Accueil
Envoyer à un ami
Version imprimable
Partager

Cumu si dice "jurassique" in corsu ?

A grande famiglia di i dinosauri si face sente (o piuttostu ughjuleghja) à ogni volta ch'ellu si tratta di lingua corsa, di cuufficialità, di statutu di residente, di cambiamentu istituziunale...



Cumu si dice "jurassique" in corsu ?
In Corsica, ci sò parechji clani. U "clanu giuràssicu" hè quellu chì hè contr'à tuttu, à ogni volte ch'ellu si tratta di priservà u pocu chì ci ferma di corsu.

A cuufficialità ? "Discriminatoire"
U statutu di residente ? "Dangereux"
Un cambiamentu istituziunale ? "Un danger pour les Corses".

Ùn si capisce micca troppu i so argumenti, ma tuttu hè "angoscia" o "periculi" per elli.

Hè a CGT chì a dice, è chì ùn face chè ripiglià l'argumentariu amparatu à mente di a "Gauche Républicaine".

Cumu si ferà chì sti dinosauroni anu tantu paura di u cambiamentu ? Circà di salvà u pocu d'originalità è di differenza chì ci ferma, in un mondu di più in più uniformizatu saria dunque "periculosu".

U Clanu Giuràssicu di i Travagliatori, artigiani mai stanchi d'un mondu induve a Corsica s'assumiglieria à n'importa qualessu lucacciu di Francia, senza più lingua, senza più populu, senza più nunda ùn hà micca finitu di briunà !

u 1mu d'Utrovi 2013



1.mandatu da babbò u 01/10/2013 14:25
Tutti si "clanisti" di dirita o di manca,i verdi, e altr'affare ghjunte di pariggi,so per u statu quo,per un cambia nuda per a Corsica ma sopratuttu per elli.
Chi faranu si vecchji coni senza a CGT,a CFDT o u PC,UMP, PS,un esisterianu piu,in 43 hanu ghjuratu "di campà e di more francese",ma per elli mica per noi,ch'elli crepânu puru e lascianu a piazza a i corsi chi volenu campà a l'usu corsu.

2.mandatu da O CORSU RIFLETTI u 01/10/2013 16:05
Ci hè ancu l'Association France Corse chì ùn pò pate u votu di l'Assemblea di Corsica, 46 eletti nant'à 51 favurevuli à un veru pudere d'adattazione di a lege datu à i Corsi. A strada di l'Autunumia i spaventa.

3.mandatu da ghjuva u 01/10/2013 16:35
nunda che di vede ste facce di marde sempre e listesse dapoi anni e anni....a sentli parla allora un he parlemu...ai rasgio u so nunda senza u so syndicat..allora mae chjundidella a vostra bocca chi side micca voi che avede da fa a Corsica!!!!

4.mandatu da ernestu u 01/10/2013 17:44
Ecculi, l'assassini di u populu corsu. Un ci hé piu nulla in stu paese : ne lingua, ne cultura, ne identità...

Tuttu hè mondializazione e uniformizazione... e elli cosa dicenu ?

Lingua : NO
Identità : NO
Populu corsu : NO

Melenchon hà dettu : "corses, accueillez du monde et melengez-vous"

Cumu l'hà detta Andria sta mane à RCFM : vutendu per quessi si vota per A MORTE DI U POPULU CORSU

Mandrichi, Battistini, site U CANCARU di a Corsica, quant´è i voyous e i patroni chi suchjanu u sangue di stu populu

Un valite nunda

5.mandatu da bipu-bipu u 01/10/2013 17:52
Hè u piu stumatacatu ghje inde elli ci so assai corsi !!! A "mangeaille" hè piu interessante che u restu ! Sta ghjente si n impipa di a Corsica, per elli ghje assai interessante cio che u baulo di melenchon dice . A vergogna di a corsica.

6.mandatu da hi han hi han u 01/10/2013 19:01
sempre critiche nante sa giente chi assicurra u sviluppu di a povera Corsica, l'aiuttu a à muternita di è noestre cumpagnie di transportu lascia senza vocè, tantu batelli che u trenu, tre orè per fa Bastia/Calvi......incu i sumeri si mettia dui giorni ,incu n'elli u prugressu e in marchia!!!!!!!!!!!!!!

7.mandatu da maru di u fornu u 01/10/2013 19:26
paghemu li una girandula in mare cù u Costa Croisières, chì n'anu bisognu ...è ancu noi!!!

8.mandatu da marcu di u fornu u 01/10/2013 19:28
attenti, sbagliu: marcu di u fornu

9.mandatu da livia u 02/10/2013 01:25
A rivuluzioni hè in marchjà !!! ma senza eddi ... ;-)

10.mandatu da tremendu u 02/10/2013 07:58
Quandu vegu a battistini incu u so porta voci, mi face pensa a un cane a l'abaghju,corci a noi si questi custi ci anu da divende e conta a quale?.
Ogni vorte ch'ellu ci e una piazza a strapa per i soi bella intesa, piglianu a parolla.
Sta ghjente so inde a pura logica cégétiste francese.
Si no femu un bilanciu, un anu arigatu che imbrogli tra a SNCM ,arrétés MIOT, U TRENU, a LINGUA CORSA, COFFICALITA , DECORSITATION, INSTITUTIONE, ect... e a vene STATUT DE RESIDENT U PADDUC e torna a vignale.
Vergogna a elli.

11.mandatu da bastiacciu stortu u 02/10/2013 13:03
So l'azzinarii di pole emploi , ma elli è so " piazzè un n'è perdenu maï ....!!

12.mandatu da bastiacciu stortu u 02/10/2013 13:05
azziunarii ..... scusatè...

13.mandatu da anto u 02/10/2013 16:11
I sindicati e perticularmente a CGT facenu e so ultime stinzate .Un riprisentanu piu nulla ,servenu simpliciamente di fa valè a u guvernu ,prima ,pè i dirigenti cume Cherèque di a CFDT di esse messu in una "sinecure gouvernementale " .i manghoni fora !

14.mandatu da castigatu u 02/10/2013 16:53
l'autunumia l'avemu dighja un basta micca

15.mandatu da stumacatu u 02/10/2013 17:06
Clanu b[Giuràssicu di i Travagliatori]b : bè trovu !!

A Manca hè per difendè tutte e minorità fora di i corsi e a Diritta hè per difendè... i soldi !!

E i corsi so di diritta...

16.mandatu da stumacatu u 02/10/2013 17:08
Dunque semu cotti !

17.mandatu da O CORSU RIFLETTI u 02/10/2013 17:42
Per risponde à Casticatu, ùn avemu micca l'autunumia ma un statutu speziale.S'omu s'appicca à a Custituzione francese, u più chì si pò avè ghjè l'Autunumia ricunniscendu i diritti di Nazione di u Populu corsu, è nazione senza Statu. S'omu hà l'Indipendenza, ùn ci hè bisognu di esse ind'è a Custituzione francese ma ind'è una Custituzione corsa è un Statu corsu.

18.mandatu da ghjuva u 02/10/2013 19:11
ai rasgio amigu..u populu deve ave u dirittu dave a so nazione ma disgraziamente certi callanu i bracci cusi steremu disgraziamente sempre frencesi infine per i papier perche eu u mi sentu manca appena frencesu.

19.mandatu da velolib u 02/10/2013 19:38
ùn sò micca "dinosaures"... In Corsica, i chjamemu SUMERI è basta...

20.mandatu da bipu-bipu u 02/10/2013 20:20
CGT = Canceru Generalisatu di u Travagliu

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta