Accueil
Envoyer à un ami
Version imprimable
Partager

Cuncorsu : Truvate u nome di u paese induve i Corsi sò stati messi fora !

L'infurmazione hè esciuta in u Journal de la Corse in data di u 13 di marzu scorsu : in un paese di Corsica Suprana, tutte e case sò state vindute à fresteri.



Cuncorsu : Truvate u nome di u paese induve i Corsi sò stati messi fora !
Disparus les Corses ! cusì principia l'articulu di u Journal de la Corse.

Eccu ciò ch'ellu si pò leghje : C´est arrivé ! Pour la première fois dans l´histoire de cette île un village est peuplé de non corses, d´allogènes comme disent les démographes pour signifier ceux qui ne sont pas originaires du coin contrairement aux autochtones qui, eux, le sont.

Il existe donc en Haute-Corse (mais la précision s´arrêtera-là pour les raisons que l´on devine) une commune dont les maisons ont été achetées, les unes après les autres, par des Français du Continent qui y on élu domicile après les avoir restaurées pour pouvoir y vivre confortablement.


Eccu, ci semu dunque ! è l'affare ùn face ch'è principià.

A colpa à quale ? À u sottusviluppu, chì porta à vende u so patrimoniu per pudè campà ? o à l'attiranza per i soldi, per a sbacca è per cumprassi l'ultima Audi ?

U fattu si stà chì u risultatu hè chì u populu corsu hè messu fora di casa soia, pianamente è bè. Citendu à Aimé Césaire, Jean-Guy Talamoni l'analizeghja cum'è essendu un génocide par substitution.

Sta volta, ùn si tratta micca di Cala Longa, di Piantaredda o di Sperone, ma d'un paisolu à l'internu di e terre. Dopu à a piaghja, eccu dunque a muntagna, u core di a Corsica à esse toccu.

Ma piuttostu ch'è di pienghje una volta di più a sorte di Cursichella chì di tutte manere "ùn averà mai bè", di lamentassi nant'à a casa di babbone chì si ne và o d'inzergassi contr'à sti Corsi traditori chì vendenu a so terra, vi prupunemu un ghjocu : truvate u nome di stu paese misteru è vincite u nostru cuncorsu !

Primu premiu : un'andate sèmplice Corsica - cuntinente, in low cost è senza ritornu.

Bona furtuna è avvedeci.

u 25 di Marzu 2009
U Sgaiuffu



1.mandatu da julien lepers u 25/03/2009 00:09
serà in Balagna ? Pigna, stu paese persu di pinz ? ma certi dicenu ch'ellu saria AMPRIANI.....

2.mandatu da mi ritirgu u 25/03/2009 00:37
Castineta

3.mandatu da Cardone u 25/03/2009 00:43
Mi pare chi in l'isula di Cavaddu in Bunifaziu, anu messu fora l'ultimu pastori di l'isula cu e so capre,

ils ont meme genocider nos cupulate,chi piccatu!

4.mandatu da estrimei u 25/03/2009 08:03
o mi ritirgu ,
fin'a oghje, casa vindute a furesteri, in Castineta , 'un ci n'hè.

a dillà franca , facenu nepochi di tempi chi u corsu he minuritariu 'nu u so Paese e si , a e prussime ellezzione ,l'ellettori strangeri s'uniscenu ponu piglià tutti i posti; ma nu a feranu micca chi parechji di i nostri elletti so i so còmplici.
avà vuleria svià, e fà una dumanda:
ancu ch'ellu sia per bisognu, chi ne pensate di quelli chi vendenu e so case , i so lochi a furesteri ? per me so ghjente chi hanu rinunziatu a a so naziunalità corsa .

c'he un astra cosa ch'o vuleria dì: oghje a prova he fatta ch'omu pò campà in Corsica e vince u so pezzu di pane.
allora , fratelli naziunalisti, pigliate in contu chi oghje , a Corsica ha u piu gran bisognu di i so figlioli . andà a fà a so vita in astrò , so fatti da traditori.
pensate ch'o traparlu? riflettiteci!

5.mandatu da GWM u 25/03/2009 09:44
Accendi Pippa?

6.mandatu da le chat le rat u 25/03/2009 11:16
SISCU !

7.mandatu da circinelludiguagnenativupeliguagnesusosanguaversatu u 25/03/2009 11:31
Bastia ?

8.mandatu da filidatu u 25/03/2009 11:53
aiacciu ? Portivechju ? calvi??

9.mandatu da magà u 25/03/2009 12:12
anu dettu "un village en Haute-Corse"...

10.mandatu da GWM u 25/03/2009 14:04
Rasignani?

11.mandatu da ZIU ANTO U PURCAGHIU u 25/03/2009 14:26
Pensu piutostu a Venacu....

12.mandatu da machja u 25/03/2009 15:18
Castellare di Mercurio hè un veru paese 'gaulois" chi manghja e caga in francese.

13.mandatu da Cardone u 25/03/2009 15:20

14.mandatu da U Babbu u 25/03/2009 15:29

15.mandatu da heliofobu u 25/03/2009 16:40
U locu dettu "Le panier" in Marseglia... Induve simu statu grandi culunisatori ghjunditicci, maestri di cummunutarisimu ermèticu è intulerante, nanzu d'esse sgagiati dà i fresteri...

16.mandatu da Sciappà ! u 25/03/2009 16:50
in Balagna in tutti casi... francatu l'Isula... Corsi un ci ne so guasgi piu !

17.mandatu da Piratella u 25/03/2009 20:50
Francatu...andendu in chì sensu?

18.mandatu da Piratella u 25/03/2009 20:51
Pigna?

19.mandatu da zitellacciudiucismonte u 25/03/2009 21:19
Sant'Antoninu !

20.mandatu da amicale des corses de corse u 25/03/2009 22:34
serà Prionzi ?

21.mandatu da Balaninu u 25/03/2009 23:10
o "Sciappà", anderai à dì què in Santa Reparata, Fulicetu, Avapessa, Spuncatu, Curbara, Aregnu, i Cateri, Zilia, Muru, Calinzana, u Mucale, Cassanu ecc... Pensu chì l'hà da piace à i so abitanti di sente ch'ell'ùn sò micca corsi.

Anc'assai ch'in Balagna ci sò astri paesi cà Lumiu, Sant'Antuninu o Pigna o zitè... Ùn cridite micca chì a Balagna hè solu un locu induve i turisti vanu à fassi arrustì i so culi.
Cum'elli dicianu i corci Muvrini ('lli riposinu): "u mo paese o ghjente care ùn hè solu sol'è mare, hè di più chè cusì..."

Ma per a maiò parte di a ghjente, a Balagna ghjè Calvi ("eranu 3 corsi è un calvese" eccu ciò ch'è no dimu), Muriel Robin è l'acapulco, peccatu.

22.mandatu da Culomba1 u 26/03/2009 00:55
Ma nò ci sò dinù Dutronc è Tao By ! lol

23.mandatu da Sciappà ! u 26/03/2009 11:23
Mi sprimavu pè Calvi e Lumio sopratuttu !

Semper fidelis, isnt'it ?

24.mandatu da Semper fidelis u 26/03/2009 11:35
In Calvi in tutti i casi avemu sempre e nostre cunfraternite chì cantanu pà tutti l’interri invece chì in Bastia, induv’ellu ci hè assai gruppi culturali ci vole à arrizzassi à bon’ora pà avè una messa cantata ! Ci hè accadutu à noi Calvesi di cullà à cantà ancu ind’è certi paesi in certi rughjoni arrimbati à e muntagne chì si dicenu più Corsi ch’è l’altri, allora s’è no cummincemu à circà, ùn ci sbuccheremu, pà mè a Corsica si piante à u mare, isnt’it ???Ma avà ricunnoscu chì a Balagna soffre da una culunizata di people chì venenu è si comprenu case è terreni ci n’hè ancu cum’è robin (ch’ella scià ceca issa porca !!!) chì si face a spiculazione nant’à u nostru spinu, ci hè cà vede ciò ch’elli anu fattu in Sant’Ambrosgiu !!! Un veru scumpientu, ma sì mai ? Quale hè chì vende a tarra in Corsica , simu noi i Corsi !!! Allora spazzemu prima ind’è noi nanzu di spazzà ind’è l’altri, s’è a Corsica si trove in cattivu statu, ghjè colpa à noi !
U Cosu avà di i genuvesi, hè chi noi Calvesi amu sappiutu prufità ne di st'invasori per fà u cummerciu è ognunu n'hà trovu u so contu ancu i Calzaninchi è i paesi à l'ingiru!

25.mandatu da miccafidelis u 26/03/2009 12:08
in calvi i vostri canti so diventati cumerci forse serete esciuti di u vostru circondu per canta qualchi messe e v'aera fattu prò ma l'avete imparate induve e vostre messe . In parlendu di gruppi culturali in balagna ci ne pienu chi si facenu paca per i turisti l'estatine inde e vostre chjese si vendenu ancu ciò c'un he a elli, allora l'esempiu di i canti e di e cunfraternè vale pocu affari.

26.mandatu da Semper fidelis u 26/03/2009 16:59
Sappia una cosa o miccafidelis, hè chi a cunfraternita Sant'Antone di a citadella hè forse una di e più vechje cunfraternite corse s'ella ùn hè a più vechja, è fattu impurtante dino, issa cunfratenita ùn s'hè mai piantata malgradu i danni ch'ella hà cunnisciutu a Corsica per ùn piglià ch'è l'esmpiu di a guerra di 14... So i gruppi culturali ch'anu pigliatu i nostri canti è chi in più di quessa i cantanu mali, un veru scempiu...a to furia hè di sicuru testimone di u rigretu d'avè persu un solcu impurtante di a cultura corsa: e cunfraternite. In Calvi n'avemu duie, saranu ciò ch'elle saranu ma anu u meritu d'esiste è a trasmissione si face sempre da leve in leve, ùn capiscu micca issa furia contr'à i Calvesi, eiu sò uriginariu d'un paese balaninu è mi sentu avà propiu calvese è ùn mi sò mai intesu male inde issa cità soprattuttu à livellu di a cursitudine di a cità. Hà una storia, hè vera, liata à una prisenza genuvese ch'hà datu ciò ch'e no sapemu in Corsica, n'emu micca da rifà a storia, ghjè cusì! In tutti i casi ùn hè micca d'issa manera ch'emu da custruisce a Corsica di dumane, fendu cusì, paesi contr'à cità...tandu ch'emu da dì....??? i montaseghi in Aiacciu, i baben in Bastia, in Calvi i Genuvesi...è in e muntagne...??? ...l'orsi??? Aiò chì issu dibattitu ùn tene arrittu, femula finita è avà mi ne vocu in u carrughju (parolla d'origine genuvese) à salutà a mo caccara (altra parolla genuvese), è bench'ùn sia micca di Castineta, mi ritirgu listessa!

27.mandatu da miccafidelis u 26/03/2009 17:35
ie he vera quessa site assai assai numerosi inde e cunfraterne calvese sopra tuttu u 14 lugliu cu i vostri kepi bianchi quessi i cunfratelli si sposanu tutti in balagna avete dinu una pulifunia assai assai cuniscuta credu chi he quella chi dice tiens voila du boudin lalalallalalalalalalalalalalalalalalalala pour calvi y en a pas pour calvi y en a plus lalalalallalalalalala santini c'est un tire au cul

28.mandatu da Tux u 26/03/2009 19:05
Se stu paese hè biottu di Corsi, oghje, un hè micca colpa di i cuntinentali chi ci sò stallati. Se piace à elli a nostra isula, è chi rispettanu a natura… mi pare megliu ch'u paese di st'articulu sia abbitatu solu da furasteri chi biottu è mortu.

29.mandatu da campagnolu u 26/03/2009 21:09
eiu, a sò..u so mere ellu hé Corsu !

30.mandatu da Fratellu ficatellu u 26/03/2009 21:15
micca tupinucciu fidelis ?



31.mandatu da machja u 28/03/2009 13:17
In certi paesi i corsi un so mica stati messi fora ,si ne so andati da per elli, e oghje"i frusteri" hanu scupertu" un paradisu" abandunatu per i corsi tratècchii,abbagliulatti per i lumi di e cita.
U "BLING BLING" so i corsi chi l'hanu inventatu!!!
Oghje qual'he u piu corsu ?
U frusteru chi ha scelta di campa in li nostri paisoli, o u(corsu) chi campa in Aiacciu o in Bastia o in Parrigi?

32.mandatu da circinelludiguagnenativupeliguagnesusosanguaversatu u 28/03/2009 14:02
ùn hè micca quissu u prublema o machja. Hai raggiò nantu à la prima parti: i corsi si ni vanu è d'altri i rimpiazzanu in stu paradisu. A colpa ùn hè soia, d'accordu.
Ma ciò chi ci voli hè truvà mezi è manera di prupona à i nostri di stà, di custruiscia, di campà (in paesi o in cità) quì ! A colpa sarà à quiddi chi sceglianu di fà d'a Corsica un paradisu, sì, ma pà i turisti. eu cosa vogliu ? Ch'i me figlioli possinu campà quì senza essa vardianu di casa o usteriaghju. Ch'edda sia in paesi o in cità !

33.mandatu da machja u 28/03/2009 17:51
A Corsica HE un paradisu, ma noi un lu vidimu,andate a vere in altro cum'elli campanu i frusteri.
Quelli chi compranu e case in li paese un so mica tutti turisti, o ritirati, ci so ancu assai ghjunghiticci,ch'un trovanu casa in cita, so ghjente cume noi, operai, funziunari,e perche no, vardiani di case o osteraghji( un hè mica una vargogna).
Per campa da per noi ci si vole un pocu di tuttu, appenuccia di turisimu,ma dinu u cumerciu,l'agricultura, u bestiammu,e sopra tuttu devemu amaestra a nostr 'ecunumia, a pruduzione,e po dopu a distribuzione di i nostri produtti, a trasformazione di a nostra roba, e ghje cusi chi puderemu creà impieghi per i nostri zitelli.
Ma un aspitemu piu i nostri eletti, o u statu francese, femulu da per noi, o si no i frusteri u feranu senza i Corsi.
Un avemu bisognu di tanti "subventions" di a francia ,i soldi l'avemi, u risparmiu corsu hè di 10 milliardi d'euros, cu quessu si ne po fa impieghi.

34.mandatu da henry smart u 30/03/2009 23:50
tengu à dì, chì eiu ùn sò mancu appena calvese ma ùn capiscu sta rabbia contr'à Calvi. Sò d'accunsentu cù semper fidelis, ancu sè e cunfraterne mi n'impippu un pocu! Ci vole à mintuvà u travagliu di u svegliu calvese dinù chì hà fattu è face sempre assai per a cultura VIVA corsa. E ùn parlu mancu d'a filetta ... e pò quandu si cunnosce i calvesi ùn sò micca peghju chì l'altri.
ùn ci vole micca à mischjà a pulitica di a cità oghje chì a so sola primura hè di campà trè mesi l'estate, i legiunarii ecc..... è tutti l'altri..
perchè sta voglia di dà sempre e lezziò à l'altri

35.mandatu da circinelludiguagnenativupeliguagnesusosanguaversatu u 31/03/2009 15:22
pensu ch'edda hè pà rida... francamenti in Balagna è in Calvi è ancu in Calvi l'estate, mi sentu in Corsica !!! Ancu più ch'in Bonifaziu par asempiu...

36.mandatu da dumè u 31/03/2009 15:54
bon, allora... u qualessu hè u paese ???

37.mandatu da Ghjuvan' Filici u 03/04/2009 18:58
Nouvelle-Marbeuf-in-Casinca ?

Sionville di Casacconi ?

38.mandatu da circinelludiguagnenativupeliguagnesusosanguaversatu u 04/04/2009 08:49
eu pensu à u capicorsu... Un paese d'u capicorsu, chjuccu è in bord' di mare, paisolu d'un più maiò: Santa severa, porticciolu, marine de pietracorbara, canelle...
Ùn saria micca stunenti: tuttu ciò ch'hè cattivu è pessimu vene da u nordu...!

39.mandatu da Ghjuvanni u 26/04/2009 19:13
Vi prupongu u paese di Pianellu.
Tempi fà i pianellacci avianu gattiva reputazione:
_Omu dicia "natu in Pianellu è alivatu à u Cateraghju" in Aleria ciò chì significava ghjente di poca cunfidenza.

40.mandatu da sumenta u 26/04/2009 21:38
Mi pare chì i pianellacci so abbastanza bravi!

41.mandatu da Ghjuvanni u 28/04/2009 16:16
À a sumenta
Cumu a sapite ch'elli sò bravi i pianellacci?
I cunniscite i pianellacci d'Aleria, anu sappiutu fà i so affari ,falati ch'elli sò in Aleria .
U pruverbiu ch'o aghju datu significheghja una realità!

42.mandatu da circinelludiguagnenativupeliguagnesusosanguaversatu u 29/04/2009 13:38
è "carbuccesu culu appesu" ùn hè micca una realità, hein ?
Tè! ùn saria micca Carbuccia 'ssu paese ch'è no circhemu...?

43.mandatu da sumenta u 03/05/2009 19:42
à Ghjuvanni
Avate ragiò. Un cunnoscu micca i pianellacci. Mà mi pare chì aleria è pianellu ùn anu nunda à vede. Di più ghje un paese chì prova à fà qualcosa pè mantene e tradizione è un ligame trà l'omi. Innò?

44.mandatu da Ghjuvanni u 09/05/2009 17:42
À sumenta

S'è pò ùn cunniscite à Aleria vi diceraghju chì una manata di pruprietarii pussedenu a maiò parte di u territoriu d'Aleria .
Aleriacci sò uriginarii sia di Pianellu sia di Venacu. per via di i so antenati pastori.
Cumu si face chì ci hè pocu terrenu cumunale?
Ma quale serà issu paese induv'ellu ùn ci hè più corsi?
A saperemu un ghjornu?

45.mandatu da Capicorsu u 11/05/2009 17:57
O zitè, ùn circate à Calvi o à Castineta, issu paese hè in Capicorsu, cum'ellu a dice CircinelludiGuagnu ecc. Un hè Santa Severa ("santà" per dilla à l'usu jeun's), ma podarsi e Canelle di Centuri o un altru paisolu cum'è quessu. Vicin'à Castineta invece, sò l'Ollandesi chì s'hanu cumpratu un paese sanu è chì ci campanu nudi in Cristu chì ind'è elli s'elli campessinu cusì per strada, si siccherebbenu i c…

46.mandatu da measumma u 09/06/2010 23:41
come si dice in corso "Bocche di Bonifaziu"

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta