Accueil
Envoyer à un ami
Version imprimable
Partager

Cumu si prununzia Schweinsteiger ? È Kranjcar ? È Kuyt ?

Ghjunghje u Mundial à u Brasile cù i so macciacci à a tv è u so Christian Jeanpierre chì stroppia i nomi. Hè per quessa ch'è no vi prupunemu una guida per prununzialli di manera curretta.



Cumu si prununzia Schweinsteiger ? È Kranjcar ? È Kuyt ?
Noi a sapemu bè, i Francesi ùn sò tantu boni per e lingue strangere. Facenu 250 anni ch'elli massacreghjanu a nostra lingua è ch'ellu ùn ci hè mezu di falli capisce ciò ch'ellu hè un accentu tònicu.

Ma noi non più, ùn semu tantu siguri di noi quand'ellu si tratta di prununzià i nomi di Bastian Schweinsteiger, Javier Mascherano, Niko Kranjčar o Dirk Kuyt.

Ancu di grazia, i brasilianu pensanu à tuttu (ancu sì Platini li dumanda di chjodela appena).

U giurnale spurtivu Globo prupone sta pagina, induve si pò stà à sente a prununzia ghjusta di qualchì nome di futbalori.

Per quessa, anu dumandatu à parechji giurnalisti strangeri di prununzià in a so lingua i nomi di qualchì ghjucadore di u so paese.

Ùn manca ch'è Jean Pruneta, ma per avà a Corsica ùn hè ancu qualificata per i mundiali.

l'11 di Ghjugnu 2014
U Webmaestru



1.mandatu da sardu u 12/06/2014 00:45 (da un teleffuninu)
vabé pé mascherano... Hé semplice ancu perché hé in meia lingua...

2.mandatu da sardu u 12/06/2014 00:46 (da un teleffuninu)
vabé pé mascherano... Hé semplice ancu perché hé in meia lingua...

3.mandatu da Timozzu u 12/06/2014 15:08
Ci vuleria listessu affare nant'à i nomi è casate corsi per certi giurnalisti di Via Stella

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta