Accueil
Envoyer à un ami
Version imprimable
Partager

DSK in Bastia



DSK in Bastia
Ancu più chè lu tsunami
Venutu di e terre luntane
Questa storia chì veramente
Hà u sapore di e puttane
Hà francatu l'effemi
È u cumbugliu pruvucò
Sapete ch'à Deeska
L'hè falati u pallò ?

Principe di la muneta
Mai ch'ella sia detta
Chì stu gran finanzieru
Hà u cerbellu ind'a scruchjetta

Avà ùn si sente più
Di Toga sin à Lupinu
O figliò u Deeska
Hà peccatu cù u pippinu

Santa Chjara a so moglie
Gran' nome predestinatu
Postu ch'inde la prigiò
Oghje si l'anu purtatu
Malgradu e manette
Viste in televisione
Nega à chì vole sente
Tutta st'infurmazione

Ella difenderà sempre lu so omettu
È dice ch'ùn hè mai andatu à Lu Puntettu
Ch'ùn hà mai frequentatu u famosu "Chat noir"
Nè a "Villa Jeannette" oghje clinica Maymard
Ch'ùn l'anu mai trovu u nasu inde u string
Chì quand' ellu esce hè per vede u Sporting
Carrughju di u Castagnu hè a so sola droga
Chì sempre và à pregà inde a sinagoga.

Ma nimu ùn la crede chì lu so sacristanu
U cosu di Priapu ellu l'hà sempre in manu
Pò puru singhjuzzà avà cum'è un zitellu
Si trova ind'a gabbia per causa di u so acellu
Da poi ch'à l'Africana hà cacciatu u velu
Deeska l'elezzione l'hà persa per un pelu
Di quelli chì tiranu di più ind'a cullata
Cume dice u pruverbiu ch'i boi ind'a falata
Ancu "Sœur Sourire" incù premunizione
Cantava "nique nique" di Dumè a canzone
Avà suspira è pienghje, pienghje chì ghjè in capanna
Ma cosa pienghjerà? Pienghje a potta d'Anna
Anna a leghjitima ch'hè stata bona pera
Amichi di a puesia vi dicu bona sera.

u 19 d'Utrovi 2011
Segulinu



1.mandatu da ANTO u 19/10/2011 21:08
Lasciate corre a cazzone
Ch'un n'hè omu di valore
Un li fate piu canzone
Chi ghjè troppu a l'onore
Cu lu so bellu minchjone
Ch'ellu faccia lu pastore
Cusi capre e pécurelle
Seranu sempre in ardore !

2.mandatu da bislinguismu Segulinu u 19/10/2011 21:44
Reviens au FMI,ritorna o DSK
Arritu ind'a timpesta
Il faut que Dieu te garde
E se t'un sai cosa ti ferma a fà
Qui nimu un la vole
Tu monteras LAGARDE ! ! !


Novu cumentu :