Accueil
Envoyer à un ami
Version imprimable
Partager

Cuppa di u mondu : è perchè micca in Corsica ?

A FIFA face n'importa chè. Hà datu l'organizazione di a cuppa di u mondu 2022 à u Qatar, è avà si ne pente. Tandu, perchè micca un turneu mundiale in Corsica ? Basta à pagà.



Cuppa di u mondu : è perchè micca in Corsica ?
U mezu in giru à u ballò saria in traccia di diventà unu di i peghju di u mondu ?

A cuppa di u mondu hà da cummincià allora ch'elle ci sò forte presunzione di curruzzione di i membri di a FIFA è ch'elle fischjanu l'orechje di Michel Platini. Ci sò dinù storie di scumesse è di partite cumprateì ùn arrangianu nunda.

Tandu, perchè micca una cuppa di u mondu organizata in Corsica ? Imaginate, semu in l'annu 2020. U PEI hè passatu dapoi un pezzu, Sarkozy (chì hè vultatu à u pudere) ùn vole più sente parlà di noi è ci dà l'indipendenza, senza dumandà u so avisu à u Parlamentu. Paul Giacobbi hè diventatu u presidente di a Corsica è hà stallatu u so guvernu in Venacu.

In l'isula ci sò avà 350.000 abitanti ch'ellu ci vole à divertisce. U Sporting hè campione tutti l'anni, ma si piglia sistematicamete conce à u primu giru di a Champion's League contr'à i clubs di Cipra è di Lituania.

U lobby di u BTP hà una volta di più una bona idea (sapete, cum'è François Perrino : « le statut de résident conduirait à l'effondrement de la profession et du marché immobilier ») è si decide di custruisce una vintina di stadii novi, chì cum'è sempre, costanu dece volte di più ch'è prevista.

L'inegualità, digià forte assai oghje, cuntinuveghjanu di cresce (perchè si pianterianu ?) è a speculazione si porta bè.

Per dinunzià tutte st'inghjustizie, i Brasiliani manifesteghjanu tutti i ghjorni contr'à u mundiale. Da vede perchè in sta piccula video. Scuntenti, l'indiani dinù sò falati in carrughju. Sapete, ancu chì Platini li hà dumandatu di chjodesila.

È i Corsi, ch'averianu fattu ?

In tantu, à u Brasile...


Cuppa di u mondu : è perchè micca in Corsica ?

Cuppa di u mondu : è perchè micca in Corsica ?

Cuppa di u mondu : è perchè micca in Corsica ?

Cuppa di u mondu : è perchè micca in Corsica ?

u 10 di Ghjugnu 2014
U Sgaiuffu



1.mandatu da tapie u 03/12/2010 12:52
Ci mancanu i mezi finanziarii ,é umani cumé sempre ,u quatar po fa una cuppa di u mondu tutti l'anni.
Dopu ci tazzeremu pé i stadi ghjodi .
E sé no vincemu sta cuppa di u mondu ,allora po si chi..........................

2.mandatu da KÜG u 03/12/2010 14:14
NICK LE FOOT, dicia quellu

3.mandatu da appinzapalu u 03/12/2010 14:14
in 2026 seremu indipendenti, nò ?

4.mandatu da anto u 03/12/2010 15:46
U ballò a rimpiazzatu a religione cume opium di u populu ! Perchè da tanti milioni a u Sporting quand'ellu cè ghjente chi pate a fame e chi dorme in carrughju, in Corsica .Ci vulera ,si u pupulu corsu vole véramente esse maio ,ch'ellu crescissi appèna .

5.mandatu da cansandra u 03/12/2010 21:18
In 2026 a corsica si chjamerà altrimente è i corsi seranu spezii di "Chti" o d'arabi

impizzutitti...I CORSI veri durmeranu ab eternu indè i nostri campusanti..

6.mandatu da campagnolu u 03/12/2010 21:31
e chi ci face treiber à a Riventosa ? aiò aiò à a Riventosa ghjé u stadiu dumé gallet a sapete tutti.

7.mandatu da Meringue.. u 03/12/2010 21:37
è pè a Porta d'Ampugnani ùn ci puderebbe esse un "VolkGuazzelliStadium"...

8.mandatu da Cabiste u 03/12/2010 22:43
Un Stadium Olympicum "Erignac" in Carghjese...vi và pè macagna..?!?

9.mandatu da estrimei u 04/12/2010 08:13
Antone ha dettu: " U ballò a rimpiazzatu a religione "
a vera divuzione he quella di u sollu. e danvanti a u sollu tutt'ognunu si sumette.
un aghju tanta passione pe u ghjoccu a ballò, ma per contu meiu he logica ch'ellu sie u Qatar ; ommancu ,ellu , e " subventions " e po distribuì chi i so paisani un padenu ne a fame ne l'alloghju.

