Accueil
Envoyer à un ami
Version imprimable
Partager

Da i Rumani à e rumenzule

Da u fondu di ste vitture sgangherate, vinti seculi di storia vi fideghjanu...



Da i Rumani à e rumenzule
S'è vo andate à a Canònica, nant'à a cummuna di Lucciana, sentite suffià u ventu di a storia. Pensate appena :
- una cità rumana, fundata da Marius in 100 nanz'à Cristu (a maiò parte dorme sottu terra...)
- una chjesa è u so battisteru paleocristianu (i storichi ùn sò micca d'accunsentu nant'à a data : IVu seculu d'appressu à G. Moracchini-Mazel, Vu o VIu segondu à d'altri)
- mosàiche d'una bellezza rara
- una chjesa rumànica (Santa Maria Assunta, detta "A Canònica", XIIu seculu).

À mezu à tuttu què, dui cateri à mezu chì imbelliscenu u paisaghju.


U spetàculu vale u colpu (ritratti di MG) :
Da i Rumani à e rumenzule

Corse-Matin hà publicatu un articulu luni passatu :

Da i Rumani à e rumenzule

A reazzione di a merria di Lucciana :

Ciò chì hà fattu reagisce a merria di Lucciana. Dicenu chì a colpa ùn hè micca soia :

"Nous ne pouvons agir sur ces épaves : c'est aux propriétaires des deux véhicules de les faire enlever par leurs assurances respectives."

Altru prublema : a strada chì hè dipartimentale. Passa vicinissimu da a Canònica è da u situ archeulògicu.

U prugettu di deviazione di a strada avanza, ma troppu pianu.

Da vede u filmettu di u situ di Corse-Matin è l'articulu :

Da i Rumani à e rumenzule

Una strada periculosa...

Ci vole à dì chì a strada hè da veru periculosa. Passa vicinissimu da a catedrale è da i scavi archeulògichi.

A catedrale hè stata tocca parechji anni fà da un camiò chì passava appena troppu in furia, è appena troppu vicinu.

A situazione nant'à Google Street View :

Da i Rumani à e rumenzule

Da i Rumani à e rumenzule

Quellu chì ghjunghje appena in furia si ne porta un pezzu in casa...
Da i Rumani à e rumenzule

...o finisce in u decoru.

Saria peccatu d'arruvinà u situ per sempre, nò ?

Da i Rumani à e rumenzule

Ma in Mariana cum'è in Aleria o Paddaghju (pè i siti i più famosi), à quandu una vera pulitica di l'archeulugia in Corsica ?

Per sapenne di più :

- U situ di a FAGEC
- U situ di u futuru museu di Mariana
- Ritratti di e mosàiche di Mariana
- Nant'à corse-romane.fr : A Canònica è San Parteu
- Omagiu à Geneviève Moracchini-Mazel, piuniera di l'archeulugia in Corsica.

u 18 di Ghjenaghju 2015



1.mandatu da sardu u 18/01/2015 19:07 (da un teleffuninu)
Chi hé u geniu chi avià custruitu a strada picicata à a cattedrale??:(
Propriu un ci tenenu micca nunda!!

2.mandatu da dimoniu u 18/01/2015 20:33
simu dinù appenuccia porci nò ?

3.mandatu da sardu u 18/01/2015 23:03 (da un teleffuninu)
Aió ma hé pussibile, cridevu chi quesse càgate e facesseru sulamente inde meiu paese!!!ancu in francia un scherzanu micca, più rispettu pé a storia. Aió corsi un fatevi ingannà...

4.mandatu da gengis-cane u 19/01/2015 01:41
Chì vergogna...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta