Accueil
Envoyer à un ami
Version imprimable
Partager

Cusì si passanu e serate eletturale in Neuilly...

Pensate ch'ellu ùn hè ch'è in Corsica ch'è no avemu a frebba eletturale ? Allora chì ci vulerà à dì di Neuilly, cù i so azzuffi à colpi di bichjeri di champagne...



Pensate chì Aiacciu hà a diritta a più pazza d'Auropa cù trè liste chì annunzianu un'accordu pè u segondu giru u luni sera...

...per in fine di contu tazzassi u marti matina è mandà a rispunsabilità di u fiascu nant'à l'altru, cum'è picculi sgaiuffi in a corte di recreaziò.

Pensate dinù ch'ellu ùn hè ch'è in Corsica ch'elle ci sò campagne eletturale arrabbiate, cun i so partigiani scatinati chì strappanu l'affissi di u nemicu, e famiglie è l'amichi chì si tazzanu perchè sustenenu à l'unu è micca à l'altru, cù i spoglii di scrutini chì duranu e notte sane perchè nant'à i buglittini di votu s'hè cacciatu à Dumenicu per aghjustà à Petru, cù e storie pulitiche chì dureranu anni è anni è chì ci la feranu à purtà a divisione innù i paesi induve a metà di i paisani ùn parlanu più à l'altra...

Ma pensate veramente chì a frebba eletturale ùn tocca ch'è a Corsica ?

Allora chì ci vulerà à dì di Neuilly, induve ùn ci la femu mancu più à seguità u feuilleton di a successione di Sarkozy cù e cumbrincule di u so figliolu Jean ch' ùn vulia à Martinon è chì hà riesciutu à infiarà a cusì calma è burghese cità chì cunfina cun Parigi.

A prova cun stu picculu filmatu di a serata eletturale, induve s'hè betu, ma ancu spulatu in faccia u champagne...

In tutti i casi, hè interessante di vede da induv'ellu hè surtitu u nostru amicu Sarko.

u 13 di Marzu 2008
u webmaestru



1.mandatu da GWM u 13/03/2008 14:01
Sarebbe què, "a Francia d'insù"?...mondi rimondulati...

2.mandatu da in cauda venenum u 13/03/2008 16:39
cu l'aiutu di i nosri cacati d'eleti simu guverati da sti pazzi ch si credenu supranice l'umanita u peghju e chi qui so piu francesi che i francesi

3.mandatu da in cauda venenum u 13/03/2008 16:53
Envoyé spécial : Aborigènes, la fin des rêves
Résumé
Moyen de troc utilisé autrefois par les blancs, l'alcool est aujourd'hui en train de faire des ravages au sein de la communauté aborigène. Un fléau qui, additionné à la pauvreté, au chômage et au déracinement, mène les autochtones australiens à leur perte. Alors il y a quelques mois, le gouvernement a décrété l'état d'urgence en lançant une grande campagne sanitaire pour protéger les aborigènes d'eux-mêmes, leur interdisant alcool et pornographie. Mais pour les indigènes, cette intervention ressemble étrangement à une nouvelle forme de ségrégation...@@@@@@
O ZITELLI MI PARE CHI CI PIGLIANU ANCU A NOI PE ARBORIGENE

Novu cumentu :