10.mandatu da TURCHINU u 04/12/2010 10:34
Stadiu di e patonne in Erbajolu !

11.mandatu da anti-om u 04/12/2010 11:29
E in Arena (Viscuvatu) un "Federici-Arena".!!

12.mandatu da jujube u 05/12/2010 14:50
pe a canzona officiale ? quall e sera ?

13.mandatu da corsu u 10/12/2010 05:46
thiriez he un ancianu fliccu. era l'aghjuntu di broussard.si capisce megliu e so posizione !!!

14.mandatu da Luger... u 10/12/2010 13:30
Un stadIu velodrome cume quellu di u Vel'Hiv ??

15.mandatu da tribuna u 11/12/2010 23:22
Allora allora... in calvi :
semexval stadium cù : 3 tribune induvè si po vede u mare.
a rena
u pinu
u camping
è chì tanti QATAR

16.mandatu da Sempre Turchinu ! u 14/12/2010 22:08
Erbajolu > Patonne e cazotti arena
Venacu > Giacobbi arena
Calvi > Semper fidelis stadium

17.mandatu da Mascherò u 18/12/2010 22:16
Hai a raggiò o Campagnolu !!! Ti ringraziemu !! Chì ci vene à fà un mulizzu cum'è treiber à A Riventosa ?? O Sgaiuffò ùn và più l'affare...

18.mandatu da Ghjangaru u 31/01/2011 02:58
Timizzolu? U gaz hè leccu mà pà piacè, ùn sminticà u Cahuzacstadion!!!!

19.mandatu da campile u 24/02/2011 13:45
Sempre u footeball ! e perche no a cupa di u mondu di skinku ? (ski alpin) cu e stazione di Ghisoni , Verghju , Ascu pe u slalom , Eze , Aitone (ski nordique ) e a falata di Figaghjola pe a "descente" ? CHI NE PENSATE ?

20.mandatu da marieddu u 11/09/2011 04:43
NOOOOOOOOOOOO
Ahora se usa de du fai in dusus (olandia y beglio; polonia y Ukraina )
vi ajiudiamo nosatrus
Lo facemu insieme, totus e dusu "Corsica e' Sardegna 2026 "
...:-) Rena, mari, muntagna totus tenemus atru che su qatar chi no bale a nudda....

Mascote officiale: Nuraghe y muvrinu
ahahahahahha
ajo' seis troppu simpaticusu :-)

21.mandatu da Lisandru Mattei u 14/09/2011 13:56
In prima, nanzu d'organizà una cuppa di u mondu, sarebe megliu di fà parte di e cumpetizione ufficiale di a FIFA. Quandu si vede San Marinu, Cipru, Malta o u Liechstenstein ghjucà, pudemu ghjucà ancu noi. Avà si vede chi u Monteneru face a vita dura à l'inglesi pè e qualificazione di l'euro 2012, avem' u nivellu ancu noi.

Squadra Corsa : Squadra Ufficiale

22.mandatu da Wind u 04/07/2013 12:27
Vous êtes vraiment ridicules avec votre pseudo nationalisme et certains des articles de ce site...

23.mandatu da Ghjeff u 04/07/2013 21:46
O wind s'è ciò ch'ellu hè scrittu quì ùn ti piace micca un leghji micca ma ùn veni micca quì à rompe ci e coglie

24.mandatu da sardu u 11/06/2014 00:10 (da un teleffuninu)
e quandu si vedunu micca cipra,malta e san marinu o lisandru...magari premundiale si! Forse propriu contr'' a francia!

25.mandatu da bastiacciu stortu u 11/06/2014 10:19
Ci volè un Vacca Arena in Ascu ... Meuh ...!!! e Wind ...gone with ....!!

26.mandatu da mmi un colpu à beie u 11/06/2014 10:39
à Wind

sè tù sî capace di ghjudicà a qualità di l'articuli di stu situ,

scrivellu in corsu , derà pesu à ciô chè tù dici

27.mandatu da Hantzu u 11/06/2014 10:54 (da un teleffuninu)
I Corsi un so micca falati in carrughju pe u tour de France (il faut donner une bonne image de la corse), un faleranu micca per a cuppa di u mondu ! Troppu techji, troppu infantilizati

28.mandatu da muammar u 11/06/2014 21:50
si ponu dinù dà i nomi di l'imprese di btp à i stadi : stade fanfan vendasi, stade paul natali, etc...

29.mandatu da tiffosu fimurbaciu u 11/06/2014 23:22
quandé noi averému v intu a cuppa di u mondu darému tutti si staddi a i nostri vaccaghi ;vindarèmu viteddi nustrali a u mondu intiéru ;ormènu sirvéranu a qualcosa si staddi

30.mandatu da sampieru78 u 14/06/2014 13:16
Averti sminticatu u Prisuttu Arena di Bastelica!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta