Accueil
Envoyer à un ami
Version imprimable
Partager

Da a cultura à u culturisimu...

Sò più di trenta anni chì certe racanne incalcanu, à sicutera, nant'à a quistione di a cultura corsa. Per contu meiu, ùn vi parleraghju micca di cultura ma di culturisimu.



Luntanu assai da i panzarotti ch'è no'simu, hè scorsa una cumpetizione bodybuilders o di bodibuldori. Dicerete cum'ella vi pare !

Passanu elli, ore sane, à fidighjà in u spechju s'ellu ci hè sempre u so bilicu, à mezu à tanti musculi lucicosi. Pare ancu ch'elli si piantinu di beie qualchì ghjornu nanzu à a cumpetizione. À vede a divizia di ghjente chì escenu di capu è di casa à l'ora di l'aperitivu, ùn ci hè da stunà si di vede chì stu sportu ùn abbia picciatu assai in Corsica.

Un inchiesta nant'à e cunsequenze di u culturisimu

In quantu à i neurologhi, anu messu in ballu un inchiesta statistica nant'à 1628 persone. À sente i risultati primaticci, pare chì a chjuculezza di u so ciarbellu fussi prupurziunale à a maiurezza di i so talamoni. U so fisicu sarebbe dinù un intoppu à u sviluppu di a so vita prufessiunale. 22% di l'inchiestati sò disimpiegati.

Ma ci sò dinù d'altre cunsequenze pessime. 26% averianu prublemi per entre a matina in a so duscia. 35 % di i bodibuldori serianu incapaci di cunduce è 43 % di e budibuldore ùn puderianu micca figliulà si.

Invece, l'inchiesta mette in risaltu un risultatu cunnisciutu bè da l'usservatori di u culturismu. U ciarbellu, u si matriculeghjanu pocu è micca. Chì tanti Prozac, s'è vo site angusciati o depressivi, andate puru, cum'è elli, à biutà vi u capu in una sala di musculazione.

U solu prublema hè chì s'elli ingonfianu troppu i musculi è ch'ellu si biota u capu, un antru affarucciu s'inchjuculiscebbe ind'è i masci... è tandu, e donne dicenu : "Iscia !".

Secondu st'inchiesta, 84 % di i bodibuldori sò celibatari !


u 16 di Marzu 2008
Sbanditu



1.mandatu da iscia ! u 16/03/2008 17:58
avà sapemu ciò ch'ellu face Sbanditu nantu à Internet quand'ellu ùn scrive micca pà A Piazzetta... !!!

Iscia !

2.mandatu da u 01/04/2008 11:41
84% di i bodibuldori sò celibatari... E donne privilegianu i grassi!!!

Novu cumentu :