 25/04/2010 10:01
o merduzo, ti aghju da dà, eiu......

17.mandatu da scrianzatu... u 25/04/2010 13:02
Fideghja o "scrachju di pesciu" ti mandu in "Stage" incu André Pacou.....

18.mandatu da Quill'altru u 25/04/2010 16:37
"Chè, fammi torna u malignu è t'appiccicu un tusciu l'ai da sente passà !"

19.mandatu da ariacquista u 26/04/2010 10:30
o machja ti ringraziu, ma eiu ,u corsu l aghju imperatu nu carughju (n addiu missu abastanza ghj°) scherzu ! mi fa piacere di esse "ripresa" .

20.mandatu da u tribunale administrativu u 26/04/2010 15:52
parlate francese he u tribunale chi l'a dettu un caspiscu micca tutte ssi macagnate

21.mandatu da Korsica Nostra... u 26/04/2010 22:25
Parlate francese, fate purtà a Burcà a e votre moglie e siate un bon musulmanu e po sarete un veru citadinu francese, mà un parlate corsu, ùn siate patriotti e tuttu anderà bè.....Chi scumpientu, u periculu in Francia ùn mi pare à me l'identità corse basche o catalane mà tuttu altre cose.......

22.mandatu da machja u 27/04/2010 10:46
Ma un vogliu esse citadinu francese!
Besson l'ha dettu, se vo site maritatu parechje volte, ellu vi caccia a citadinita francese, avale sapemu cio chi ci vole a fà......pigliate duie o tre moglie, per difende a Nazione e per...u piace dinu.

23.mandatu da ghjuvan'paulu u 01/05/2010 21:20
Piantala di scherzà o manghjamerda !

Novu cumentu :