Accueil
Envoyer à un ami
Version imprimable
Partager

« Curnutu è bastunatu » o a vita di David Martinon



Si cunniscia à David Martinon pà e so capacità à liccà à Sarkò. I media ci davanu ogni ghjornu un asempiu bellu. Arricurdemu ci quand’ellu s’hà fattu inghjulià à a tilivisione à pettu à millioni di tilispittatori : « ma chì conu » avia dettu quellu Sarkozy. È puru puru ùn muvì u nostru amicu Martinon. Chì curagiu, chì fideltà ! Chì conu sì !

Ssu tippu hè quantunque l’asempiu più famosu di liccadore pà tutti i sculari di u mondu à pettu à i so prufissori. Megliu ùn si pò fà. L’omu era-hè (ùn si sà micca troppu) incarigatu di palisà senza palisà (eserciziu difficiulissimu !!!) tutte e tuntie, ogni trappula, tutti e sviate di u guvernu francese. È pà ssu pocu ci n’hè di tutte e mamme… Ma cun ellu ci truvemu sempre à pettu à situazione chì ùn ponenu prublemi, chì sò nurmale. È puru… è puru… è puru… Ùn l’aghju micca da alistinà chì ci n’hè troppu è ssu blog n’hà dighjà amintatu unepoche…

Vi aghju da dì chì a soia a situazione à Martinon li si pararà po nurmale ! Hè avvezzu avà u tippu. Infine, piantu quì, ma andate puru à vede sse videò chì mettenu à palesu l’immensità di a tuntia sarcosista. Si vede u figliolu, Sarkozy u Sigondu, Jean, Jean di Vicu, ghjurà fideltà à Martinon, « sinu à a morte », quand’ellu si sà chì ghjè ellu chì u si tomba…

Ah, mi scurdava, in corsu « riceve un colpu » si pò dì « liccà in capu ». Da riflette ci…

u 14 di Farraghju 2008
A Bistuca



1.mandatu da estrimei u 15/02/2008 09:02
sarkozy a vintu l'ellezzioni di a presidenza francese, e dipoi cunsidereghja chi a Francia e a soia , ch'ella he u so ghjoculu , a ellu e a tutti i soi.
u figliolu , cume tutti i figlioli , adopra u ghjoculu di u babbu . l'altri , i cumpagni di ghjocu ,s'elli ghjocanu cum'ellu ci' ole, va bè ! s'elli un ghjocanu cum'ellu ci' ole ,'nu i laca piu ghjucà -Martinon, s'ellu li piace di ghjucà ch'ellu si suttumetti.
un "sentenu ne di mi, ne di di,ne di porcu futtudu"(vechja spressione di i mio lochi per di di qualchissia ch'ellu 'un vale una peta di sumere)

2.mandatu da 51 u 15/02/2008 13:30
aio basta ! ci parlate troppu di sarkozy FADELA FINITA

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta