Accueil
Envoyer à un ami
Version imprimable
Partager

Cumu si dice "lubrifiant moteur" in corsu ?

A lingua corsa in i media è à a scola avanza pianu pianu... è in i cummerci ?



Cumu si dice "lubrifiant moteur" in corsu ?
Trè anni fà aviamu lanciatu una campagna pè a cursizazione di i nomi di marche.

Monsieur Propre diventava Sgiò Pulitu, Jacques Vabre diventava Ghjacumu Vabre è Canard WC si trasfurmava in Ànatra WC.

Ma à dilla franca, in a nostra sucetà di cunsumazione, a lingua corsa ùn c'entre micca, o pocu.

L'insegna di stazioni d'essenza Vito s'hè ingagiata à prumove a visibilità di a lingua corsa in a so intrapresa (publicità, insegne, messagi nant'à u rispunditore...). Hè stata a prima à firmà a càrtula di a lingua.

Hè cusì chì i prudutti cummercializati da sta marca sò diventati bislingui, cum'è i so lubrificanti pè mutori.

A prumuzione di a lingua corsa passa dinù pè quessa. Allora cummercianti, muvìtevi ! Qualessa serà a prussima sucetà à fà stu sforzu ?

u 9 d'Aostu 2012



1.mandatu da circinelludiguagnenativupèliguagnesusosanguaversatu u 09/08/2012 10:24
Bravu ! una bona nutizia par oghji !!!

(comu si dici in corsu "lubrifiant"pour les... pas moteurs ?)

2.mandatu da ANTO u 09/08/2012 11:08
Nantu a parechji prudutti ,fatti o venduti in Corsica ci starebbe bè a marcà "baccalà pè corsica " un dicu micca qual'essi ci n'hè troppu !

3.mandatu da tiriezzu u 09/08/2012 14:29
eccu una bona iniziativa

o Charles Capia, parlammi corsu !

4.mandatu da annie u 09/08/2012 18:58
bon idéa spergu che a da da l'esempiu, e che prestu tutti i magazini annu da fa cum'ellu
a u mese di lugliu simu andati qualchi ghjorni a u tirol che e smezzadu tra l'italia e l'austria, che piacce di vede tuttu scrittu in bislingue in italianu e tirolianu,ma tuttu: micca solu nanta e strade, i magazini,i piatti in l'osterie, e spiegazione inde i musei......... e di l'altraparte di a frontiera in tirolianu, ma menu che in italia, e a ghjente parla a so lingua e l'italianu senza prublemi, un ne fannu micca tuttu una storia he naturale

5.mandatu da Lubrifiant u 09/08/2012 19:28
E veru à me m interessu di sape cumu si dice lubrifiant in corsu chi à mio cumpagna parla corsu piu Che me , alora in lu lettu cun ella un aghju da micca di " u mio core pigli l oliu per u culu per piace " francamente sciappa tuttu

6.mandatu da à a salute u 09/08/2012 22:05
dilli "ùnghjiti cun appena di sdruttu", viderai ch'anderà bè

7.mandatu da à a salute u 09/08/2012 22:53
è po dopu ùnghjiti ancu tù cù una coghja di prisuttu

8.mandatu da à a salute u 10/08/2012 00:40
o Lubrifiant allora ti l'ai untu ?

9.mandatu da Lubrifiant u 11/08/2012 00:50
Avia micca pensa à piglia u sdruttu di porcu , aghju un idea aghju da vende u sdruttu di porcu nustrale in boîte di notte cu un préservativu fattu cu i minucce so sicuru à da fa un cartone , vi ringrazziu Amici di à piazzetta à fine di à stagione mi cumpreraghju un cayenne

10.mandatu da Anto l'Inglesu u 12/08/2012 14:48
Anatra WC un' si po dice... WC e un' inglicisimu pa "water closet"

11.mandatu da Capicursinu rancicu u 12/08/2012 21:01
E perchè ùn si po di anatra WC ?

12.mandatu da Anto l'Inglesu u 21/08/2012 15:14
Capicursinu...L'aghju scritu parchi...Ma comu si dicce WC in Corsu?

13.mandatu da Capicursinu rancicu u 25/08/2012 03:36
Heeeuu i toiletti :p

14.mandatu da cagoneintimuritu u 17/11/2012 07:40 (da un teleffuninu)
si dice anatra catinu
anatra pisciatoghju o cacatoghju

Novu cumentu :