Accueil
Envoyer à un ami
Version imprimable
Partager

Cun l'elezzione crescenu e vèndite di frigò

Sò e statistiche di Conforama : + 45% di vèndite di frigò, +28% pè i lavapiatti è + 17% pè i forni micro onde. A distribuzione duveria ancu cresce nanz'à u segondu giru.



Cun l'elezzione crescenu e vèndite di frigò
Di regula, u mese nanz'à l'elezzione hè sempre un mese di record di vèndite pè i magazini d'électro-ménager. I stock di ghjaccere, forni, mascine è lavà i piatti è televisiò à screni platti sò prestu spachji.

Rispunsèvule : i "rigali" ch'elli volenu fà i nostri simpàtichi eletti à i futuri elettori.

Spiega Jean-Claude chì travaglia à Conforama (u nome hè statu scambiatu chì Jean-Claude vole firmà anònimu) : "L'elezzioni ? Hè peghju ch'è pè i saldi ! Ancu di grazia ch'ellu ùn si vota micca tutti l'anni ! Tenì, sta mane hè passatu un cunsigliu generale m'hà viutatu u mo stock di frigò Whirlpool ! Ùn mi ferma mancu una ghjaccera !"

À Conforama cum'è ind'è But, hè a stessa frenesìa.

A dice Stanley, rispunsèvule di rayon : "Quì l'eletti sò veramente primurosi di u cutitianu di i so elettori è di u so cunfortu. Vistu ciò ch'è no avemu vindutu cum'è televisiò, pudimu dì chì nimu in Corsica ùn mancherà a prussima Cuppa di u Mondu di Futbol !"

Avemu fattu a sperienza da per noi. In una matinata à Confo avemu vistu passà quattru cunsiglii generali, sei cunsiglieri territuriali, ottu merri è un senatore. Ci hà spiegatu un elettu "Hè a crisa, vint'anni fà un frigò ci purtava cinquanta voti. Ma oghje ùn vi raporta più ch'è i voti d'una famiglia sola, vale à dì quattru voti, à u megliu !"

Ci cunferma un puliticu di un altru partitu, annerbatu assai : "Hè veramente n'importa chè, ci mancanu 500 voti pè passà a barra di i 7%, ci hà da custà l'ochji di u capu ! È ancu, l'elettori ci prumettenu di vutà per noi, ma sò capaci di piglià u frigò è di vutacci contru ! Hè veramente diventata n'importa chè a dimucrazia !"

I tempi ùn sò più quelli... Cuntinuveghja di spiegacci : "Ind'i tempi, a ghjente era cuntenta di riceve una televisiò o una cucinara. Ma avà, sò tutti ecchipati, volenu sempre di più, sò tratechji ! Per strappà i voti, semu obligati di cumprà frigò americani, Blu-Ray, Nespresso è robba di marca ! Mi stumacanu..."

Ma attenzione, sò parechje e tràppule per l'eletti in campagna, cum'è stu merre chì avia cumpratu un centu di magnétoscopes chì più nimu vole dapoi chì u DVD hà tombu a VHS.

Pè riassume, voi dite di sì, pigliate a robba, è vutate contru !

l'11 di Marzu 2010
U Sgaiuffu



1.mandatu da estrimei u 11/03/2010 09:01
o Sgaiu' ,
si sempre a fà i rimprovari ! soca chi i canditati s'imprimuriscenu di bene stà di l'ellettori!
u peghju ha da esse per paggà tutta sta robba ! cumu ci surteranu?
e pagghe e i mezi di l'elletti devenu esse scherse? (cumu serrà chi di stu puntu , nimu un ne parlà?)

2.mandatu da Diu ! u 11/03/2010 11:15

Ma dopu a l elezzione , e farmaciè hannu dà vende assai medicine pà u mal' di capu...

3.mandatu da conforamator u 11/03/2010 12:21
u meiu hè cascatu in panna. o Vendasi, votu per tè se tu mi dai un Brandt !

4.mandatu da P 08 u 11/03/2010 12:39
Eo ùn vogliu che "Siemens o Bosch", roba francese, un vale nuda è ùn a vogliu..mancu di rigalu..!!

5.mandatu da anto u 11/03/2010 12:42
Eu aghju datu appuntamentu a u mo diputatu Paulu (chi ghjè u mo paisanu ) chi un face mica u venachèse, indè un altru paisanu chi si chjama Rognoni e chi vende vitture .S'ellu ci vole a vendèsi hè megliu a fa cresce i prezzi .

6.mandatu da in cauda venenum u 11/03/2010 17:34
CRESCENU ANCU E VENDITE DI VASELINE MA PER CERTI ANCU SENZA UN SENTENU PIU NUNDA SO SBUNDATI E SPUFUNDATI

7.mandatu da higins u 12/03/2010 12:52
intesu sta mane à Confo : "le petit Jean attend son papa Milou à la caisse centrale !"


8.mandatu da l'altu silenziosu u 13/03/2010 10:41
Salute,
Eiu aghju cumprà e « boule caisse » anche l’ « laspirine » ma a « vaseline » NO !!!!, un hé micca pussibile. I pulitichi sò tutti cume i lava piatti, forni micro onde o televisiò à screni piatti, ma senza l’evoluzione, Parchi elli hannu micca prugressà. Duque hè possìbile di cumpra o di cambia un puliticu cume isse màcchine. Alora dumenica cambiemu nostri pulitichi !!!
PS : Attenti qualchi pulitichi hannu qualchi sbagli di prugramazione.
I pulitichi vendite so micca furdani o cambiatti.

9.mandatu da Bambulu.. u 13/03/2010 17:13
Dumenica, ùn cambieremu che poc'affari ancu s'hè no vincimu l'elezzoni...i coloni un parteranu micca e nunda un cambierà, un sunniate micca o ghente, "sè l'elezzioni pudia cambià e cose sarianu difese.." o ghjente..!!!!

10.mandatu da Obamo u 13/03/2010 17:53

ANu da mette e "caméra cachées" n ogni isoloir ?? hahaha, i scrucconi si ponu fà scruccunà à bon pattu...

11.mandatu da CADENA bat 1 u 14/03/2010 14:39
elezzione un c' è bisonu di friggo ;sti poghi ghjornu incu tutta sta neve chi ghjè fattu,almenu ch'elli sianu a bon pattu e spontoriser per i canditati !!!

12.mandatu da U Bastiacciu u 14/03/2010 17:13
Cun st'elezzione puvete dumandà cio chè vo vulete anc'u un bellu rigalu pè a vostra moia, a vostra mammà o anc'u pè i vostri zitelli ! Fate attenzione pigliate un bon partitu perchè chè ancu un secondu giru è dunque dino altri rigali piu belli ! Torna un bellu mese pè i cacastecchi !

13.mandatu da Barack oniolu u 20/03/2010 08:45
si Barratta frigo rigalatu da zuccarelli contra piazza a' a dde prumessa da giacobbi. "pas sérieux s'abstenir"……

14.mandatu da Ahmed Zavìa u 02/04/2010 18:03
A lista di l'UMP m'avìa prumessu un bellu cungellatore...
Quella di a manca unita una bella smachjatoghja à muttore...

Aghju sceltu quella smachjatoghja à muttore, chi u tempu mi pare di rimettesi à u bellu...eppò, ci vole à ricunnosce chi a lista di l'UMP cusì fatta à strappera mi facìa sunnià dimènu chi quella di a manca addunita, fraternizata, in armunìa...e sopr'à tuttu eculugista !!!

Eculugista...postu ch'elli m'hanu mandatu sta mane une lettera per spiecàmmi ch'in fattu, piutostu chi di rigalàmmi quella smachjaghjola à muttore prumessa m'hanu da mandà una missoghja e un martellu...


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta